Health: આંતરરાષ્ટ્રીય યોગા દિવસ પર આ વર્ષની થીમ શું હશે? પીએમ મોદીએ ‘મન કી બાત’માં કરી જાહેરાત

આંતરરાષ્ટ્રીય યોગ દિવસની (International Yoga Day ) 8મી આવૃત્તિ “માનવતા માટે યોગ” થીમ સાથે ઉજવવામાં આવશે. આયુષ મંત્રાલયે ભારત (India) અને સમગ્ર વિશ્વમાં (World) 21 જૂન 2022ના રોજ યોજાનાર 8મા આંતરરાષ્ટ્રીય યોગ દિવસ 2022 માટે આ થીમ પસંદ કરી છે. મુખ્ય કાર્યક્રમ કર્ણાટકના મૈસૂરમાં યોજાશે. કોવિડ-19 રોગચાળા દરમિયાન આયોજિત ગત વર્ષની IDYની થીમ હતી “યોગા ફોર વેલનેસ”. આ માહિતી કેન્દ્રીય આયુષ મંત્રી સર્બાનંદ સોનોવાલે આપી હતી.

યોગ અંદરથી આનંદ, સ્વાસ્થ્ય અને શાંતિ લાવે છે

કેન્દ્રીય આયુષ મંત્રીએ કહ્યું કે વડાપ્રધાન નરેન્દ્ર મોદીએ તેમના “મન કી બાત” સંબોધનમાં થીમની જાહેરાત કરી હતી. આ વર્ષની IDY માટેની થીમ ઘણી વિચાર-વિમર્શ/પરામર્શ પછી પસંદ કરવામાં આવી છે અને યોગ્ય રીતે દર્શાવવામાં આવ્યું છે કે કેવી રીતે કોવિડ-19 રોગચાળા દરમિયાન યોગે માનવતાને ઊંચાઈએ લઈ જવા સેવા આપી છે. કોવિડ પછીના સમયમાં પણ તે લોકોને કરુણા, દયા દ્વારા એક સાથે લાવશે. વિશ્વભરના લોકોમાં એકતાની ભાવના અને સ્થિતિસ્થાપકતાનું નિર્માણ કરવા યોગે મહત્વની ભૂમિકા ભજવી છે.

કેન્દ્રીય આયુષ મંત્રીએ કહ્યું કે આપણા વડાપ્રધાને આ વર્ષની IDY થીમને “માનવતા માટે યોગ” તરીકે યોગ્ય રીતે જાહેર કરી છે. યોગ એ આપણે જાણીએ છીએ કે તે એક એવી પ્રેક્ટિસ છે જે અંદરથી આનંદ, સ્વાસ્થ્ય અને શાંતિ લાવે છે અને તે વ્યક્તિની આંતરિક ચેતના અને બહારની દુનિયા વચ્ચે સતત જોડાણની ભાવનાને વધારે છે. IDY આ વિષયને યોગ્ય પ્રસિદ્ધિ આપવામાં સફળ થશે.

આઝાદીના 75 વર્ષના ‘અમૃત મહોત્સવ’ની ઉજવણીને ધ્યાનમાં રાખીને આંતરરાષ્ટ્રીય યોગ દિવસના કાર્યક્રમોનું દેશના 75 મુખ્ય સ્થળોએ આયોજન કરવામાં આવશે, વડાપ્રધાન નરેન્દ્ર મોદીએ રવિવારે જણાવ્યું હતું અને લોકોને તેમના સંબંધિત  શહેરો, નગરો અથવા ગામો અથવા વિશેષ સ્થાને આ પ્રસંગને ચિહ્નિત કરવા વિનંતી કરી હતી.

તેમના ‘મન કી બાત’ રેડિયો પ્રસારણમાં વડાપ્રધાન મોદીએ કહ્યું કે 21 જૂને 8મા આંતરરાષ્ટ્રીય યોગ દિવસની થીમ ‘માનવતા માટે યોગ’ હશે. તેમણે લોકોને ખૂબ જ ઉત્સાહ સાથે યોગ દિવસની ઉજવણી કરવા વિનંતી કરી છે, જ્યારે તેઓએ ચેતવણી આપી કે તેઓએ કોરોના વાયરસને લગતી તમામ સાવચેતી રાખવી જોઈએ.