China: ચીને ‘ગુમ’ થયેલા વિદેશ મંત્રી કિન ગાંગને પદ પરથી હટાવ્યા, શું અફેર બન્યું કારણ?

ચીને (China) એક મહિનાથી ‘ગુમ’ થયેલા વિદેશ મંત્રી કિન ગાંગને (Qin Gang) હટાવી દીધા છે અને તેમની જગ્યાએ નવા વિદેશ મંત્રીના નામની જાહેરાત કરી છે. મંગળવારે માહિતી આપતા ચીનના સત્તાવાર મીડિયાએ જણાવ્યું કે વાંગ યીને ચીનના નવા વિદેશ મંત્રી તરીકે નિયુક્ત કરવામાં આવ્યા છે. ગુમ થયેલા કિન ગાંગને વિદેશ મંત્રી પદ પરથી હટાવવામાં આવ્યા છે. તેને પદ પરથી હટાવવાનું કારણ સ્પષ્ટ નથી પરંતુ તે લગ્નેતર સંબંધોના આરોપોનો સામનો કરી રહ્યા છે.

કિન ગાંગ છેલ્લે 25 જૂનના રોજ જોવા મળ્યા હતા

હાલમાં 57 વર્ષીય કિન ગાંગ વિશે કોઈ માહિતી મળી નથી. આ સાથે તેમના સ્થાને વિદેશ મંત્રાલયનું કામ કોણ જોઈ રહ્યું છે તેની કોઈ માહિતી મળી નથી. કિન ગાંગ છેલ્લે 25 જૂનના રોજ જોવા મળ્યા હતા, જ્યારે તે એક જાહેર કાર્યક્રમમાં હાજરી આપી હતી. આ કાર્યક્રમમાં તેણે રશિયા, શ્રીલંકા અને વિયેતનામના અધિકારીઓ સાથેની બેઠકોમાં હાજરી આપી હતી.

નવા વિદેશ પ્રધાન તરીકે વાંગ યીની નિમણૂક

ચીનના રાજ્ય મીડિયાએ અહેવાલ આપ્યો કે, ચીનના વિધાનસભા સભ્યોએ મંગળવારે એક વિશેષ સત્ર બોલાવ્યું અને નવા વિદેશ પ્રધાન તરીકે વાંગ યીની નિમણૂક કરવા માટે મતદાન કર્યું હતું. કિન ગાંગના મંત્રાલયે બાદમાં આ બાબતની માહિતી આપી હતી અને કહ્યું હતું કે તે સ્વાસ્થ્યના કારણોસર કામથી દૂર છે, પરંતુ તેમની બીમારી વિશે કોઈ માહિતી આપવામાં આવી નથી.

ડિસેમ્બરમાં જ વિદેશ મંત્રી બનાવવામાં આવ્યા હતા

કિન ગાંગને ચીનના રાષ્ટ્રપતિ શી જિનપિંગની ખૂબ જ નજીક માનવામાં આવે છે અને તેમને ગયા વર્ષે ડિસેમ્બરમાં જ વિદેશ મંત્રી બનાવવામાં આવ્યા હતા. તેમની ગણતરી ચીનના સૌથી લોકપ્રિય રાજકીય ચહેરાઓમાં થાય છે. તેમની લાંબી ગેરહાજરીથી લોકોને ખૂબ જ આશ્ચર્ય થયું હતું. એટલું જ નહીં, સામાન્ય ચીની લોકો પણ આ નેતાના ગુમ થવાથી ચિંતિત હોવાનું કહેવાય છે.

આ પણ વાંચો : પિતાએ બાળકને જન્મ આપ્યો, 9 મહિના ગર્ભમાં ઉછેર્યો ! ચોંકાવનારી ઘટના આવી બની

ગયા અઠવાડિયે જ્યારે કિન વિશે પૂછવામાં આવ્યું ત્યારે ચીનના વિદેશ મંત્રાલયના પ્રવક્તાએ કહ્યું હતું કે, તેઓ આ અંગે કોઈ માહિતી આપી શકતા નથી. ચીનના ઓનલાઈન પ્લેટફોર્મ પર કિનને લઈને અલગ પ્રકારની અટકળો લગાવવામાં આવી રહી છે. એવું કહેવામાં આવી રહ્યું છે કે કિન ગાંગ લગ્નેતર સંબંધોના આરોપોની તપાસ હેઠળ છે.

આંતરરાષ્ટ્રીય તમામ સમાચાર વાંચવા માટે અહીં ક્લિક કરો