Beauty Tips : ત્વચાના ખીલથી લઈને ડાર્ક સ્પોટ સુધીની સમસ્યાને દૂર કરવા વાપરો હળદરનું તેલ
જે લોકોને વારંવાર ચહેરા પર પિમ્પલ્સની સમસ્યા રહે છે તેઓ ચહેરા પર હળદરનું તેલ લગાવી શકે છે. આનાથી તેમની ત્વચા પર દેખાતા ખીલ અને પિમ્પલ્સની સમસ્યાને ધીરે ધીરે ઓછી કરી શકાય છે. જોકે હળદરનું તેલ ક્યારેય પણ સીધું ત્વચા પર ન લગાવવું જોઈએ. તેને અન્ય કોઈપણ તેલ સાથે મિક્સ કરો અને પછી તેને ત્વચા પર લગાવો.
ત્વચાને (Skin ) સ્વસ્થ અને ડાઘ રહિત બનાવવા માટે હળદરનો (Turmeric) ઉપયોગ લાંબા સમયથી કરવામાં આવે છે. લગ્નમાં (Marriage ) હળદર લગાવવાની હોય કે નાના બાળકોની ત્વચા માટે હળદર-મલાઈની પેસ્ટ તૈયાર કરવાની હોય, આજે પણ ત્વચા માટે હળદરનો ઉપયોગ અલગ-અલગ રીતે થાય છે. હળદર પાવડર અને હળદરની ગાંસડીનો ઉપયોગ સામાન્ય રીતે સૌંદર્ય સારવાર અને રસોડામાં થાય છે, પરંતુ હળદરનું આવશ્યક તેલ પણ ઘણા પોષક તત્વોથી ભરપૂર હોય છે. આ આવશ્યક તેલના ગુણધર્મો અને ત્વચા માટે તેનો ઉપયોગ કરવાની વિવિધ રીતો વિશે અહીં વાંચો.
ત્વચા પર હળદરનું તેલ લગાવવાથી આ ફાયદા થઈ શકે છે
હળદરનું તેલ વિવિધ પ્રકારના એન્ટીઓક્સીડેન્ટથી ભરપૂર હોય છે જે ત્વચાને અંદર અને બહારથી સ્વસ્થ બનાવે છે. તેમાં જોવા મળતા એન્ટિ-ફંગલ અને એન્ટિ-બેક્ટેરિયલ ગુણ ત્વચા પર જમા થયેલા બેક્ટેરિયાને ખતમ કરે છે, જે ફોડલા, પિમ્પલ્સ અને સ્કિન ઇન્ફેક્શનની સમસ્યાથી રાહત આપે છે. ત્વચાની એલર્જી અને ત્વચા સંબંધિત ઘણી સમસ્યાઓ હળદરના તેલના ઉપયોગથી દૂર કરી શકાય છે.
હળદર તેલનો ઉપયોગ કેવી રીતે કરવો ?
પિમ્પલ્સ માટે આ રેસીપી અજમાવો
જે લોકોને વારંવાર ચહેરા પર પિમ્પલ્સની સમસ્યા રહે છે તેઓ ચહેરા પર હળદરનું તેલ લગાવી શકે છે. આનાથી તેમની ત્વચા પર દેખાતા ખીલ અને પિમ્પલ્સની સમસ્યાને ધીરે ધીરે ઓછી કરી શકાય છે. જોકે હળદરનું તેલ ક્યારેય પણ સીધું ત્વચા પર ન લગાવવું જોઈએ. તેને અન્ય કોઈપણ તેલ સાથે મિક્સ કરો અને પછી તેને ત્વચા પર લગાવો. તમારી ત્વચાના પ્રકારને ધ્યાનમાં રાખીને, તમે તેને ઓલિવ તેલ અથવા નારિયેળના તેલમાં મિક્સ કરી શકો છો અને તેને કોટનની મદદથી પિમ્પલ્સ એરિયા પર લગાવી શકો છો. પછી તેને 2-3 કલાક પછી સાફ કરો.
ડાર્ક સ્પોટ કેવી રીતે દૂર કરવા
ચહેરા પર ડાર્ક સ્પોટ, ખીલના નિશાન અને ફ્રીકલ્સના દેખાવને ઘટાડી શકે છે. પરંતુ, તમારી ત્વચાના પ્રકાર અને તેનાથી થતી એલર્જી વિશે તમારા ત્વચા નિષ્ણાત સાથે ચર્ચા કર્યા પછી, ડાર્ક સર્કલ્સની અને સ્પોટની સમસ્યાથી છુટકારો મેળવવા માટે હળદરના તેલનો ઉપયોગ કરો, અડધી ચમચી ઓલિવ તેલ અથવા નારિયેળ તેલમાં 3-4 ટીપાં મિક્સ કરો. હવે તેને તમારી ત્વચા પર લગાવો. એકથી બે કલાક પછી સાદા પાણીથી ચહેરો સાફ કરી લો.
આ પણ વાંચો :
Health: ઊંઘની કમી સ્વાસ્થ્ય પર કરે છે ખરાબ અસર, કેન્સર જેવી બીમારીનું થવાનું જોખમ
AIIMS Delhi: હવે કોરોના ટેસ્ટ વગર પણ AIIMS માં દર્દીની સારવાર થઇ શકશે
(વૈધાનિક ચેતવણીઃ આ લેખ માત્ર જાણકારી માટે છે. આનો ઉપયોગ-ઉપચાર કરતા પૂર્વે આપ આપના તબીબ અથવા આ બાબતના તજજ્ઞનો સંપર્ક કરીને જરૂરી પુછપરછ કરશો)