Japan Moon Mission : ભારતની બરાબરી કરવા માટે મથી રહ્યું છે જાપાન, ત્રીજી વાર Mission Moon કર્યું સ્થગિત
જાપાને ચંદ્ર લેન્ડરને લઈ જનારા રોકેટના લોન્ચિંગ મુલતવી રાખ્યું છે. દેશના પ્રથમ ચંદ્ર પર ઉતરવાના પ્રયાસના ઉદ્દેશ્ય સાથે સોમવારે સવારે H-IIA રોકેટ લોન્ચ કરવામાં આવનાર હતું. પરંતુ આ નિર્ણય હવે મુલતવી રખવામાં આવ્યો છે.
રશિયાના મૂન મિશન લુના-25ના ક્રેશ બાદ તમામની નજર ભારતના ચંદ્રયાન-3 પર ટકેલી હતી. ચંદ્રયાન 3ના સફળ લેન્ડિંગ બાદ સમગ્ર વિશ્વમાં ભારતનો ડંકો વાગી રહ્યો છે. તે જ સમયે, જાપાન પણ ચંદ્ર પર વિજય મેળવવાની કોશિશ કરી રહ્યું હતું. પરંતુ એવું લાગે છે કે જાપાનને વધુ રાહ જોવી પડશે. કારણ કે જાપાને તેના મૂન મિશન (જાપાન HIIA રોકેટ મૂન મિશન) ના લોન્ચિંગને ત્રીજી વખત સ્થગિત કરી દીધું છે.
રોઈટર્સના અહેવાલ અનુસાર, જાપાનની સ્પેસ એજન્સીએ સોમવારે H-IIA રોકેટના આયોજિત લોન્ચિંગ સ્થગિત કરી દીધું હતું, જે ચંદ્ર લેન્ડરને અવકાશમાં લઈ જવાના હતા. મિત્સુબિશી હેવી ઈન્ડસ્ટ્રીઝ (MHI) ના લોન્ચ સર્વિસ યુનિટે આયોજિત લોન્ચ સમયના 24 મિનિટ પહેલા સોશિયલ મીડિયા સાઇટ ટ્વિટર પર એક પોસ્ટમાં જણાવ્યું હતું કે અવકાશના વાતાવરણમાં પવનની અયોગ્ય સ્થિતિને કારણે લોન્ચ રદ કરવામાં આવ્યું હતું.
જણાવી દઈએ કે H-IIA નંબર 47 રોકેટને સોમવારે સ્થાનિક સમય અનુસાર સવારે 9:26 વાગ્યે (0026 GMT) દક્ષિણ જાપાનમાં જાપાન એરોસ્પેસ એક્સપ્લોરેશન એજન્સી (JAXA)ના તાનેગાશિમા સ્પેસ સેન્ટરથી લોન્ચ કરવામાં આવનાર હતું. સ્માર્ટ લેન્ડર અથવા SLIM, જાપાન એરોસ્પેસ એક્સપ્લોરેશન એજન્સી (JAXA) દ્વારા ચંદ્રની તપાસ કરવા માટે વિકસાવવામાં આવ્યું હતું.
અહેવાલ મુજબ, તેના કાર્યોમાં ચંદ્ર પર ખડકોની શોધ અને ચોક્કસ લેન્ડિંગ પ્રક્રિયાઓનું પ્રદર્શન શામેલ છે. જો જાપાનનું આ મૂન મિશન ભવિષ્યમાં લોન્ચ કરવામાં આવે અને ચંદ્રની સપાટી પર ઉતરે તો જાપાન ચંદ્ર પર સફળતાપૂર્વક ઉતરાણ કરનાર વિશ્વનો પાંચમો દેશ બની જશે.
આ પણ વાંચો : ભૂતકાળમાંથી લીધો બોધપાઠ, PM મોદી પર સીધો હુમલો નહીં કરે વિપક્ષ, આ નિર્ણયો INDIAની મુંબઈ બેઠકમાં લેવાશે
રોકેટ JAXA ના સ્માર્ટ લેન્ડર ફોર ઇન્વેસ્ટિગેટીંગ મૂન (SLIM)ને લઈ જઈ રહ્યું છે, જે ચંદ્ર પર ઉતરનાર પ્રથમ જાપાની અવકાશયાન હશે. તે મહત્વનુ છે કે ટોક્યો-આધારિત સ્ટાર્ટઅપ iSpace (9348.T) ચંદ્ર લેન્ડર હકુટો-આર મિશન 1 એપ્રિલના રોજ નિષ્ફળ ગયું હતું. અને 23 ઓગસ્ટના રોજ, જ્યારે ચંદ્રયાન-3 લેન્ડર મોડ્યુલ ચંદ્રના દક્ષિણ ધ્રુવ પ્રદેશ પર સફળતાપૂર્વક લેન્ડ થયું ત્યારે ભારતે એક વિશાળ છલાંગ લગાવી. જેના કારણે તે આ ઐતિહાસિક સિદ્ધિ હાંસલ કરનાર પ્રથમ દેશ બન્યો છે. ચંદ્રની સપાટી પર સફળતાપૂર્વક ઉતરાણ કરનાર અમેરિકા, ચીન અને રશિયા પછી ભારત ચોથો દેશ બન્યો છે.
આંતરરાષ્ટ્રીય તમામ સમાચાર વાંચવા માટે અહીં ક્લિક કરો
