Breaking News : અમેરિકામાં વાવાઝોડાની તબાહીને કારણે મોટું નુકસાન, મોતનો આકડો 27 પહોંચ્યો, જુઓ Video

અમેરિકાના મધ્યપશ્ચિમ અને દક્ષિણ ભાગમાં આવેલા વાવાઝોડાને કારણે ઓછામાં ઓછા 27 લોકોના મોત થયા છે. આમાંથી, કેન્ટુકીમાં વાવાઝોડાને કારણે 18 લોકોનાં મોત થયાં.

કેન્ટુકીના ગવર્નર એન્ડી બેશિયરે શનિવારે જણાવ્યું હતું કે તેમના રાજ્યમાં 18 લોકોના મોત થયા છે અને 10 અન્ય લોકોને ગંભીર હાલતમાં હોસ્પિટલમાં દાખલ કરવામાં આવ્યા છે. કેન્ટુકીમાં આવેલા વિનાશક વાવાઝોડાએ ઘરો અને વાહનોને નુકસાન પહોંચાડ્યું અને ઘણા લોકોને બેઘર બનાવ્યા.

બેશિયરે જણાવ્યું હતું કે રાજ્યભરમાં બે ડઝન રસ્તાઓના કેટલાક ભાગ બંધ છે અને કેટલાકને ફરીથી ખોલવામાં ઘણા દિવસો લાગી શકે છે. તેમણે કહ્યું કે મૃત્યુઆંક વધવાની શક્યતા છે. મિઝોરીમાં પણ ઘણા લોકોના મોત થયા છે.

મિઝોરીના સેન્ટ લુઇસના મેયર કારા સ્પેન્સરે જણાવ્યું હતું કે તેમના શહેરમાં પાંચ લોકો માર્યા ગયા છે, 38 લોકો ઘાયલ થયા છે અને 5,000 થી વધુ ઘરોને અસર થઈ છે. શુક્રવારે થયેલા તોફાનો ગંભીર હવામાન પ્રણાલીનો ભાગ હતા જેના કારણે વિસ્કોન્સિનમાં વાવાઝોડુ આવ્યું, ગ્રેટ લેક્સ ક્ષેત્રમાં લાખો લોકો વીજળી વગર રહ્યા અને ટેક્સાસમાં ભારે ગરમીનું મોજું ફરી વળ્યું.

લુઇસના મેયર કારા સ્પેન્સરે કહ્યું. “શુક્રવારે બપોરે આવેલા વાવાઝોડાથી ઇમારતોને નુકસાન થયું હતું અને વૃક્ષો અને વીજળીના થાંભલા પડી ગયા હતા. અધિકારીઓએ સ્થાનિક લોકોને સુરક્ષિત સ્થળોએ ખસી જવા અપીલ કરી છે. “તે ખરેખર વિનાશક છે,”

યુનાઈટેડ સ્ટેટ્સ, જે વિશ્વમાં યુનાઈટેડ સ્ટેટ્સ ઑફ અમેરિકા અથવા અમેરિકા તરીકે ઓળખાય છે, તે મુખ્યત્વે ઉત્તર અમેરિકામાં આવેલો દેશ છે. અમેરિકાના અન્ય સમાચાર વાંચવા અહીં ક્લિક કરો..