Israel-Palestinian Conflict : ઇઝરાઇલ અને પેલેસ્ટાઇનમાં સામ સામે રોકેટ હુમલા અને હિંસાના કારણે મૃત્યુનો આંકડો વધવાની શક્યતા
Israel-Palestinian Conflict : ગાઝા પટ્ટી પર ઇઝરાઇલી હવાઈ હુમલામાં હમાસના 10 કમાન્ડર અને 67 પેલેસ્ટિનિયનના મૃત્યુ થયા છે.
Israel-Palestinian Conflict : ઇઝરાઇલ અને પેલેસ્ટાઇન વચ્ચે 2014 પછી પહેલીવાર ઉગ્ર સંઘર્ષ શરૂ થયો છે. આતંકવાદી જૂથ હમાસના હુમલા બાદ બદલામાં ઇઝરાયેલે બુધવારે પેલેસ્ટાઇન પર 100 થી વધુ રોકેટ ચલાવ્યાં છે. આ હુમલાઓમાં ગાઝા પટ્ટીમાં 35 લોકોનાં મોત નીપજ્યાં છે, જ્યારે ઇઝરાઇલના 5 લોકોએ પણ પોતાનો જીવ ગુમાવ્યો છે. ઇઝરાલમાં મૃત્યુ પામેલા 5 લોકોમાં સૌમ્યા સંતોષ નામની કેરળની મહિલા પણ સામેલ છે, જે ઇઝરાઇલમાં ઘરકામ કરતી હતી. સામ સામે રોકેટ હુમલા અને હિંસાના કારણે મૃત્યુનો આંકડો વધવાની શક્યતા છે.
હમાસે ઇઝરાયેલ પર 1,500 રોકેટ છોડ્યા
ઇઝરાઇલ અને પેલેસ્ટાઇન વચ્ચે ચાલુ રહેલી લોહિયાળ રમત (Israel-Palestinian Conflict ) હવે યુદ્ધનું સ્વરૂપ ધારણ કરી રહી છે અને બંને પક્ષે મૃત્યુ પામનારા લોકોની સંખ્યા વધી રહી છે. ઇઝરાઇલી અને પેલેસ્ટિનિયન આતંકવાદી જૂથ હમાસ સતત રોકેટથી એક બીજા પર હુમલો કરી રહ્યાં છે અને અનેક બિલ્ડિંગોને ધ્વસ્ત કરી રહ્યાં છે. ઇઝરાઇલે દાવો કર્યો છે કે હમાસે તેની તરફ આશરે 1,500 રોકેટ ચલાવ્યાં છે, જો કે, ઇઝરાયેલે પણ વળતો જવાબ આપ્યો છે અને પેલેસ્ટાઇન પર સેંકડો રોકેટ છોડ્યા છે.
હમાસના 10 કમાન્ડર અને 67 પેલેસ્ટિનિયનના મૃત્યુ
ગાઝાના આરોગ્ય મંત્રાલયે ગુરુવારે જણાવ્યું હતું કે (Israel-Palestinian Conflict) માં ગાઝા પટ્ટી પર ઇઝરાઇલી હવાઈ હુમલામાં મૃત્યુ પામેલા પેલેસ્ટિનિયનની સંખ્યા 67 થઈ ગઈ છે. મૃતકોમાં 17 બાળકોનો સમાવેશ છે. મંત્રાલય અનુસાર, ઇઝરાઇલના હવાઈ હુમલામાં 388 લોકો ઘાયલ થયા છે, જેમાં 115 બાળકો અને 50 મહિલાઓનો સમાવેશ થાય છે. ઇઝરાયેલે ગાઝા પટ્ટીમાં લશ્કરી કાર્યવાહીને વધુ તીવ્ર બનાવી દીધી છે, જેમાં હમાસના ટોચના 10 ઉગ્રવાદીઓ અને કેટલાક હવાઇ હુમલાઓ માર્યા ગયા છે. જેમાં હમાસના લોકો રહેતા હતા તેવા મકાનોનો નાશ કર્યો હતો.
We just spotted and struck another squad of Hamas terrorists operating Anti-Tank Missiles inside Gaza.
This is the fourth Anti-Tank Missile attack thwarted by the IDF today.
— Israel Defense Forces (@IDF) May 13, 2021
કોઈ પણ પરિસ્થિતિનો સામનો કરવા તૈયાર : ઇઝરાઇલ
ઇઝરાઇલ અને પેલેસ્ટાઇન વચ્ચેના ઘર્ષણ (Israel-Palestinian Conflict) માં ઇઝરાઇલ તરફથીથી સરહદ પર વધુ સૈનિકો તૈનાત કરી દેવામાં આવ્યાં છે. એવી આશંકા છે કે પરિસ્થિતિ 2008-09 અથવા 2014 જેવી હોઈ શકે. ઇઝરાઇલનું કહેવું છે કે તેનું સૈન્ય ગ્રાઉન્ડ ઓપરેશનની કોઈપણ પરિસ્થિતિને પહોંચી વળવાની તૈયારી કરી રહ્યું છે. ઇઝરાઇલી આર્મીના લેફ્ટનન્ટ કર્નલ જોનાથન કોનરાકિસે કહ્યું, “ચીફ ઓફફ સ્ટાફ તૈયારીઓનું નિરીક્ષણ કરી રહ્યાં છે અને સૈનિકોને માર્ગદર્શન આપી રહ્યાં છે.”