Breaking News : 23 દેશમાં ફેલાયો કોરોનાનો નવો વેરિયન્ટ, શું છે સિકાડા વાયરસ? ભારત પર તેની શું અસર પડશે? જાણો
વર્ષ 2020માં કોરોના વાયરસના કારણે આખી દુનિયામાં ધમાલ મચી ગઈ હતી. અંદાજે 2 વર્ષ સુધી ભારત સહિત દરેક દેશમાં કોરોનાની અસર જોવા મળી હતી. હાલમાં કોરોનાનો નવો વેરિયન્ટ Cicada BA.3.2 સામે આવ્યો છે. જેને લોકોને ચિંતામાં નાંખી દીધા છે.
શું આપણે કોરોનાથી સંપૂર્ણ ફ્રી થઈ ચૂક્યા છીએ. કદાચ નહી જ્યારે આપણે લાગે કે, બંધુ સામાન્ય થઈ ગયું છે. તો વાયરસનો એક નવું રુપ દુનિયામાં એન્ટ્રી કરી છે. આ વખતે ચર્ચામાં છે Cicada , હવે આપણે સિકાડાની વાત કરીએ તો. તમને લાગી રહ્યું છે સિકાડા કયા જીવજંતુનું નામ છે. આ કોવિડ-19ના એ વેરિયન્ટનું નિકનેમ છે. જે અમેરિકામાં જંગલની આગની જેમ ફેલાય રહ્યો છે.
વૈજ્ઞાનિકોની ભાષામાં BA.3.2 કહી રહ્યા છે. પરંતુ શું આ માત્ર અમેરિકાની સમસ્યા છે. બિલકુલ નહી. ભારતમાં પણ INSACOGના નવા વેરિયન્ટ XFGના 163 કેસ નોંધાયા છે. તો ચાલો જાણીએ ‘Cicada’ વેરિયન્ટ શું છે. તેમજ આનાથી કેટલો ડર રાખવો જરુરી છે. સૌથી પહેલા જાણીએ કે, આ વેરિયન્ટ ક્યાંથી આવ્યો છે.BA.3.2 રિયલમાં Omicron એ ઓમિક્રોન વેરિઅન્ટનો વંશજ છે જેણે 2021 ના અંતમાં દુનિયામાં તબાહી મચાવી દીધી હતી. જોકે, BA.3.2 અગાઉના વેરિઅન્ટ્સથી તદ્દન અલગ છે.
અમેરિકાના 29 રાજ્યોમાં તેની અસર
યુએસમાં આ પ્રકારનો પહેલો કેસ જૂન 2025 માં એક પ્રવાસીમાં જોવા મળ્યો હતો. આજે, અમેરિકાના 29 રાજ્યોમાં ગંદા પાણીના નિરીક્ષણમાં આ પ્રકારનો નવો વેરિયન્ટ મળી રહ્યો છે. ગટરનું નિરીક્ષણ એ વિવિધ પ્રકારોના ફેલાવાને સમજવાનો સૌથી સચોટ માર્ગ માનવામાં આવે છે, અને ડેટા દર્શાવે છે કે આ પ્રકાર ખૂબ જ શાંતિથી ફેલાઈ રહ્યો છે.
ભારતમાં પરિસ્થિતિ હાલમાં નિયંત્રણમાં છે, પરંતુ ફેલાવાની આશંકા યથાવત છે.
હવે, ભારત પર તેની અસરની ચર્ચા કરીએ. ભારતની જીનોમ સિક્વન્સિંગ એજન્સી, INSACOG એ તાજેતરમાં અહેવાલ આપ્યો છે કે દેશમાં XFG વેરિઅન્ટના 163 કેસ મળી આવ્યા છે. આ ઓમિક્રોનનું પરિવર્તિત સ્વરૂપ પણ છે. વૈશ્વિક સ્તરે BA.3.2 અને ભારતમાં XFG જેવા વેરિઅન્ટનો ઉદભવ સૂચવે છે કે, વાયરસ સતત બદલાઈ રહ્યો છે. નિષ્ણાતો કહે છે કે ,ભારતમાં પરિસ્થિતિ હાલમાં નિયંત્રણમાં છે, પરંતુ આંતરરાષ્ટ્રીય પ્રવાસીઓ દ્વારા BA.3.2 ફેલાવાની શક્યતાને નકારી શકાય નહીં. આપણે સતર્ક રહેવાની તેમજ તપાસ કરવાની જરૂર છે.
