જો બંધારણમાં આ ફેરફાર થયો તો 2036 સુધી રશિયાના રાષ્ટ્રપતિ રહી શકે છે વ્લાદિમીર પુતિન

રશિયાના રાષ્ટ્રપતિ વ્લાદિમીર પુતિનનો કાર્યકાળ 2024માં પુરો થઈ રહ્યો છે. દેશના હાલના કાયદા મુજબ ત્યારબાદ તે ચૂંટણી નહીં લડી શકે. રશિયાની સંસદના નિચલા ગૃહ ‘ડ્યૂમા’માં મંગળવારે રાષ્ટ્રપતિ પુતિનની ટર્મ વધારવાને લઈ પ્રસ્તાવ લાવવામાં આવ્યો હતો. તેની પર પુતિને સંસદને કહ્યું કે તે તેના માટે તૈયાર છે, પરંતુ બંધારણીય કોર્ટે પહેલા આ પગલાને મંજૂરી આપવી પડશે. આ કાયદો પાસ થવાની સાથે જ 67 વર્ષીય પુતિન 6 વર્ષના વધુ બે ટર્મ પુરા કરી શકે છે. ત્યારબાદ તે 2036 સુધી સત્તામાં રહી શકે છે.

રશિયાના પૂર્વ કેજીબી ઓફિસર પુતિન 20 વર્ષથી સત્તામાં છે. તે 2000 થી 2008 સુધી બે વખત રાષ્ટ્રપતિ રહ્યા હતા. ત્યારબાદ તેમને તેમના નજીકના મેદવેદેવને રાષ્ટ્રપતિ બનાવી દીધા હતા. તે દરમિયાન પુતિન વડાપ્રધાન હતા. મેદવેદેવના રાષ્ટ્રપતિ રહેવા દરમિયાન રાષ્ટ્રપતિનો કાર્યકાળ વધારીને 6 વર્ષનો કરી દેવામાં આવ્યો હતો.

સંસદમાં આ પ્રસ્તાવ વેલેન્ટીના તેરેશકોવા લાવ્યા હતા. તે 1963માં અંતરિક્ષમાં જનારા પ્રથમ મહિલા છે. તે પુતિનના સમર્થક માનવામાં આવે છે. ‘ડ્યૂમા’માં પુતિનની પાર્ટી યૂનાઈટેડ રશિયાનું વર્ચસ્વ છે. ત્યારે એવામાં પ્રસ્તાવ પાસ થવાની સંભાવના વ્યક્ત કરવામાં આવી રહી છે. આ બંધારણીય ફેરફાર થશે કે નહીં તે નક્કી કરવા માટે રશિયામાં 22 એપ્રિલે વોટિંગ કરવામાં આવશે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

આ પણ વાંચો: VIDEO: રાજકોટમાં કોરોના વાયરસનો એક શંકાસ્પદ કેસ નોંધાયો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]