How to remove ants: નહીં થાય નુકસાન કે ગંદકી, રસોડામાંથી દૂમદબાઈને ભાગશે કીડી, ટ્રીક જાણવા જુઓ Video

How to remove ants: રસોડામાં કીડીઓ દેખાવા લાગે એટલે ઘણી ગૃહિણીઓ માટે તે મોટી મુશ્કેલી બની જાય છે. ખાસ કરીને જ્યારે કીડીઓ ખાંડ, મીઠાઈ અથવા અન્ય ખાદ્ય વસ્તુઓ સુધી પહોંચી જાય ત્યારે ચિંતા વધી જાય છે. આવા સમયે લોકો ઘણીવાર કેમિકલવાળા સ્પ્રેનો ઉપયોગ કરે છે, પરંતુ તે સ્વાસ્થ્ય માટે નુકસાનકારક બની શકે છે. હવે જાણીતા શેફ Pankaj Bhadouriaએ એક સરળ અને ઘરેલું ઉપાય શેર કર્યો છે, જેનાથી કીડીઓને નુકસાન પહોંચાડ્યા વગર રસોડામાંથી દૂર રાખી શકાય છે.

ઘરમાં રસોડું સૌથી મહત્વપૂર્ણ જગ્યા માનવામાં આવે છે કારણ કે અહીં તૈયાર થતો ખોરાક સીધો પરિવારના સ્વાસ્થ્ય સાથે જોડાયેલો હોય છે. પરંતુ ખાદ્ય પદાર્થોની સુગંધને કારણે કીડીઓ અને અન્ય જીવાતો ઝડપથી આકર્ષાય છે. ખાંડનો નાનો દાણો કે ખોરાકની હળવી સુગંધ પણ કીડીઓની લાઈન ઉભી કરી દે છે.

શેફ પંકજ ભદોરિયાએ પોતાના સોશિયલ મીડિયા પર એક ખાસ ઉપાય શેર કર્યો હતો. તેમના જણાવ્યા અનુસાર, એક સ્પ્રે બોટલમાં 2 ચમચી ડેટોલ અને 1 ચમચી પીસેલી હિંગ મિક્સ કરો. ત્યારબાદ બોટલને સારી રીતે હલાવી લો. હિંગ અને ડેટોલની તીવ્ર સુગંધને કારણે કીડીઓ તે જગ્યાથી દૂર ભાગે છે. આ મિશ્રણને રસોડાના ખૂણાઓ, સ્લેબની આસપાસ, ડ્રોઅર પાસે અથવા જ્યાં કીડીઓ વધુ દેખાતી હોય ત્યાં સ્પ્રે કરી શકાય છે.

આ ઉપાયની ખાસ વાત એ છે કે તેમાં કોઈ હાનિકારક કેમિકલનો ઉપયોગ થતો નથી અને તે રસોડાને સ્વચ્છ રાખવામાં પણ મદદરૂપ બને છે. સાથે જ કીડીઓને મારવાની જરૂર પડતી નથી, માત્ર ગંધના કારણે તે જગ્યાથી દૂર થઈ જાય છે.

આ સિવાય કેટલાક અન્ય ઘરેલું ઉપાયો પણ કીડીઓને દૂર રાખવામાં મદદ કરી શકે છે. સફેદ સરકો પણ કીડીઓ માટે અસરકારક માનવામાં આવે છે. તેના માટે સમાન પ્રમાણમાં પાણી અને સફેદ સરકો મિક્સ કરીને સ્પ્રે બોટલમાં ભરો. ત્યારબાદ આ મિશ્રણને બારીના ખૂણા, રસોડાના સ્લેબ, ડ્રોઅર નીચે અથવા કીડીઓ આવતા રસ્તાઓ પર સ્પ્રે કરો. સરકાની ગંધ કીડીઓને ત્યાંથી દૂર રાખવામાં મદદ કરે છે.

ભીષણ ગરમીમાં પોર્ટેબલ AC કે ટાવર કુલર, તમારા ઘર માટે શું ખરીદવું ફાયદાકારક?