Russia-Ukraine War Live: રશિયા યુક્રેન યુદ્ધ પર અમેરિકી રાષ્ટ્રપતિનું મોટું નિવેદન, ઝેલેન્સકી જો ઈચ્છે તો દેશ છોડી શકે છે

યુક્રેનની રાજધાની કિવ પાસે જોરદાર વિસ્ફોટ થયો છે. યુક્રેનની સેનાએ કિવને જોડતા પુલને ઉડાવી દીધો છે. એવું કહેવામાં આવી રહ્યું છે કે કિવ જતી રશિયન સેનાને રોકવા માટે પુલને ઉડાવી દેવામાં આવ્યો.

યુએનમાં ભારતના સ્થાયી પ્રતિનિધિ ટીએસ તિરુમૂર્તિએ કહ્યું કે રશિયા અને યુક્રેન વચ્ચેનું યુદ્ધ તાત્કાલિક બંધ થવું જોઈએ. તેમણે કહ્યું કે ભારત યુદ્ધવિરામની માંગનું સમર્થન કરે છે. તેમણે કહ્યું કે યુક્રેનમાંથી ભારતીય નાગરિકોની સુરક્ષિત વાપસી થવી જોઈએ.

રશિયાના સંરક્ષણ મંત્રાલયે એક નિવેદન જાહેર કરીને કહ્યું છે કે યુક્રેન સાથેના યુદ્ધમાં અમારા 498 સૈનિકો માર્યા ગયા છે.

PM નરેન્દ્ર મોદીએ આજે ​​રશિયાના રાષ્ટ્રપતિ વ્લાદિમીર પુતિન સાથે ફોન પર વાત કરી હતી. આ દરમિયાન પીએમએ યુક્રેનની પરિસ્થિતિની સમીક્ષા કરી, ખાસ કરીને ખાર્કિવમાં જ્યાં ઘણા ભારતીય વિદ્યાર્થીઓ ફસાયેલા છે. તેઓએ સંઘર્ષગ્રસ્ત વિસ્તારોમાંથી ભારતીય નાગરિકોને સુરક્ષિત બહાર કાઢવા અંગે ચર્ચા કરી.

અમેરિકી રાષ્ટ્રપતિ જો બાઈડને રશિયા-યુક્રેન યુદ્ધને લઈને મોટું નિવેદન આપ્યું છે. તેમણે કહ્યું છે કે યુક્રેનના રાષ્ટ્રપતિ વોલોદિમિર ઝેલેન્સકી ઈચ્છે તો દેશ છોડી શકે છે.

ભારતીય પ્રોફેશનલ બોક્સર નીરજ ગોયત રશિયન હુમલા બાદ યુક્રેનમાંથી બહાર નીકળવાનો પ્રયત્ન કરી રહેલા ભારતીય વિદ્યાર્થીઓને પડી રહેલી મુશ્કેલીઓને ધ્યાનમાં રાખીને મુશ્કેલીમાં મુકાયેલા લોકોને મદદ કરવા માટે તેમના સંપર્કોનો ઉપયોગ કરી રહ્યા છે.

યુક્રેન સંકટ પર હંગેરીએ મોટો નિર્ણય લીધો છે.હંગેરીએ કહ્યું કે તે તેની સેના યુક્રેન મોકલશે નહીં.

ઈઝરાયેલના રાષ્ટ્રપતિએ કહ્યુ કે, તેમનો દેશ યુક્રેનમાં યુદ્ધનો રાજદ્વારી ઉકેલ શોધવામાં મદદ કરી રહ્યો છે અને તેને હાંસલ કરવા માટે જરૂરી સેવાઓ આપી રહ્યો છે.તમને જણાવી દઈએ કે, ઇઝરાયેલ યુક્રેનને માનવતાવાદી સહાયની “અભૂતપૂર્વ રકમ” પણ મોકલી રહ્યું છે. વધુમાં પ્રમુખ આઇઝેક હર્જોગે કહ્યું કે સહાય એ “નૈતિક જવાબદારી” છે અને તેમનો દેશ યુક્રેનિયન લોકોને વધુ ટેકો આપવા માટે વિચાર કરી રહ્યો છે.

રશિયા અને યુક્રેન વચ્ચે યુદ્ધ ચાલુ છે. રશિયાએ ડોનેત્સક પ્રદેશમાં હોર્લિવકા અને યાસિનુવાતાના રહેણાંક વિસ્તારોને તબાહ કરી દીધા છે.

વડાપ્રધાન નરેન્દ્ર મોદી યુક્રેન સંકટ પર સતત નજર રાખી રહ્યા છે. તેઓ આજે સતત ચોથા દિવસે ઉચ્ચ સ્તરીય બેઠકની અધ્યક્ષતા કરશે.

એક સરકારી અધિકારીના જણાવ્યા અનુસાર,લગભગ 800 ભારતીયોને લઈને ભારતીય વાયુસેના (IAF) ના ચાર વિમાન આવતીકાલે સવારે 8 વાગ્યાની વચ્ચે હિંડોન એરબેઝ પર ઉતરશે.

યુક્રેનમાં ફસાયેલા ભારતીય નાગરિકોને લઈને એક વિશેષ વિમાન રાષ્ટ્રીય રાજધાનીના એરપોર્ટ પર પહોંચ્યુ હતુ. કેન્દ્રીય મંત્રી જી કિશન રેડ્ડીએ ભારત પહોંચેલા લોકોનું સ્વાગત કર્યું હતું.તમને જણાવી દઈએ કે, આ ફ્લાઈટ હંગેરીની રાજધાની બુડાપેસ્ટથી આવી છે. કેન્દ્રીય મંત્રી જી કિશન રેડ્ડીએ કહ્યું કે, યુદ્ધ શરૂ થયા બાદ અત્યાર સુધીમાં લગભગ 3500 ભારતીય નાગરિકોને બહાર કાઢવામાં આવ્યા છે. આજથી એરફોર્સની ફ્લાઈટનો ઉપયોગ પણ શરૂ કરવામાં આવ્યો છે. ભારત સરકાર યુક્રેનમાંથી દરેક ભારતીય નાગરિકને લાવવાના પ્રયાસો કરી રહી છે.

કેરળના મુખ્ય પ્રધાન પિનરાઈ વિજયને બુધવારે વડા પ્રધાન નરેન્દ્ર મોદીને પત્ર લખીને પૂર્વ યુક્રેનમાં યુદ્ધગ્રસ્ત શહેરોમાં ફસાયેલા હજારો ભારતીય વિદ્યાર્થીઓને બહાર કાઢવા માટે રશિયન નેતૃત્વને કહેવા વિનંતી કરી હતી.

યુક્રેન સાથે ચાલી રહેલા યુદ્ધ વચ્ચે રશિયન સૈનિકનું મોટું નિવેદન સામે આવ્યું છે. તેમણે કહ્યું છે કે રાષ્ટ્રપતિ પુતિન 3 દિવસમાં યુક્રેનને જીતવા માંગતા હતા.

રાષ્ટ્રપતિ પુતિન રશિયામાં માર્શલ લો લાદવાની તૈયારી કરી રહ્યા છે. 4 માર્ચે રશિયન સંસદની ઇમરજન્સી બેઠક મળશે.

ખાર્કીવના રેસ્કયૂને લઈને વિદેશ મંત્રાલયનું મોટું નિવેદન સામે આવ્યું છે. મંત્રાલયે કહ્યું કે રશિયા દ્વારા કહેવામાં આવ્યું હતું કે તે ખાર્કિવ પર હુમલો કરવા જઈ રહ્યું છે.રશિયા પાસેથી મળેલી માહિતી બાદ ભારતે એડવાઈઝરી જાહેર કરી છે. મંત્રાલયે કહ્યું કે યુક્રેનમાંથી અત્યાર સુધીમાં 17 હજાર ભારતીયોને બહાર કાઢવામાં આવ્યા છે.

આ દરમિયાન એક મોટા સમાચાર સામે આવી રહ્યા છે કે, રશિયાએ ખાર્કિવમાં વધુ એક મોટો હુમલો કર્યો છે. વાસ્તવમાં, રશિયન સેનાએ સેન્ટ્રલ ખાર્કિવમાં મિસાઇલ છોડી છે.

રશિયાએ યુક્રેનની રાજધાની કિવના ઘણા વિસ્તારોમાં હુમલો કર્યો.

પેન્ટાગોને યુક્રેનમાં રશિયન સેના પર મોટો દાવો કર્યો છે. પેન્ટાગોને કહ્યું છે કે, રશિયન સૈનિકો પાસે હથિયાર નથી અને તેમને યુદ્ધની તાલીમ આપવામાં આવી નથી.

ભારતીય વાયુસેનાના અધિકારીએ જણાવ્યું હતું કે, ભારતીય વાયુસેનાનું પ્રથમ C-17 વિમાન આજે રાત્રે 11 વાગ્યે રોમાનિયાથી લગભગ 200 ભારતીય નાગરિકો સાથે યુક્રેનથી પરત આવશે. પોલેન્ડ અને હંગેરીથી વધુ બે વિમાન આવતીકાલે સવારે પરત ફરશે.

ભારતમાં પોલેન્ડના રાજદૂત એડમ બર્કોવસ્કીએ ભારતમાં યુક્રેનના રાજદૂત ડૉ. ઇગોર પોલિખા સાથે મુલાકાત કરી. પોલેન્ડના રાજદૂતે બેઠક બાદ કહ્યું, ‘પોલેન્ડ યુક્રેન વિરુદ્ધ રશિયન હુમલાની નિંદા કરે છે.’

આ સમયે જે મોટા સમાચાર સામે આવી રહ્યા છે કે, યુક્રેનને તુર્કી પાસેથી નવા ડ્રોન મળ્યા છે. યુક્રેનને વધુ એટેક કરતા ડ્રોન મળ્યા છે.

ફોટામાં જોઈ શકાય છે કે, યુક્રેનિયનો તેમના દેશમાંથી બહાર નીકળી ગયા છે. હવે તેઓ પલાન્કા શહેર નજીક મોલ્ડોવા-યુક્રેનિયન સરહદ ચેકપોઇન્ટને પાર કર્યા પછી ચિસિનાઉ જવા માટે બસની રાહ જુએ છે.

યુક્રેનના ખાર્કિવમાં રહેતા ભારતીય નાગરિકો માટે નવી એડવાઈઝરી જાહેર કરવામાં આવી છે. અહીં રહેતા ભારતીય નાગરિકોને તાત્કાલિક શહેર છોડી દેવાની સલાહ આપવામાં આવી છે.

સંરક્ષણ નિષ્ણાત અને નિવૃત્ત લેફ્ટનન્ટ જનરલ સૈયદ અતા હસનૈને કહ્યું કે, આ (યુક્રેન કટોકટી) એક અસાધારણ પરિસ્થિતિ છે. તે લાંબા સમય સુધી ચાલશે અને આવી સ્થિતિમાં તે સૌથી મહત્વપૂર્ણ છે કે, ત્યાં ફસાયેલા સામાન્ય લોકો વચ્ચે કોઈ નેતા હોવો જોઈએ. નેતૃત્વ સાથે જૂથમાં સંગઠન આવે છે.

ચીને કહ્યું છે કે, યુક્રેન છોડતી વખતે તેનો એક નાગરિકને ગોળી વાગતાં ઘાયલ થયો હતો. વિદેશ મંત્રાલયના પ્રવક્તા વાંગ વેનબિને કહ્યું કે, આ ઘટના મંગળવારે બની જ્યારે તે વ્યક્તિ યુક્રેન છોડવાનો પ્રયાસ કરી રહ્યો હતો. કિવમાં ચીની દૂતાવાસે તરત જ મદદ પૂરી પાડવા માટે વ્યક્તિનો સંપર્ક કર્યો. વાંગે પત્રકારોને જણાવ્યું કે, ઘાયલ વ્યક્તિ ખતરાની બહાર છે. તેમણે કહ્યું કે, દૂતાવાસ વ્યક્તિની સ્થિતિ પર નજર રાખી રહ્યું છે અને સહાય આપવાનું ચાલુ રાખશે.

યુક્રેન પોલેન્ડ સરહદ પર બી.એ.પી.એસ. સ્વામિનારાયણ સંસ્થાના સ્વયંસેવકોએ લોકોની મદદે પહોંચ્યા છે. વડાપ્રધાન નરેન્દ્ર મોદીએ બે દિવસ અગાઉ મધ્યરાત્રીએ પૂજય બ્રહ્મ વિહારી સ્વામીને ફોન કરીને યુક્રેન-પોલેન્ડની સરદહ પર ફસાયેલા ભારતીય વિદ્યાર્થીઓની સંભાળ લેવા માટે બી.એ.પી.એસ. સ્વામિનારાયણ સંસ્થાને જણાવ્યું હતું,

સમગ્ર સમાચાર વાંચવા માટે અહીં ક્લિક કરો

રશિયન સેના ઘાતક શસ્ત્રો સાથે કિવ તરફ આગળ વધી રહી છે. રશિયન કાફલામાં ડઝનબંધ સશસ્ત્ર વાહનો છે. સાથે જ રશિયા પણ ખાર્કિવને કબજે કરવા માંગે છે. તમને જણાવી દઈએ કે બંને દેશો વચ્ચે છેલ્લા સાત દિવસથી યુદ્ધ ચાલી રહ્યું છે.

યુક્રેનમાંથી આ સમયે મોટા સમાચાર સામે આવી રહ્યા છે. કહેવામાં આવી રહ્યું છે કે, રશિયાએ યુક્રેનના બુચા અને ઈરપિન શહેરો પર હવાઈ હુમલા કર્યા છે. રશિયાએ આ બંને શહેરો પર સુખોઈ-25 ફાઈટર જેટથી હુમલો કર્યો છે.

રશિયા યુક્રેનના રાષ્ટ્રપતિ ઝેલેન્સકીને હટાવવાની તૈયારી કરી રહ્યું છે. રાષ્ટ્રપતિ પુતિન ઈચ્છે છે કે તેમના નજીકના મિત્ર વિક્ટર યાનુકોવિચ યુક્રેનના રાષ્ટ્રપતિ બને. કહેવામાં આવી રહ્યું છે કે, વિક્ટર યાનુકોવિચ બેલારુસમાં હાજર છે.

યુક્રેનના અનેક શહેરોમાં એર સ્ટ્રાઈકનું એલર્ટ જાહેર કરવામાં આવ્યું છે. આ શહેરોમાં Kyiv, Kharkiv, Cherkasy, સુમી જેવા શહેરોનો સમાવેશ થાય છે. લોકોને સલામત સ્થળે ખસી જવા માટે કહેવામાં આવ્યું છે.

ખાર્કિવમાં પોલીસ હેડક્વાર્ટર સંપૂર્ણ રીતે ધ્વસ્ત થઈ ગયું છે. આ સાથે જ રશિયાએ અહીંના મેડિકલ સેન્ટર પર હુમલો કર્યો છે. બીજી તરફ યુક્રેનના ઓડેસા શહેરમાં ભીષણ આગ લાગવાના સમાચાર સામે આવી રહ્યા છે.

યુક્રેનમાંથી આ સમયે મોટા સમાચાર સામે આવી રહ્યા છે. એવું કહેવામાં આવી રહ્યું છે કે, રશિયાએ ફરીથી ક્લસ્ટર બોમ્બનો ઉપયોગ કર્યો છે, જે પ્રતિબંધિત છે. રિપોર્ટ અનુસાર, યુક્રેનના ખાર્કિવમાં લશ્કરી મથકો પર ક્લસ્ટર બોમ્બથી હુમલો કરવામાં આવ્યો છે.

રશિયન મીડિયા સ્પુટનિકે અહેવાલ આપ્યો છે કે, રશિયન વિદેશ પ્રધાન લવરોવનું કહેવું છે કે જો ત્રીજું વિશ્વ યુદ્ધ થશે તો તેમાં પરમાણુ હથિયારો પણ સામેલ થશે અને તે વિનાશક હશે.

ફોટામાં કિવની રાજધાનીમાં રશિયાની સ્ટ્રાઈકમાં ટીવી ટાવરનો નાશ થયો હતો તે સ્થળેથી મૃતદેહોને દૂર કરી રહેલા ત્યાં યુક્રેનિયન સૈનિકો.

(Photo & News Source – AFP)

યુદ્ધના સાતમા દિવસે રશિયાની અર્થવ્યવસ્થા સંપૂર્ણપણે પડી ભાંગી છે. ક્રેમલિને કહ્યું છે કે, રશિયાની અર્થવ્યવસ્થા ખતરનાક તબક્કે પહોંચી ગઈ છે. તેમણે કહ્યું કે પુતિનને સમર્થન આપવું એ રશિયાની પ્રાથમિકતા છે.

યુક્રેનિયન શહેર કોનોટોપના (Konotop) મેયરે દાવો કર્યો હતો કે, રશિયનોએ ચેતવણી આપી હતી કે તેઓ આખા શહેરને સરેન્ડર નહીં કરે તો તેઓ તેનો સંપૂર્ણ રીતે તબાહ કરી નાખશે.

ફોટોમાં જોઈ શકાય છે કે, ખાર્કિવ સિક્યુરિટી સર્વિસ બિલ્ડિંગ અને ઇકોનોમી ડિપાર્ટમેન્ટમાં આગને કાબૂમાં લેવા માટે અગ્નિશામકો કામ કરી રહ્યા છે.

(Photo & News Source – AFP)

જૌનપુરમાં અખિલેશ યાદવે કહ્યું કે, બાકીની દુનિયા તેના નાગરિકોને લઈને જતી રહી. શું ભારત સરકાર ઊંઘી રહી હતી? યુક્રેનમાં હજુ પણ હજારો બાળકો ફસાયેલા છે જેના માટે સરકાર કંઈ કરી રહી નથી.

ફેસબુકની મૂળ કંપની મેટા અને ગૂગલ (Alphabet inc.) એ રશિયન મીડિયા પર નિયંત્રણો લાદ્યા છે. તેના જવાબમાં, રશિયાએ ગત અઠવાડિયે શુક્રવારે ફેસબુકની ઍક્સેસ મર્યાદિત (Partially) કર્યા છે. ટ્વિટરે ગત અઠવાડિયે શનિવારે અહેવાલ આપ્યો હતો કે તેમની સેવા કેટલાક રશિયન વપરાશકર્તાઓ માટે સસ્પેન્ડ કરવામાં આવી છે.

સમગ્ર સમાચાર વાંચવા માટે અહીં ક્લિક કરો

યુક્રેનની રાજધાની કિવમાં આજે રશિયન મિસાઇલ હુમલાની ધમકીઓ વચ્ચે બે મોટા વિસ્ફોટ થયા હતા અને વિસ્ફોટોના સાતમા દિવસે મોસ્કોએ યુક્રેનના મુખ્ય શહેરો પર બોમ્બમારો કર્યો હતો.

યુક્રેનની સેનાએ કરેલા હુમલામાં રશિયાને થયેલા નુકસાનનું આકલન કરાયું છે. આ અંગે વિગતવાર માહિતી આપવામાં આવી છે.

યુક્રેન સ્ટેટ ઇમરજન્સી સર્વિસે દ્વારા બહાર પાડવામાં આવેલી આ તસવીરોમાં રહેણાંક વિસ્તારોનો કાટમાળ જોઈ શકાય છે.

(Photo & News Source – AFP)

NEXTA દ્વારા માહિતી આપવામાં આવી હતી કે યુક્રેનના એનગોડાર શહેરના મેયરે જણાવ્યું છે કે, રશિયન સૈનિકો શહેર તરફ આગળ વધી રહ્યા છે.

રશિયન સેનાએ દાવો કર્યો છે કે, તેણે દક્ષિણ યુક્રેનિયન શહેર ખેરસન (Kherson ) પર નિયંત્રણ મેળવી લીધું છે. સંરક્ષણ મંત્રાલયના પ્રવક્તા ઇગોર કોનાશેન્કોવ (Igor Konashenkov) ટેલિવિઝન પર કહ્યું છે કે, “સશસ્ત્ર દળોના રશિયન વિભાગોએ ખેરસનના પ્રાદેશિક કેન્દ્રને સંપૂર્ણ નિયંત્રણમાં લઈ લીધું છે.”

(Photo & News Source – AFP)

Russia-Ukraine War Live: યુક્રેનના ખાર્કિવમાં એક ટેન્ક ફેક્ટરીના વેરહાઉસમાં જોરદાર વિસ્ફોટ થયો છે. ખાર્કિવને યુક્રેનની પ્રખ્યાત ટેન્ક ફેક્ટરીઓનો ગઢ માનવામાં આવે છે.

Russia-Ukraine War Live: ન્યૂઝ એજન્સી રોયટર્સે કહ્યું કે, યુક્રેનના રાષ્ટ્રપતિ વોલોદિમિર ઝેલેન્સકીએ દાવો કર્યો છે કે, છેલ્લા 6 દિવસના યુદ્ધમાં લગભગ 6,000 રશિયન સૈનિકો માર્યા ગયા છે.

Russia-Ukraine War Live:  ભારતીય વાયુસેનાના વાઇસ ચીફ ઓફ એર સ્ટાફ એર માર્શલ સંદીપ સિંહે કહ્યું કે, રશિયા પર યુએસ દ્વારા લાદવામાં આવેલા પ્રતિબંધોની IAF પર કોઈ ખાસ અસર નહીં થાય. બંને દેશો સાથે ભારતના સંબંધો મજબૂત છે. તેમણે કહ્યું કે, યુક્રેનમાં ફસાયેલા ભારતીયોને બચાવવા માટે વાયુસેના એક દિવસમાં ચાર વિમાન મોકલી શકે છે. એક રાઉન્ડમાં 200 લોકોને પાછા લાવવામાં આવશે. મને ખાતરી છે કે અમે અમારા તમામ લોકોને સુરક્ષિત પરત લાવીશું. સવારથી જ ભારતીયોને બહાર કાઢવા માટે એરફોર્સના ત્રણ એરક્રાફ્ટ મોકલવામાં આવ્યા છે. ખાલી કરાવવાની કામગીરી ચોવીસ કલાક ચાલશે. રાહત સામગ્રી પણ મોકલવામાં આવી રહી છે. આ ઓપરેશન વિદેશ મંત્રાલયની મદદથી ચાલી રહ્યું છે.

Russia-Ukraine War Live:  કેન્દ્રીય મંત્રી ગજેન્દ્ર સિંહ શેખાવતે કહ્યું કે, યુક્રેનમાં યુદ્ધની ભયાનકતાથી પીડિત લોકોને સુરક્ષિત રીતે ભારતની ધરતી પર લાવવા માટે વડાપ્રધાનના નેતૃત્વમાં ઓપરેશન ગંગા ચલાવવામાં આવી રહી છે. આ ફ્લાઈટમાં 251 વિદ્યાર્થીઓ આવ્યા છે અને મેં ભારતની ધરતી પર તેમનું સ્વાગત કર્યું છે. બુકારેસ્ટથી વિશેષ ફ્લાઇટ યુક્રેનમાં ફસાયેલા ભારતીય નાગરિકોને લઈને દિલ્હી પહોંચી હતી. કેન્દ્રીય મંત્રી ગજેન્દ્ર સિંહ શેખાવતે આ ફ્લાઈટમાંથી આવતા ભારતીય નાગરિકોનું સ્વાગત કર્યું.

Russia-Ukraine War Live: રશિયાએ Mariupolના નાગરિકોને તરત જ શહેર છોડવાનું કહ્યું.

Russia-Ukraine War Live: એક તરફ જ્યારે સમગ્ર યુરોપ અને પશ્ચિમી દેશો યુક્રેન સંકટ પર રશિયાની વિરુદ્ધ થઈ ગયા છે, ત્યારે ભારત હજુ પણ પોતાની સ્થિતિ તટસ્થ રાખી રહ્યું છે. આવી સ્થિતિમાં સવાલ એ ઊભો થાય છે કે એવા કયા કારણો છે જેના કારણે ભારત ઇચ્છે તો પણ રશિયા સામે ન જઇ શકે?

વાંચો, સંપૂર્ણ ન્યૂઝ….

Russia-Ukraine War Live:  ખાર્કિવના મેયરે જણાવ્યું કે, રશિયન હુમલામાં ખાર્કિવમાં 21 લોકોના મોત થયા છે અને 112 લોકો ઈજાગ્રસ્ત થયા છે.

Russia-Ukraine War Live:

Scene after a massive explosion in the city of Sumi

Russia-Ukraine War Live: સ્થાનિક મીડિયાએ દાવો કર્યો છે કે, ખાર્કિવમાં જોરદાર વિસ્ફોટ થયો છે.

Russia-Ukraine War Live:

Debris is everywhere in Ukraine after the Russian invasion.

Russia-Ukraine War Live: યુએનનું કહેવું છે કે, યુક્રેનમાં ગુરુવાર, 24 ફેબ્રુઆરીથી શરૂ થયેલા હુમલાથી 1 માર્ચ સુધી 13 બાળકો સહિત ઓછામાં ઓછા 136 લોકો માર્યા ગયા છે. આ પહેલા યુક્રેનના રાષ્ટ્રપતિ વોલોડીમિર ઝેલેન્સકીએ કહ્યું હતું કે, માત્ર ચાર દિવસમાં રશિયાના ગોળીબારમાં 16 યુક્રેનિયન બાળકો માર્યા ગયા અને 45 ઈજાગ્રસ્ત થયા.

Russia-Ukraine War Live:

Health workers carrying wounded in the Russia-Ukraine war

Russia-Ukraine War Live: રશિયા દ્વારા રોકેટ હુમલા બાદ યુક્રેનના નિકોલેવ પ્રદેશમાં ધુમાડાના ગોટેગોટા છવાઈ ગયા હતા. રશિયા તરફથી હુમલા વધુ તેજ કરવામાં આવ્યા છે. યુક્રેનના અનેક મોટા શહેરોમાં પણ બોમ્બમારો કરવામાં આવ્યો હતો.

Russia-Ukraine War Live:

A Ukrainian woman weeps when she visits her family in Poland

Russia-Ukraine War Live: કેન્દ્રીય મંત્રી સ્મૃતિ ઈરાનીએ યુદ્ધગ્રસ્ત યુક્રેનથી પરત ફરી રહેલા ભારતીય વિદ્યાર્થીઓનું દિલ્હીમાં સ્વાગત કર્યું. તેણે કહ્યું, ‘ઘરે પાછા આવવા માટે આપનું સ્વાગત છે! તમારા પરિવારના સભ્યો તમારી રાહ જોઈ રહ્યા છે. તમે હિંમત બતાવી છે…ફ્લાઇટ ક્રૂનો પણ આભાર.

Russia-Ukraine War Live: વોર્સોમાં ભારતીય દૂતાવાસે પશ્ચિમ યુક્રેનમાં લવિવ, ટેર્નોપિલ અને અન્ય સ્થળોએ ફસાયેલા ભારતીયોને પોલેન્ડમાં ઝડપથી પ્રવેશ કરવા માટે વહેલી તકે બુડોમિર્ઝ બોર્ડર ચેક-પોઇન્ટ પર જવાની સલાહ આપી છે.

Russia-Ukraine War Live: યુક્રેનમાં લોકોને મદદ કરવા માટે તંબુઓ, ધાબળા અને અન્ય માનવતાવાદી સહાય કરતું ભારતીય વાયુસેનાનું વિમાન ટૂંક સમયમાં હિંડન એરબેઝ પરથી ઉપડશે.

Russia-Ukraine War Live:

Russia-Ukraine War Live:  એએફપીના અહેવાલ મુજબ, રશિયન એરબોર્ન સૈનિકો યુક્રેનના શહેર ખાર્કિવમાં ઉતર્યા છે.

Russia-Ukraine War Live: રશિયા યુક્રેનમાં 300 ટેન્કમાં પ્રવેશવાની તૈયારી કરી રહ્યું છે. જો કે કાફલાએ હજી સરહદ પાર કરી નથી અને પિન્સ્ક-ઇવાનોવો-ડ્રાચીન (યુક્રેનિયન સરહદથી લગભગ 30 કિમી) માર્ગ પર રાહ જોઈ રહ્યો છે. રશિયા હવે યુક્રેનિયન સરહદ પર કેન્દ્રિત બેલારુસિયન સૈનિકોની રજૂઆતને ન્યાયી ઠેરવવા માટે ઉશ્કેરણીઓની તૈયારી કરી રહ્યું છે. યુક્રેનની ફોરેન ઈન્ટેલિજન્સ સર્વિસના ફેસબુક પેજ મુજબ લગભગ 300 ટેન્ક સામેલ છે.

Russia-Ukraine War Live:

People pay tribute to those killed outside the embassy of Ukraine in Ayers.

Russia-Ukraine War Live: વડા પ્રધાન મોદીએ રાષ્ટ્રપતિ મેક્રોનને યુદ્ધ પ્રભાવિત વિસ્તારમાંથી તેના નાગરિકોને સુરક્ષિત રીતે બહાર કાઢવા અને ત્યાં અસરગ્રસ્ત લોકો માટે દવાઓ સાથે જરૂરી રાહત સામગ્રી મોકલવાના ભારતના પ્રયાસો વિશે પણ માહિતગાર કર્યા હતા. પીએમઓના જણાવ્યા અનુસાર, વડા પ્રધાન મોદીએ પોલેન્ડના રાષ્ટ્રપતિ એન્ડ્રેજ ડુડા સાથે પણ વાત કરી હતી અને યુક્રેનમાંથી ભારતીય નાગરિકોને બહાર કાઢવામાં મદદ કરવા બદલ તેમનો આભાર માન્યો હતો.

Russia-Ukraine War Live:  ખેરસનના મેયર ઇગોર કોલ્યાખેવે રેડિયો લિબર્ટીને જણાવ્યું કે, રશિયનોએ સ્ટેશન અને બંદર પર કબજો કરી લીધો છે.

Russia-Ukraine War Live: ભારતે મંગળવારે પોલેન્ડના રસ્તે યુક્રેનમાં ફસાયેલા લોકો માટે દવાઓ અને અન્ય રાહત સામગ્રીનો પહેલો માલ મોકલ્યો હતો. દવાઓ ઉપરાંત ખાદ્ય સામગ્રી પણ મોકલવામાં આવી છે. ANI દ્વારા જાહેર કરાયેલા ફૂટેજ અનુસાર એરફોર્સના C-17 એરક્રાફ્ટ દ્વારા મોકલવામાં આવેલા સામાનમાં મગની દાળ નમકીન અને બટાટાના ભજિયાનો પણ સમાવેશ થાય છે.

Russia-Ukraine War Live:  યુક્રેનથી પરત આવેલા ભારતીય વિદ્યાર્થીઓનું દિલ્હી એરપોર્ટ પર કેન્દ્રીય મંત્રી ડો. જીતેન્દ્ર સિંહે સ્વાગત કર્યું હતું.

Russia-Ukraine War Live: AI-1942 જહાજને ફરીથી શેડ્યૂલ કરવામાં આવ્યું છે. હવે કેન્દ્રીય મંત્રી ગજેન્દ્ર સિંહ શેખાવત એર ઈન્ડિયાની ફ્લાઈટ AI-1946 દ્વારા યુક્રેનથી આવતા ભારતીય વિદ્યાર્થીઓને રિસીવ કરશે. આજે તે બપોરે 12 વાગ્યા સુધીમાં દિલ્હી એરપોર્ટ પર પહોંચે તેવી શક્યતા છે.

Russia-Ukraine War Live: બાયડને પોતાના સંબોધનમાં વધુમાં કહ્યું કે,’ અમેરિકા રશિયા પર વધુમાં વધુ પ્રતિબંધ લગાવશે.’

Russia-Ukraine War Live: વિદેશ મંત્રી એસ જયશંકરે કહ્યું કે, છેલ્લા 24 કલાકમાં પોલેન્ડની પ્રથમ ફ્લાઈટ સહિત છ ફ્લાઈટો ભારત માટે રવાના થઈ છે. યુક્રેનથી વધુ 1,377 ભારતીય નાગરિકોને પરત લાવવામાં આવ્યા હતા.

Russia-Ukraine War Live:  બોઇંગે મોસ્કોમાં મોટી કામગીરી સ્થગિત કરી દીધી છે અને તેની કિવ ઓફિસને અસ્થાયી રૂપે બંધ કરી દીધી છે.

Russia-Ukraine War Live:  સ્ટેટ ઓફ ધ યુનિયનના સંબોધન દરમિયાન અમેરિકી રાષ્ટ્રપતિ જો બિડેને કહ્યું કે અમેરિકા યુક્રેનની સાથે છે. યુનાઇટેડ સ્ટેટ્સ અને અમારા સહયોગીઓ સામૂહિક તાકાત સાથે નાટો પ્રદેશના દરેક ઇંચની રક્ષા કરશે. યુક્રેનિયનો હિંમતથી લડી રહ્યા છે. પુતિનને યુદ્ધના મેદાનમાં ફાયદો થઈ શકે છે, પરંતુ તે લાંબા ગાળે કિંમત ચૂકવશે. અમે તમામ રશિયન ફ્લાઇટ્સ માટે યુએસ એરસ્પેસ બંધ કરવામાં અમારા સહયોગીઓ સાથે જોડાઈશું.