રોજનું શાક-રોટલી ખાઈને કંટાળ્યા છો ? તો બનાવો રાજસ્થાન અને સૌરાષ્ટ્રની પ્રખ્યાત ‘ગુવાર ઢોકળી’

તમે દાળ ઢોકળી તો ઘણીવાર ખાધી હશે પણ શું ક્યારેય ગુવાર ઢોકળી ટ્રાય કરી છે? જણાવી દઈએ કે, આ શાક રાજસ્થાનના મારવાડ વિસ્તાર અને ગુજરાતના કાઠિયાવાડ-સૌરાષ્ટ્ર ક્ષેત્રોના પારંપરિક વ્યંજનમાં વધારે જોવા મળે છે. તેનો સ્વાદ પણ એવો છે કે, તમારું વારંવાર ખાવાનું મન થશે.

ઢોકળી માટે સામગ્રી

• 1/2 કપ ઘઉંનો લોટ
• 1/2 કપ ચણાનો લોટ (બેસન)
• 1/4 ચમચી હળદર
• 1/4 નાની ચમચી બેકિંગ પાવડર
• 1/4 નાની ચમચી લાલ મરચું પાવડર
• 1/4 નાની ચમચી જીરું
• 1/4 નાની ચમચી અજમો
• શાક માટે સામગ્રી
• 200 ગ્રામ ગવારની ફળી
• 2 ઝીણા સમારેલા લીલા મરચાં
• 2-3 ચમચી ઝીણી સમારેલી તાજી લીલી કોથમીર
• 1/4 નાની ચમચી કાળી રાઈ
• 1/4 નાની ચમચી ગરમ મસાલો
• 1/2 નાની ચમચી હળદર
• 1 નાની ચમચી કાશ્મીરી લાલ મરચું
• 1 ચમચી ધાણા પાઉડર
• 1/2 ઇંચ છીણેલું આદું
• 2 મધ્યમ કદના સમારેલા ટામેટા
• 1 ચપટી હિંગ
• 1 નાનો લીંબુ
• 2 ચમચી તેલ
• સ્વાદ અનુસાર મીઠું

બનાવવાની રીત

1. ગુવાર ઢોકળી બનાવવા માટે સૌથી પહેલા લોટ તૈયાર કરી લો, એક વાસણમાં 1/2 કપ ઘઉંનો લોટ અને 1/2 કપ ચણાનો લોટ નાખો.
2. આ લોટમાં 1/4 ચમચી હળદર, 1/4 નાની ચમચી બેકિંગ પાવડર, 1/4 નાની ચમચી લાલ મરચું પાવડર, 1/4 નાની ચમચી જીરું અને 1/4 નાની ચમચી અજમો મિક્સ કરો.
3. હવે તેમાં થોડું પાણી નાખીને કઠણ લોટ બાંધી લેવાનો છે. તેને એક બાજુ ઢાંકીને સેટ થવા માટે રાખો.
4. ગુવાર ઢોકળીનું શાક બનાવવા માટે તમારે 200 ગ્રામ ગવારની ફળીને સરખી રીતે ધોઈને સૂકવી લેવાની છે. આ પછી તેની બંને બાજુથી છેડા કાઢીને તમારા હિસાબે કાપી લો.
5. ત્યારબાદ કઢાઈને ગેસ પર રાખો અને તેમાં 2 ચમચી તેલ નાખો. તેલ જ્યારે ગરમ થઈ જાય, ત્યારે તેમાં 1 ચમચી જીરું અને 1/4 નાની ચમચી કાળી રાઈની સાથે 1 ચપટી હિંગ નાખીને સાંતળી લો.
6. 1 ઇંચ છીણેલા આદુ સાથે 2 મધ્યમ કદના સમારેલા ટામેટા પણ નાખો. હવે 1/2 નાની ચમચી હળદર, 1 નાની ચમચી કાશ્મીરી લાલ મરચું, 1/4 નાની ચમચી ગરમ મસાલો અને 1 ચમચી ધાણા પાવડર નાખીને ધીમી આંચ પર 2-3 મિનિટ સુધી પકાવવા દો.
7. મસાલા શેકાઈ ગયા પછી તેમાં ગવારની ફળી સાથે જરૂરિયાત મુજબ પાણી અને સ્વાદ અનુસાર મીઠું મિક્સ કરો. આ મિશ્રણને ઓછામાં ઓછી 5-7 મિનિટ સુધી ધીમી આંચ પર પકાવવા દેવાનું છે.
8. આગલા સ્ટેપમાં ઢોકળી તૈયાર કરો, લોટમાંથી નાના-નાના લૂઆ બનાવીને ચપટા કરતા જાઓ. આ પછી તેને વાટકીનો આકાર આપતા જવું.
9. ધીમે-ધીમે બધી ઢોકળી ઉકળતા શાકમાં નાખો અને તેને પણ 2 મિનિટ સુધી પકાવો. સૌથી છેલ્લે ઉપરથી લીંબુનો રસ અને કોથમીર નાખીને સર્વ કરો.

બજારની મોંઘી ચાટ ભૂલી જાઓ! માત્ર 10 મિનિટમાં ઘર પર જ બનાવો એકદમ ચટપટી અને હેલ્ધી ‘મખાના ચાટ’