લગ્ન કરવા માટે સરકાર આપશે 51 હજાર રૂપિયા, જાણો આ યોજના વિશે

સરકાર દ્વારા દેશના નાગરિકો માટે ઘણી યોજનાઓ ચલાવવામાં આવે છે. જેમાં વિવિધ લોકોની જરૂરિયાતોને ધ્યાનમાં રાખીને ઘણી યોજનાઓ લાવવામાં આવે છે. આમાંની મોટાભાગની યોજનાઓ ગરીબો અને જરૂરિયાતમંદો માટે છે. સરકાર આવા લોકોને શક્ય એટલી મદદ કરે છે. પછી તે પ્રધાનમંત્રી ઉજ્જવલા યોજના હોય કે પ્રધાનમંત્રી આયુષ્માન ભારત યોજના. ગરીબ જરૂરિયાતમંદ લોકોને આ સરકારી યોજનાઓનો સીધો લાભ મળે છે.

કેન્દ્ર સરકાર ઉપરાંત, રાજ્ય સરકારો પણ તેમના રાજ્યોના નાગરિકો માટે અલગ યોજનાઓ ચલાવે છે. ઘણા રાજ્યોમાં વિવિધ પ્રકારની યોજનાઓ છે. ઉત્તર પ્રદેશમાં રાજ્ય સરકાર ગરીબ આશ્રિતોને તેમના લગ્નમાં નાણાકીય સહાય પૂરી પાડે છે. ત્યારે આ લેખમાં જાણીશું આ યોજના વિશે.

મુખ્યમંત્રી સમૂહ લગ્ન યોજના

ઉત્તરપ્રદેશમાં મુખ્યમંત્રી સમૂહ લગ્ન યોજના હેઠળ ગરીબ નિરાધારોને લગ્ન માટે સરકાર દ્વારા કુલ 51 હજાર રૂપિયા આપવામાં આવે છે. આ રકમ એક જ સમયે સંપૂર્ણ આપવામાં આવતી નથી. મુખ્યમંત્રી સમૂહ લગ્ન યોજના હેઠળ, સરકાર લગ્ન પછી યોજના માટે પાત્ર ગરીબ કન્યાઓના ખાતામાં 31,000 રૂપિયા જમા કરે છે.

બાકીના પૈસામાંથી 10,000 રૂપિયા લગ્નમાં ઉપયોગમાં લેવાતી બાકીની વસ્તુઓ પર ખર્ચવામાં આવે છે. તો બાકીના રૂપિયા લગ્ન સમારોહની સજાવટ પાછળ ખર્ચવામાં આવે છે. તમને જણાવી દઈએ કે આ યોજનાનો લાભ માત્ર જરૂરિયાતમંદ દીકરીઓને જ આપવામાં આવે છે.

યોજના માટે કોણ પાત્ર છે ?

ઉત્તર પ્રદેશમાં મુખ્યમંત્રી સમૂહ લગ્ન યોજના હેઠળ 51 હજાર રૂપિયા ફક્ત તે પરિવારોની દીકરીઓને લગ્ન માટે આપવામાં આવે છે. જેમના માતા-પિતા ઉત્તર પ્રદેશના વતની છે. આ સાથે આ યોજનાનો લાભ મેળવવા માટે પાત્રતા ધરાવતા પરિવારની વાર્ષિક આવક 2 લાખ રૂપિયાથી વધુ ન હોવી જોઈએ.

જો કોઈ વ્યક્તિ અનુસૂચિત જાતિ અથવા OBC સમુદાયની હોય તો તેમને યોજનાનો લાભ મેળવવા માટે તેમનું જાતિ પ્રમાણપત્ર પણ રજૂ કરવું પડશે. ઉત્તર પ્રદેશમાં મુખ્યમંત્રી સમૂહ લગ્ન યોજના હેઠળ કન્યાની લઘુત્તમ વય 18 વર્ષ અને વરની લઘુત્તમ વય 21 વર્ષ હોવી આવશ્યક છે.

આ યોજના મધ્યપ્રદેશમાં પણ ચલાવવામાં આવે છે

તમને જણાવી દઈએ કે માત્ર ઉત્તરપ્રદેશમાં જ નહીં પરંતુ મધ્યપ્રદેશમાં પણ જરૂરિયાતમંદ નિરાધારોને લગ્ન માટે આર્થિક સહાય આપવા માટે એક યોજના ચલાવવામાં આવે છે. મધ્યપ્રદેશમાં મુખ્યમંત્રી કલ્યાણી લગ્ન સહાય યોજના હેઠળ લગ્નમાં 2 લાખ રૂપિયા સુધીની આર્થિક સહાય આપવામાં આવે છે.