AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Canada immigration : કેનેડાનો ભારતીયો સાથે ભેદભાવ? પાકિસ્તાનીઓને પરમિટ માટે અપાઈ પ્રાથમિકતા, જાણો સમગ્ર મામલો!

કેનેડા ઇમિગ્રેશન (IRCC)ના તાજા આંકડા મુજબ, ભારતીય વિદ્યાર્થીઓ અને કામદારો માટે સ્ટડી અને વર્ક પરમિટ પ્રોસેસિંગ સમય લાંબો જ રહ્યો છે (અંદાજે 8-10 અઠવાડિયા). પાકિસ્તાની અરજદારો માટે સ્ટડી પરમિટનો સમય ઘટીને 4 અઠવાડિયા થયો છે, જે ભારતીયો કરતાં નોંધપાત્ર રીતે ઝડપી છે.

Canada immigration : કેનેડાનો ભારતીયો સાથે ભેદભાવ? પાકિસ્તાનીઓને પરમિટ માટે અપાઈ પ્રાથમિકતા, જાણો સમગ્ર મામલો!
| Updated on: Nov 16, 2026 | 5:38 PM
Share

કેનેડામાં અભ્યાસ કરવા અથવા નોકરી મેળવવાનું સપનું જોતા ભારતીય વિદ્યાર્થીઓ અને કુશળ કામદારો માટે ઇમિગ્રેશન પ્રક્રિયા હજુ પણ પડકારરૂપ બની રહી છે. કેનેડાના ઇમિગ્રેશન વિભાગ (IRCC) દ્વારા જાહેર કરવામાં આવેલા તાજેતરના પ્રોસેસિંગ ટાઇમના આંકડા મુજબ, ભારતીય અરજદારોને સ્ટડી અને વર્ક પરમિટ મેળવવા માટે અગાઉની જેમ જ રાહ જોવી પડી રહી છે. બીજી તરફ, પાકિસ્તાની અરજદારો માટે સ્ટડી પરમિટની પ્રક્રિયામાં થોડો ઘટાડો નોંધાયો છે. આ અપડેટને કારણે ભારતીય અરજદારોમાં કેનેડાની ઇમિગ્રેશન પ્રક્રિયાને લઈને ફરી એકવાર ચર્ચા શરૂ થઈ છે.

ભારતીય વિદ્યાર્થીઓ અને કામદારો માટે રાહ જોવાનો સમય યથાવત

IRCCના તાજેતરના આંકડા અનુસાર, કેનેડામાં અભ્યાસ કરવા માટે સ્ટડી પરમિટની રાહ જોઈ રહેલા ભારતીય વિદ્યાર્થીઓને હજુ પણ અંદાજે 8 અઠવાડિયાનો સમય લાગી રહ્યો છે. 4 નવેમ્બરના રોજ જાહેર કરવામાં આવેલા અગાઉના અપડેટની સરખામણીમાં આ સમયમાં કોઈ ફેરફાર થયો નથી.

બીજી તરફ, કેનેડામાં નોકરી કરવા ઇચ્છતા ભારતીય કુશળ કામદારો અને વ્યાવસાયિકો માટે વર્ક પરમિટની પ્રક્રિયામાં પણ કોઈ ખાસ રાહત મળી નથી. નવીનતમ અંદાજ મુજબ, ભારતીય અરજદારોને વર્ક પરમિટ મેળવવા માટે લગભગ 10 અઠવાડિયા રાહ જોવી પડી રહી છે.

આ ઉપરાંત, કેનેડામાં પહેલેથી જ રહેતા ભારતીય વિદ્યાર્થીઓ અને કામદારો, જેઓ પોતાની વર્ક પરમિટનું નવીનીકરણ કરાવવા અથવા નવી પરમિટ માટે અરજી કરી રહ્યા છે, તેમને પણ લાંબી રાહ જોવી પડી શકે છે. આવી અરજીઓ માટે પ્રોસેસિંગ સમય અંદાજે 16 અઠવાડિયા એટલે કે લગભગ ચાર મહિના દર્શાવવામાં આવ્યો છે.

પાકિસ્તાની વિદ્યાર્થીઓ માટે સ્ટડી પરમિટની પ્રક્રિયા ઝડપી

ભારતીય અરજદારો માટે પ્રોસેસિંગ સમયમાં કોઈ ખાસ ફેરફાર જોવા મળ્યો નથી, ત્યારે પાકિસ્તાની વિદ્યાર્થીઓ માટે સ્ટડી પરમિટની પ્રક્રિયામાં સુધારો નોંધાયો છે. IRCCના નવા આંકડા મુજબ, પાકિસ્તાનના અરજદારો માટે સ્ટડી પરમિટનો પ્રોસેસિંગ સમય 5 અઠવાડિયાથી ઘટીને 4 અઠવાડિયા થયો છે.

છેલ્લા ચાર મહિનામાં પાકિસ્તાની અરજદારો માટે નોંધાયેલો આ સૌથી ઝડપી પ્રોસેસિંગ સમય હોવાનું જણાવવામાં આવ્યું છે. આ આંકડાઓની સરખામણી કરીએ તો ભારતીય વિદ્યાર્થીઓને સ્ટડી પરમિટ માટે અંદાજે 8 અઠવાડિયા રાહ જોવી પડે છે, જ્યારે પાકિસ્તાની વિદ્યાર્થીઓને લગભગ 4 અઠવાડિયામાં નિર્ણય મળી શકે છે. એટલે કે, બંને દેશોના અરજદારોના પ્રોસેસિંગ સમય વચ્ચે બે ગણો તફાવત જોવા મળી રહ્યો છે.

સુપર વિઝાના પ્રોસેસિંગ સમયમાં પણ ફેરફાર

સ્ટડી પરમિટ ઉપરાંત સુપર વિઝાની પ્રક્રિયામાં પણ પાકિસ્તાની અરજદારો માટે રાહ જોવાના સમયમાં ઘટાડો નોંધાયો છે. નવા અપડેટ મુજબ, પાકિસ્તાનના અરજદારો માટે સુપર વિઝાના પ્રોસેસિંગ સમયમાં 10 દિવસનો ઘટાડો કરવામાં આવ્યો છે. બીજી તરફ, ભારતીય અરજદારોને વિઝિટર વિઝા અને સુપર વિઝા માટે અગાઉની સરખામણીમાં થોડી વધુ રાહ જોવી પડી રહી છે.

ભારતીય અરજદારોએ શું ધ્યાન રાખવું?

કેનેડામાં અભ્યાસ અથવા નોકરી માટે અરજી કરવાની તૈયારી કરી રહેલા ભારતીયોએ IRCCની સત્તાવાર વેબસાઇટ પર પ્રોસેસિંગ સમયની નિયમિત તપાસ કરવી જોઈએ. અહીં નોંધવું જરૂરી છે કે જાહેર કરવામાં આવેલા પ્રોસેસિંગ સમય અંદાજિત હોય છે. વાસ્તવિક સમય અરજીની વિગતો, દસ્તાવેજોની ચકાસણી અને અન્ય પરિબળોના આધારે બદલાઈ શકે છે. તેથી સ્ટડી પરમિટ કે વર્ક પરમિટ માટે અરજી કરતાં પહેલાં તમામ જરૂરી દસ્તાવેજો તૈયાર રાખવા અને સમયસર અરજી કરવી જરૂરી છે.

80 વર્ષ બાદ ફરી બદલાશે વિશ્વ વ્યવસ્થા? એક મંચ પર જોવા મળશે ટ્રમ્પ, જિનપિંગ અને પુતિન!

Follow Us
g clip-path="url(#clip0_868_265)">