કોઈ પણ વ્યક્તિ બીમારીને વરે ત્યારે તેને ડોકટરો દ્વાર એક જ સલાહ કરવામાં આવે છે કે આપ હવે હલકો ખોરાક લો એટલે સૌ પ્રથમ ફળો થી શરૂઆત થતી હોય છે. જેમાં સંતરા, સફરજન, મોસંબી, નારંગી, પાઈનેપલ , ચીકુ જેવા ફળો ખાવા યોગ્ય માનવામાં આવે છે. ચીકુ દેખાવમાં તો બટાકા જેવુ છે પરંતુ તેનો સ્વાદ એકદમ મીઠો હોય છે. જેમાં એક કરતાં વધારે મિનરલ્સ રહેલા છે.
આ તમામ ફળોમાં ખાસ કરીને ચીકુ એક અલગ પોષક તત્વો વાળું ફળ માનવામાં આવે છે. કારણ કે ચીકુમા આયર્ન, કેલ્શિયમ અને ફોસ્ફરસ ભરપૂર માત્રામાં રહેલું છે. આ એવા મિનરલ્સ છે, જે હાડકાંને મજબૂત કરવાનું કામ કરે છે. ખાસ કરીને બાળકો અને મહિલાઓમાં મોટે ભાગે આયર્નની ઉણપ જણાય છે. જેથી આ ફળ તેમના માટે ફાયદાકારક છે. જોકે આ ચીકુના આ સિવાય પણ ને ઘણા બધા ફાયદાઓ છે.
ચીકુ ખાવાથી એવા જરૂરી પોષક તત્વો મળે છે, જેની જરૂર માનવીય શરીરમાં રોજ બરોજ પુષ્કળ પ્રમાણમાં હોય છે. આ બ્રાઉન બોલ (ચીકુ) જેવા ફળોમાં વિટામિન અને મિનરલ્સ ભરપૂર માત્રામાં હોય છે. ચીકુ નબળા હાડકાં માટે પણ મહત્વનું માનવામાં આવે છે. તમારા હાડકાં, હૃદય, ફેફસાં અને ત્વચા માટે ખૂબ જ ફાયદાકારક છે. તેમાં વિટામીન B, C, E અને કેલ્શિયમ, પોટેશિયમ, ફાઈબર, મેગ્નેશિયમ, મેંગેનીઝ અને એન્ટી ઓક્સીડેન્ટ ગુણો નોંધપાત્ર માત્રામાં આ ફળમાં જોવા મળે છે. ખોરાક લીધા બાદ આ ફળ ખાવાથી પાચન માટે ખૂબ જ ફાયદાકારક માનવામાં આવે છે.
આ પણ વાંચો : ઉનાળામાં પાચન સંબંધી સમસ્યાઓનો સામનો કરવા ખાઓ આ 5 ફળો
ચીકુમાં હાજર પોટેશિયમ અને મેગ્નેશિયમ બ્લડ પ્રેશરને નિયંત્રિત કરવામાં મદદરૂપ છે.ચીકુ હૃદય અને કોલેસ્ટ્રોલની સમસ્યાને પણ ઘટાડી શકે છે.
ચીકુમાં ડાયેટરી ફાઈબરનું પ્રમાણ વધુ હોય છે. મહત્વનું છે કે એક ચીકુમાં લગભગ 9 ગ્રામ ફાઈબર હોય છે. આ જ કારણ છે કે, ચીકુ એક ઉત્તમ રેચક તરીકે કામ કરી શકે છે. જો કોઈ વ્યક્તિ વારંવાર કબજિયાતની સમસ્યાથી પીડાતું હોય તો ચીકુના ફળને આહારમાં સામેલ કરવું જોઈએ. ચીકુમાં ફ્લેવોનોઈડ્સ પણ હોય છે, જે આંતરડાના સ્વાસ્થ્યને સુધારે છે. આનું સેવન કરવાથી પેટના કેન્સરને રોકવામાં ઘણી મદદ મળે છે.
ચીકુને વિટામિન સી અને કોપરનો ઉત્તમ સ્ત્રોત પણ માનવામાં આવે છે. આ રોગપ્રતિકારક શક્તિ વધારવામાં મદદ કરે છે અને કોઈપણ પ્રકારના ચેપ સામે રક્ષણ આપે છે. તેઓ શરીર પર મુક્ત રેડિકલની અસરો સામે પણ લડે છે. જો તમે શરદી અને ફ્લૂથી પરેશાન છો તો ચીકુ ખાવાથી તમને ઘણા ફાયદા થશે. આ તમારા અનુનાસિક માર્ગ અને શ્વસન માર્ગના કફને સાફ કરવામાં મદદ કરશે.
ચીકુમાં આયર્ન, કેલ્શિયમ અને ફોસ્ફરસ ભરપૂર માત્રામાં હોય છે. આ એવા મિનરલ્સ છે, જે હાડકાંને મજબૂત કરવાનું કામ કરે છે. આ સ્વાદિષ્ટ ફળમાં જોવા મળતા ઘણા પોષક તત્વો તમારા હાડકાંને લાંબા સમય સુધી મજબૂત રાખવામાં મદદ કરે છે.
ચીકુમાં હાજર વિટામિન સી કોલેજનનું ઉત્પાદન કરવામાં મદદ કરે છે. આ ફળ ખાવાથી કરચલીઓ ઝડપથી આવતી અટકાવી શકાય છે. કારણ કે તેમાં એસ્કોર્બિક એસિડ, ફ્લેવોનોઈડ્સ અને પોલીફેનોલ્સ જેવા એન્ટીઓક્સીડેન્ટ છે.
લાઈફસ્ટાઈલ અને હેલ્થના તાજા સમાચાર ગુજરાતીમાં વાંચો tv9gujarati.com પર
હેલ્થ ન્યૂઝ અને લાઈફસ્ટાઈલ સાથે જોડાયેલા તમામ ન્યૂઝ માટે જોડાયેલા રહો…