Uthiramerur Inscription : પીએમ મોદીએ ઉલ્લેખ કરેલો ઉત્તરામેરુર શિલાલેખ ક્યાં છે અને તેનું મહત્વ શું છે? જાણો તેના વિશે બધું જ

Uthiramerur Inscription News : વડાપ્રધાન નરેન્દ્ર મોદીએ તાજેતરમાં ભારતના લોકતાંત્રિક ઈતિહાસની ચર્ચા કરતી વખતે તમિલનાડુના કાંચીપુરમમાં સ્થિત Uthiramerur Inscription નો ઉલ્લેખ કર્યો હતો. આ શિલાલેખ પરંતક પ્રથમ (907-953 AD) ના શાસન દરમિયાન ગામની સ્વ-શાસનની કામગીરીનું વિગતવાર વર્ણન પ્રદાન કરે છે. ઇતિહાસકારો આ શિલાલેખને ભારતના લોકશાહી કાર્યના લાંબા ઇતિહાસના પુરાવા તરીકે ટાંકે છે. ચાલો જાણીએ ઉત્તરામેરુર શિલાલેખ ક્યાં છે અને તેનું શું મહત્વ છે?

આ પણ વાંચો : Current Affairs 2023 : પ્રધાનમંત્રી ઊર્જા ગંગા લાઇન પ્રોજેક્ટ શું છે, કેટલી છે તેની લંબાઈ? અહીં જાણો

ઉત્તરામેરુર, હાલના કાંચીપુરમ જિલ્લાનું એક નાનું શહેર, પલ્લવ અને ચોલ શાસન દરમિયાન બાંધવામાં આવેલા તેના ઐતિહાસિક મંદિરો માટે જાણીતું છે. વૈકુંડ પેરુમલ મંદિરની દિવાલો પર પરંતક પ્રથમના શાસનકાળનો પ્રખ્યાત શિલાલેખ જોઈ શકાય છે. શિલાલેખ સ્થાનિક વિધાનસભા અથવા ગ્રામસભા કેવી રીતે કાર્ય કરે છે, સભ્યોની પસંદગી કેવી રીતે કરવામાં આવી હતી. તેમની આવશ્યક લાયકાતો અને ભૂમિકાઓ અને જવાબદારીઓ વગેરે વિશે માહિતી આપે છે. જેમાં વિવિધ કાર્યો કરવા માટેની વિશેષ સમિતિઓનું વર્ણન આપવામાં આવ્યું છે.

શિલાલેખ ક્યા પ્રકારની સિસ્ટમનો ઉલ્લેખ કરે છે?

આ એસેમ્બલી ફક્ત બ્રાહ્મણોની બનેલી હતી અને શિલાલેખમાં સભ્યોને ક્યા સંજોગોમાં દૂર કરી શકાય તેની વિગતો પણ આપવામાં આવી છે. શિલાલેખ સભાની અંદરની વિવિધ સમિતિઓ, તેમની જવાબદારીઓ અને મર્યાદાઓનું પણ વર્ણન કરે છે.

આ સમિતિઓનું કામ 360 દિવસ ચાલતું હતું, ત્યારબાદ સભ્યોએ નિવૃત્ત થવું પડ્યું હતું. સભાનું સભ્યપદ જમીનદાર બ્રાહ્મણોના નાના પેટા વર્ગ પૂરતું મર્યાદિત હતું. ત્યાં કોઈ વાસ્તવિક ચૂંટણી વ્યવસ્થા નહોતી. ઉમેદવારોના લાયક સમુહમાંથી સભ્યોની પસંદગી ડ્રો દ્વારા કરવામાં આવી હતી.

શિલાલેખનું મહત્વ શું છે?

જો કે, શિલાલેખને લોકશાહી કાર્ય માટે ઉદાહરણ તરીકે ટાંકવું જોઈએ. આ શિલાલેખ એક બંધારણ જેવું છે, જેમાં વિધાનસભાના સભ્યોની જવાબદારીઓ અને તેમની સત્તાની મર્યાદાઓનું વર્ણન કરવામાં આવ્યું છે. જો કાયદાનું શાસન લોકશાહીનું આવશ્યક ઘટક છે, તો ઉત્તરામેરુર શિલાલેખ સરકારની એક સિસ્ટમનું વર્ણન કરે છે જે તેનું પાલન કરે છે.

એજ્યુકેશન, કરિયર, કરન્ટ અફેર્સ, જોબ ક્ષેત્રે શું ચાલી રહ્યું છે? Tv9gujrati.com પર લેટેસ્ટ ગુજરાતી સમાચાર વાંચો અને જુઓ

એજ્યુકેશન ન્યૂઝ, ગવર્નમેન્ટ જોબ, બોર્ડ રિઝલ્ટ, એડમિશન ન્યૂઝ વાંચવા માટે જોડાયેલા રહો…