આ રક્ષાબંધને મોંઘી મીઠાઈ ભૂલી જશો! ભાઈ માટે ઘરે જ બનાવો ક્રીમી ‘બાસુંદી’, રીત જોઈને રોજ બનાવવાનું મન થશે

બાસુંદી ગુજરાતની એક પરંપરાગત મીઠાઈ છે, જેને દૂધમાંથી બનાવવામાં આવે છે. આ મીઠાઈ ઉત્તર ભારતની ફેમસ મીઠાઈ રબડી જેવી જ છે. બસ બંનેની બનાવવાની રીત તેને અલગ પાડે છે. રક્ષાબંધનના ખાસ પ્રસંગે કે દિવાળીના ખાસ પ્રસંગે જો તમે ઘરની બનેલી મીઠાઈ ખાવા માંગતા હોવ તો બાસુંદી એક પરફેક્ટ ઓપ્શન બની શકે છે.

ગુજરાતી બાસુંદી રેસિપી

બાસુંદીને દૂધ, ખાંડ અને સૂકા મેવા (ડ્રાય ફ્રુટ્સ) વડે બનાવવામાં આવે છે. એવામાં ચાલો જાણીએ તેની રેસિપી વિશે…

સામગ્રી

• 6-7 કપ ફુલ ક્રીમ દૂધ
• 1 કપ ખાંડ અથવા 2-3 મોટી ચમચી મધ
• 1/2 મોટી ચમચી એલચી પાવડર
• 2 મોટી ચમચી બદામ
• 2 મોટી ચમચી કાજુ
• 2 મોટી ચમચી પિસ્તા
• 8-10 કેસરના તાંતણા (કેસરના ફૂલમાંથી મળતા લાલ રંગના રેસા)
• 1/2 મોટી ચમચી એલચી પાવડર
• 1 ચપટી જાયફળ પાવડર
• ગાર્નિશિંગ માટે સામગ્રી
• 2 મોટી ચમચી બદામની ઊભી ચીરીઓ (સ્લાઈસ)
• 3-4 કેસરના તાંતણા

બનાવવાની રીત

1. એક નોન-સ્ટિક પેન લઈને તેને પાણીથી ધોઈ લો અને ગેસ પર મૂકી દો.
2. ધ્યાન રાખો કે, પેન જાડા તળિયાવાળું હોવું જોઈએ; કારણ કે બાસુંદીને ચડાવવા માટે લાંબો સમય પકવવી પડે છે.
3. જો બાસુંદી એકદમ ઘટ્ટ જોઈતી હોય તો, તેને બનાવવા માટે ફુલ ક્રીમ દૂધનો જ ઉપયોગ કરો.
4. દૂધને પેનમાં ઉમેરો અને તેને ઓછામાં ઓછું 40-45 મિનિટ સુધી ધીમા તાપે પકવવાનું છે.
5. આ બાદ જ્યારે દૂધ ઊકળી રહ્યું હોય, ત્યારે તેને વચ્ચે-વચ્ચે ચમચીથી હલાવતા રહો.
6. આ સાથે જ બાજુ પર ચોંટેલું દૂધ પણ ઉખેડતા રહો.
7. દૂધ ઊકળીને બહાર ન ઢોળાઈ જાય તે વાતનું પણ ખાસ ધ્યાન રાખો.
8. 40 મિનિટ પછી જો દૂધ ઓછું ઘટ્ટ લાગે, તો તેને થોડું વધારે ઊકળવા દો.
9. ત્યારબાદ જરૂર મુજબ ખાંડ, 2 મોટી ચમચી બદામ, 2 મોટી ચમચી કાજુ, 2 મોટી ચમચી પિસ્તા અને 8-10 કેસરના તાંતણા દૂધમાં ઉમેરો.
10. આ સ્ટેપમાં 1/2 મોટી ચમચી એલચી પાવડર અને 1 ચપટી જાયફળ પાવડર પણ ઉમેરો અને બરાબર મિક્સ કરી લો.
11. હવે તેને એક બાઉલમાં કાઢ્યા પછી ઠંડું થવા માટે મૂકી દો.
12. બાસુંદી રૂમના તાપમાન જેટલી ઠંડી થઈ જાય ત્યારે તેને ફ્રિજમાં ઠંડી થવા મૂકો.
13. એક કલાક પછી 3-4 કેસરના તાંતણા અને 2 મોટી ચમચી બદામની ઊભી સ્લાઈસથી ગાર્નિશ કરો.
14. તમારી બાસુંદી તૈયાર છે, તેને જમવાની થાળીમાં મહેમાનોને પીરસો.

વજન ઘટાડશે અને સુગર પણ કંટ્રોલમાં રાખશે, બનાવો પ્રોટીન-આયર્નથી ભરપૂર ચણા દાળ-પાલકનો ચીલો