પાકિસ્તાનની નૌસેનાનો આરોપ, ભારતીય સબમરીન દરિયાઈ માર્ગે કરી રહી છે પાકિસ્તાનની સરહદમાં ઘુસણખોરી

બૉર્ડર પર તણાવની વચ્ચે પાકિસ્તાનની નૌકાદળે દાવો કર્યો છે કે ભારતીય સબમરીનને તેમના જળ વિસ્તારમાં ઘુસવાના પ્રયત્નને નિષ્ફળ કરી દીધો છે.

નૌકાદળના પ્રવકતાએ દાવો કર્યો છે કે 2016 પછી આ બીજી ઘટના છે જ્યારે કોઈ ભારતીય સબમરીને પાકિસ્તાનના જળ વિસ્તારમાં ઘુસવાનો પ્રયત્ન કર્યો. પાકિસ્તાન તરફથી દાવો ત્યારે કરવામાં આવ્યો જ્યારે ભારતીય નૌકાદળના પ્રમુખ એડમિરલ સુનિલ લામ્બાએ સમુદ્વના રસ્તે આતંકીઓના ઘુસણખોરીની શંકા વ્યક્ત કરી હતી.

https://twitter.com/ShivAroor/status/1102842228261584896

પાકિસ્તાની નૌકાદળના પ્રવકતાએ એક વીડિયો જાહેર કરતા જણાવ્યું કે શાંતિ હંમેશા રાખવા માટે નૌકાદળએ ભારતીય સબમરીનને નિશાન નથી બનાવી. તેનાથી જાણી શકાય કે આપણે શાંતિ ઈચ્છે છીએ. આ ઘટનાથી શીખ લઈને ભારતે પણ શાંતિને લઈને ઝંખના બતાવવી જોઈએ. પાકિસ્તાન નૌકાદળ દ્વારા જાહેર કરેલ વીડિયોમાં એક સબમરીનનો થોડો ભાગ દેખાય છે. જેને ભારતીય સબમરીન હોવાનો દાવો કરવામાં આવ્યો છે.

પ્રવકતાએ જણાવ્યું કે ભારતના પ્રયત્નોને નિષ્ફળ કરીને પાકિસ્તાની નૌકાદળે સાબિત કર્યું કે તેમની સમુદ્વ સીમાઓની રક્ષા કરવામાં સક્ષમ છે અને કોઈ પણ રીતે જવાબ આપવા તૈયાર છે. પાકિસ્તાનના દાવા પર ભારતીય નૌકાદળે કોઈ જવાબ નથી આપ્યો પણ જો આ દાવો સાચો છે તો ભારતીય નૌકાદળ પાકિસ્તાનને બતાવવા માંગે છે કે તે કરાચીથી 200 કિલોમીટર દુર તૈનાત છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]