વડાપ્રધાન નરેન્દ્ર મોદીને ગિફ્ટમાં મળેલા મેડલોનું શું કરવામાં આવે છે? જાણો
વડાપ્રધાન નરેન્દ્ર મોદીએ અત્યાર સુધી અનેક દેશ-વિદેશની યાત્રા કરી છે. આ દરમિયાન તેમનું સ્વાગત અનેક મોંઘી ગિફ્ટ આપી કરવામાં આવતું હોય છે. ત્યારે તમારા મનમાં પ્રશ્ન હશે કે, પીએમ મોદીને મળેલા મેડલો સહિત ગિફ્ટનું શું કરવામાં આવે છે.
વડાપ્રધાન નરેન્દ્ર મોદીને સ્વીડન પ્રવાસ પર ગોથેનબર્ગમાં શાનદાર સ્વાગત કરવામાં આવ્યું હતુ. તેને સ્વીડનમાં ભારતીય સમુદાયના લોકો સાથે મુલાકાત પણ કરી હતી. આ પ્રવાસ દરમિયાન નરેન્દ્ર મોદીને સ્વીડનનો સર્વોચ્ચ નાગરિક સમ્માન રોયલ ઓર્ડર ઓફ ધ પોલર સ્ટાર, કમાન્ડર ગ્રાન્ડ ક્રોસથી સન્માનિત કરવામાં આવ્યા હતા.
દેશો વચ્ચે ભેટ આપવી એ રાજદ્વારી પ્રથાનો એક મહત્વપૂર્ણ ભાગ છે. તે બંને દેશો વચ્ચે વહેંચાયેલી મિત્રતા અને મુલાકાતનું પ્રતીક છે. જ્યારે પણ કોઈ વડા પ્રધાન કોઈ દેશની મુલાકાત લે છે અને બીજા વડા પ્રધાન કે રાષ્ટ્રપતિને મળે છે, ત્યારે તેઓ ભેટોની આપ-લે કરે છે.
તો, ચાલો જાણીએ કે વડા પ્રધાન તેમને મળેલી મોંઘી ભેટો અને મેડલોનું શું કરે છે અને તેઓ તેને ક્યાં રાખે છે.વડાપ્રધાન નરેન્દ્ર મોદીને સત્તાવાર મુલાકાતો અને કાર્યક્રમો દરમિયાન મળેલા તમામ ભેટો અને ચંદ્રકો (સન્માન) સરકારી મિલકત (તોષાખાના) માં જમા કરવામાં આવે છે.
સંસ્કૃતિ મંત્રાલય દર વર્ષે આ સ્મૃતિચિહ્નોની ઈ-હરાજી કરે છે. આ હરાજીમાંથી મળેલી બધી રકમનો ઉપયોગ ગંગા નદીને પુનર્જીવિત કરવાના હેતુથી નમામી ગંગે પ્રોજેક્ટ માટે ભંડોળ પૂરું પાડવા માટે થાય છે.
આ બધી ભેટો નેશનલ ગેલેરી ઓફ મોર્ડન આર્ટ (NGMA) અથવા ઓનલાઈન પ્લેટફોર્મ પર પ્રદર્શિત કરવામાં આવે છે. સામાન્ય નાગરિકો આ ગિફ્ટની હરાજીમાં ભાગ લઈ શકે છે અને પીએમ મેમેન્ટો વેબસાઇટ દ્વારા તેને ખરીદી શકે છે.
હરાજીમાં પરંપરાગત ચિત્રો, શિલ્પો અને હસ્તકલા ઉપરાંત, ઓલિમ્પિક અને પેરાલિમ્પિક રમતોમાં મેડલ વિજેતાઓ દ્વારા પ્રધાનમંત્રીને ભેટ આપવામાં આવેલા શુઝ અને રેકેટ જેવા રમતગમતના સાધનોનો પણ સમાવેશ થાય છે. (ALL Photo : PTI)
