Independence Day : 12 વર્ષીય તારાએ ઈરાની સંતૂર પર વગાડ્યું ભારતીય રાષ્ટ્રગાન, Video જોઈને તમે પણ થઈ જશો બાળકીના ફેન્સ
12 વર્ષીય તારાએ ઈરાની સંતૂર પર ભારતીય રાષ્ટ્રગીત (India's National Anthem) વગાડ્યું છે,જેનો વિડીયો હાલ સોશિયલ મીડિયા પર ખુબ વાયરલ થઈ રહ્યો છે. આપને જણાવી દઈએ કે, જાન્યુઆરી 2020 માં તારાને સંગીત માટે ગ્લોબલ ચાઇલ્ડ પ્રોડીજીસ એવોર્ડ પણ એનાયત કરવામાં આવ્યો હતો.
Independence Day : ઈરાનની 12 વર્ષની તારાએ 75 માં સ્વતંત્રતા દિવસે ભારતને એક અનોખી ભેટ આપી છે. તારાએ ઈરાની સંતૂર પર ભારતનું રાષ્ટ્રગીત(Indian National Anthem) એવી રીતે વગાડ્યું કે આખી દુનિયા તેની પ્રશંસક બની ગઈ છે. આપને જણાવી દઈએ કે, તારાએ ઈરાની સંતુર ભારતીય રાષ્ટ્રગાન વગાડ્યું છે,જે લોકોને ખુબ પસંદ આવી રહ્યું છે. હાલ,દરેક વ્યક્તિ તારાના ચાહકો બની ગયા છે.
તારા આટલી નાની ઉંમરમાં સંગીતમાં માહિર બની ગઈ છે અને આખી દુનિયામાં તેના ચાહકો છે. સંગીત (Music) પ્રત્યેના તેમના પ્રેમની લોકો ખુબ પ્રશંસા કરી રહ્યા છે. તાજેતરમાં તારાને વિશ્વની ટોપ -15 મ્યુઝિક પ્રોડીજીઝ (Top-15 Music Prodigies of the World)એટલે કે સંગીતની દુનિયાના ટોપ -15 ઉભરતા બાળકોમાં સામેલ કરવામાં આવી છે.
Young Iranian artist, Tara Ghahremani gives soulful santoor rendition of 🇮🇳 National Anthem, on the eve of 75th Independence Day #AmritMahotsav #IndiaAt75 @AmritMahotsav @MEAIndia @iccr_hq pic.twitter.com/YwrnnkbOBL
— India in Iran (@India_in_Iran) August 14, 2021
WoW!!! Gives you goosebumps! pic.twitter.com/kQm3YQgIJ8
— Amitabh Mattoo (@amitabhmattoo) August 13, 2021
પાંચ વર્ષની ઉંમરથી તારા સંતૂર વગાડે છે
તારાનો સંતૂર પ્રત્યેનો પ્રેમ તે સમયથી શરૂ થયો જ્યારે તે બરાબર બોલી પણ શકતી ન હતી. તે પાંચ વર્ષની ઉંમરથી જ સંતૂર વગાડવાનું શીખી રહી છે. ઉલ્લેખનીય છે કે, તારાની માતા ઈરાની સંતૂર શીખતી હતી.ત્યાર બાદ તારા પણ સંગીતની શોખીન બની. શરૂઆતમાં, તે ઈરાની પરંપરાગત સાધન ટોનબાક વગાડતી હતી. પરંતુ પાછળથી તેને સંતૂર વગાડવામાં રસ પડ્યો. આપને જણાવવું રહ્યું કે,આઠ વર્ષની ઉંમરે તારાએ સંતૂર વગાડવાનું શરૂ કર્યું હતુ.
વિશેષ પુરસ્કારથી સન્માનિત
તારા ગહરેમાનીને જાન્યુઆરી 2020 માં સંગીત માટે ગ્લોબલ ચાઈલ્ડ પ્રોડીજીસ એવોર્ડ એનાયત કરવામાં આવ્યો હતો. આ વર્ષે તેણી વર્ષનાં ટોપ -100 ચાઈલ્ડ પ્રોડીજીઝમાં પણ સામેલ થઈ હતી.આપને જણાવી દઈએ કે, તારા હાલ ધોરણ સાતમાં અભ્યાસ કરી રહી છે.