તંદુરસ્ત આહાર અને તંદુરસ્ત જીવનશૈલી ઉપરાંત, વજન ઘટાડવા માટે દરરોજ કસરત કરવી પણ મહત્વપૂર્ણ છે. દરરોજ દોડવું, ચાલવું, જીમ અને યોગાસન કરવાથી વજન ઘટાડવામાં (Weight loss) મદદ મળે છે. પરંતુ, વરસાદની મોસમ દરમિયાન, લોકો માટે રોજિંદા કસરત કે જોગિંગ માટે બહાર જવાનું મુશ્કેલ બની શકે છે. એ જ રીતે વારંવાર શરદી, સુસ્તી અને થાક જેવી સમસ્યાઓના કારણે લોકો કસરત કરવામાં પણ આળસ અનુભવે છે. જે સ્વાસ્થ્ય (Health) માટે જોખમકારક છે.
આવી સ્થિતિમાં વજન ઘટાડવા માટે એવી પદ્ધતિઓ અપનાવવી જોઈએ, જેનાથી વધુ મહેનત કર્યા વિના ઝડપથી વજન ઓછું થઈ શકે છે અને આ કામ માટે વજન ઘટાડવા માટે કેટલાક ઘરેલું ઉપચારની મદદ લઈ શકાય છે. ઘરેલું ઉપચાર અનેક રોગો અને સ્વાસ્થ્યને લગતી સમસ્યાઓ દૂર કરવામાં મદદરુપ થાય છેે.
વધેલા વજનને ઓછું કરવા માટે સૌથી પહેલા પાણીમાં લીંબુ અને મધ મિક્સ કરીને વજન ઘટાડવાની રેસિપી યાદ રાખો. આ એક એવી રેસિપી છે, જેનું સેવન કરવું ખૂબ જ સરળ નથી, પરંતુ દરેક સિઝનમાં અલગ-અલગ રીતે તેનો ઉપયોગ કરી શકાય છે. એટલા માટે જો તમને લીંબુ-મધનો સ્વાદ ગમે છે અને તમને વજન ઘટાડવા માટેના આ ઘરેલું ઉપાય તમારા માટે શ્રેષ્ઠ છે તો તમે તેને દરેક ઋતુમાં લઈ શકો છો.
પરંતુ, ઋતુ પ્રમાણે દરેક વ્યક્તિને તેનું સેવન કરવાની સાચી રીત ખબર હોતી નથી અને તેથી, તેને તેનો પૂરો લાભ મળતો નથી. અહીં અમે તમને જણાવીશું કે વરસાદની ઋતુમાં લીંબુ અને મધનું સેવન કરવાની સાચી રીત શું છે?
1.એક વાસણમાં 2 ગ્લાસ પાણી ઉકાળવા માટે રાખો.
2.આમાં એક ચમચી આદુની પેસ્ટ નાખીને બરાબર ઉકળવા દો.
3.જ્યારે પાણી અડધું ઉકળે તો તેમાં લીંબુના થોડા ટુકડા નાખીને 2-3 મિનિટ વધુ ઉકાળો.
4.પછી આ મિશ્રણને ગેસ પરથી ઉતારો અને તેમાં અડધી ચમચી (અથવા સ્વાદ મુજબ) મધ ઉમેરો, આ પીણું ગરમ જ પીવો.
નોંધ : આ લેખ માત્ર જાણકારી માટે છે. તેનો ઉપયોગ પૂર્વે આપ આપના તબીબ અથવા તજજ્ઞોની સલાહ ખાસ લેવી