Health : પહેલીવાર દોડવાનું શરૂ કરવા જઈ રહ્યા છો તો આ વાતોનું ધ્યાન રાખો નહીં તો થશે નુકસાન

શરીરને સ્વસ્થ રાખવા માટે આજના સમયમાં બમણી મહેનત કરવાની જરૂર છે, પરંતુ આજના સમયમાં લોકોનું જીવન એટલું વ્યસ્ત થઈ ગયું છે કે રોજની યોગ્ય કસરત માટે સમય કાઢવો થોડો મુશ્કેલ છે. જો કે, દરરોજ સવારે થોડો સમય દોડવું ( running) તમારા સ્વાસ્થ્યની સાથે-સાથે ફિટનેસ માટે પણ સારું હોઈ શકે છે. દરરોજ દોડવું તમારી રોગપ્રતિકારક શક્તિને મજબૂત બનાવે છે અને હૃદયથી ફેફસાં સુધી તમારા સમગ્ર સ્વાસ્થ્યને જબરદસ્ત લાભ આપે છે.

આ પણ વાંચો : Health Tips: એક દિવસમાં કેટલી રોટલી ખાવી જોઈએ, શું તમે જાણો છો આનો જવાબ?

ભલે દોડવું એ હળવી કાર્ડિયો એક્સરસાઇઝમાં આવે છે, પરંતુ દોડવાનું શરૂ કરતાં પહેલાં કોઈ પણ વ્યક્તિ માટે કેટલીક બાબતો વિશે જાણવું ખૂબ જ જરૂરી છે.

દરરોજ દોડવું એ તમારી જાતને સમય આપવા અને સ્વસ્થ રહેવાનો ઉત્તમ વિકલ્પ છે. શરૂઆતમાં, તમે થોડું અંતર દોડી શકો છો અને ધીમે ધીમે તેને વધારી શકો છો અને અદ્ભુત લાભો મેળવી શકો છો. તો દોડતા પહેલા જાણી લો કે આ દરમિયાન કરવામાં આવેલી કેટલીક ભૂલો તમને નુકસાન પહોંચાડી શકે છે.

પોસ્ચરની કાળજી લો

જો તમે દોડો છો તો તમારા શરીરના પોસ્ચરનું ધ્યાન રાખવું ખૂબ જ જરૂરી છે.

ખૂબ ઝડપથી દોડશો નહીં

જ્યારે તમે સ્વસ્થ રહેવા માટે દોડો છો, ત્યારે ધ્યાન રાખો કે ખૂબ ઝડપથી દોડશો નહીં, તમે ખૂબ જ ઝડપથી થાકી જશો અને લાંબા સમય સુધી દોડી શકશો નહીં. તેથી જ સામાન્ય ગતિ જાળવી રાખીને દોડો.

ડિહાઇડ્રેશન થી બચો

દોડવાના થોડા સમય પહેલા પાણી પીવું યોગ્ય છે, કારણ કે દોડતી વખતે ઘણો પરસેવો આવે છે અને જો તમે પાણી ન પીતા હોવ તો ડિહાઈડ્રેશન થઈ શકે છે. આ સાથે, સવારે વહેલા દોડવાનો પ્રયાસ કરો.

શૂઝ નું ખાસ ધ્યાન રાખો

શૂઝ દોડવામાં સૌથી મહત્વની વસ્તુ છે, તમારા શૂઝ પરફેક્ટ ફિટિંગના હોવા જોઈએ. તમને ખૂબ ચુસ્ત અથવા ખૂબ ઢીલા પગરખાંથી ઈજા થવાનો ડર રહે છે. આ બાબતોને ધ્યાનમાં રાખીને, તમે આરામથી દોડવાના સ્વાસ્થ્ય લાભો લઈ શકો છો.

(જાહેર ચેતવણી : આ લેખમાં આપવામાં આવેલી તમામ માહિતી, જાણકારીના હેતુ માટે લખવામાં આવી છે. સ્વાસ્થ્ય સંબંધિત કંઈપણ અનુસરતા પહેલા  નિષ્ણાતની સલાહ લો.)

Healthના દરેક સમાચાર વાંચવા અહીં ક્લિક કરો