અમેરિકાએ હવે નાઇજીરિયામાં ISISના ઠેકાણા પર કરી એર સ્ટ્રાઇક, ટ્રમ્પે ખ્રિસ્તીઓનો “બદલો” લેવાના આદેશ આપ્યા

અમેરિકાના રાષ્ટ્રપતિ ડોનાલ્ડ ટ્રમ્પે જાહેરાત કરી છે કે ઉત્તર-પશ્ચિમ નાઇજીરીયામાં ઇસ્લામિક સ્ટેટ (ISIS) આતંકવાદી જૂથ સામે મોટા પાયે હુમલો કરવામાં આવ્યો છે. ટ્રમ્પે સોશિયલ મીડિયા પર જણાવ્યું હતું કે તેમણે સૈન્યને આદેશ આપ્યો હતો, જેના કારણે આ હુમલો કરવામાં આવ્યો. ટ્રમ્પે જણાવ્યું હતું કે ISIS આફ્રિકન દેશ નાઇજીરીયામાં ખ્રિસ્તીઓને મારી રહ્યું છે. “તેથી, મેં મારી સેનાને આ જૂથ પર હુમલો કરવાનો આદેશ આપ્યો છે. જો ખ્રિસ્તીઓ પર હુમલા થશે, તો આ ચાલુ રહેશે,” તેમણે કહ્યું.

ગુરુવારે રાત્રે એક સોશિયલ મીડિયા પોસ્ટમાં, ડોનાલ્ડ ટ્રમ્પે નાઇજીરીયામાં ISISના લક્ષ્યો પર શક્તિશાળી હુમલાની વાત કરી હતી. જોકે, પોસ્ટમાં હુમલો કેવી રીતે કરવામાં આવ્યો અથવા નુકસાનની માત્રા વિશે કોઈ વિગતો આપવામાં આવી નથી. વ્હાઇટ હાઉસે હજુ સુધી આ બાબતે કોઈ માહિતી જાહેર કરી નથી.

ડોનાલ્ડ ટ્રમ્પે ટ્રુથ સોશિયલ પર લખ્યું, “આજે રાત્રે, કમાન્ડર ઇન ચીફ તરીકે મારા નિર્દેશ પર, યુનાઇટેડ સ્ટેટ્સે ઉત્તર-પશ્ચિમ નાઇજીરીયામાં ISIS આતંકવાદીઓ સામે એક શક્તિશાળી અને મોટો હુમલો કર્યો. આ આતંકવાદીઓ સતત નિર્દોષ ખ્રિસ્તીઓને નિશાન બનાવી રહ્યા હતા અને નિર્દયતાથી મારી રહ્યા હતા. વર્ષો અને સદીઓમાં આવું ક્યારેય જોવા મળ્યું નથી.”

ટ્રમ્પે પોતાની પોસ્ટમાં આગળ લખ્યું, “મેં અગાઉ આ આતંકવાદીઓને ચેતવણી આપી હતી કે જો તેઓ ખ્રિસ્તીઓને મારવાનું બંધ નહીં કરે, તો તેમને પરિણામ ભોગવવા પડશે. આજે રાત્રે બરાબર આવું જ થયું, યુએસ સૈન્યએ અનેક સચોટ હુમલાઓ કર્યા. ફક્ત અમેરિકા જ આ કરી શકે છે. આપણો દેશ આતંકવાદને ખીલવા દેશે નહીં.”

ટ્રમ્પ નાઇજીરીયા પર આક્રમણ કરાવ્યુ

ડોનાલ્ડ ટ્રમ્પે તાજેતરમાં જણાવ્યું હતું કે તેમણે પેન્ટાગોનને નાઇજીરીયામાં ખ્રિસ્તીઓ પરના અત્યાચારના જવાબમાં લશ્કરી કાર્યવાહીની યોજના બનાવવાનો આદેશ આપ્યો છે. આ પછી, યુએસ સ્ટેટ ડિપાર્ટમેન્ટે ખ્રિસ્તીઓ સામે સામૂહિક હત્યાઓ અને હિંસામાં સામેલ નાઇજીરીયાના લોકો અને તેમના પરિવારના સભ્યો પર વિઝા પ્રતિબંધોની પણ જાહેરાત કરી. યુએસએ આંતરરાષ્ટ્રીય ધાર્મિક સ્વતંત્રતા કાયદા હેઠળ નાઇજીરીયાને “ખાસ ચિંતાનો દેશ” જાહેર કર્યો છે.

દેશ વિદેશના સમાચાર વાંચવા માટે અહીં ક્લિક કરો