શરીરમાંથી ટોક્સિન્સ ‘બહાર ફેંકશે’ અને લિવરને બનાવશે ‘મજબૂત’, આજથી જ પીવો આ ‘હેલ્ધી ડ્રિંક્સ’

તમારા લિવરને કોઈ મોંઘા કે આર્ટિફિશિયલ ‘ડિટોક્સ’ની જરૂર હોતી નથી, કારણ કે આપણું લિવર કુદરતી રીતે જ શરીરને સાફ કરતું હોય છે. જો કે, કેટલાક એવા ખાસ કુદરતી પીણાં છે. જેમાં રહેલા ફાઈબર, એન્ટીઓક્સીડેન્ટ્સ અને વિટામિન્સ લિવરના કામકાજને મજબૂત બનાવવામાં તેમજ ફેટી લિવર જેવી સમસ્યાઓ સામે રક્ષણ આપવામાં ખૂબ જ મદદરૂપ સાબિત થઈ શકે છે.

આ ડ્રિંક્સ લિવર માટે છે ‘ફાયદાકારક’

1. ચિયા સીડ્સ ડ્રિંક: 1 ચમચી ચિયા બીજને લગભગ 1/4 કપ પાણીમાં મિક્સ કરો અને તેને આખી રાત પલાળી રાખો. સવારે તેમાં લીંબુ મલાવીને સેવન કરો. ચિયાથી ફાઈબર મળે છે, જે આંતરડાના સારા બેક્ટેરિયાને પોષણ આપે છે. લીંબુથી વિટામિન C મળે છે, જે કોલેજન બનાવવા અને પેશીઓની મરામત કરવામાં મદદ કરે છે.
2. બ્લૂબેરી કેફિર સ્મૂદી: બ્લૂબેરીમાં એન્થોસાયનિન નામના શક્તિશાળી એન્ટીઓક્સીડેન્ટ્સ હોય છે, જ્યારે કેફિરથી પ્રોટીન અને પ્રોબાયોટિક્સ મળે છે. આ આંતરડાના માઈક્રોબાયોમ અને મેટાબોલિક હેલ્થને સરસ બનાવવામાં મદદરૂપ થઈ શકે છે.
3. દાડમ અને આદુનો જ્યુસ: દાડમમાં ભરપૂર પ્રમાણમાં પોલીફેનોલ્સ હોય છે, જે કોષોને ઓક્સિડેટીવ સ્ટ્રેસથી બચાવે છે. આદુમાં જિંજરોલ્સ હોય છે, જેમાં એન્ટીઓક્સીડેન્ટ અને સોજો ઓછો કરવાના ગુણ હોય છે.
4. કોફી અને કોકો: લિવરના સ્વાસ્થ્ય માટે કોફી પર સૌથી વધુ સંશોધન કરવામાં આવ્યું છે. તેને પીવાથી લિવર ફાઇબ્રોસિસ, સિરોસિસ અને લિવર કેન્સરનું જોખમ ઓછું થઈ શકે છે. કોકો ઉમેરવાથી એન્ટીઑકિસડન્ટથી ભરપૂર ફ્લેવેનોલ્સ ઉમેરવામાં આવે છે.
5. તરબૂચ અને આદુનો જ્યુસ: તરબૂચમાં લાઈકોપીન, વિટામિન C અને પુષ્કળ પ્રમાણમાં પાણી હોય છે. આદુમાં એવા પ્લાન્ટ કમ્પાઉન્ડ્સ હોય છે, જે મેટાબોલિક હેલ્થને મજબૂત બનાવવામાં મદદ કરી શકે છે.
6. મધ સાથે ગ્રીન ટી: ગ્રીન ટીમાં EGCG જેવા કેટેચિન હોય છે. ફેટી લિવરની બીમારીમાં તેના સંભવિત ફાયદાઓ પર સંશોધન કરવામાં આવ્યું છે. સ્વાદ માટે તેમાં થોડું મધ મલાવી લો.
7. ફુદીના સાથે બ્લેક ટી: બ્લેક ટીમાં થિયાફ્લેવિન્સ અને અન્ય પોલીફેનોલ્સ હોય છે, જે એન્ટીઓક્સીડેન્ટ તરીકે કામ કરે છે. ફુદીના વગર વધારાની ખાંડના તેમાં સરસ સ્વાદ ઉમેરી દે છે.

આ ડ્રિંક્સને તમે લિવર માટે ફાયદાકારક ડાયેટમાં એડ (Add) કરી શકો છો. બસ એ વાતનું ધ્યાન રાખો કે, ખાંડનું સેવન ઓછું રાખો, આખા અને કુદરતી ખાદ્ય પદાર્થો પર ધ્યાન આપો, નિયમિત કસરત કરો અને તમારી મેટાબોલિક હેલ્થને સારી બનાવી રાખો.

ડિસ્ક્લેમર: (આ આર્ટિકલમાં સૂચવેલ ટિપ્સ માત્ર સામાન્ય જાણકારી માટે છે. સ્વાસ્થ્ય સાથે જોડાયેલા કોઈ પણ ફિટનેસ પ્રોગ્રામ શરૂ કરતા પહેલા અથવા પોતાના આહારમાં કોઈ પણ પ્રકારનો ફેરફાર કરતા પહેલા કે કોઈ પણ બીમારી સંબંધિત ઉપાય કરતા પહેલા તમારા ડૉક્ટરની સલાહ જરૂર લો. TV9 Gujarati કોઈ પણ પ્રકારના દાવાની સત્યતાની પુષ્ટિ કરતું નથી.)

‘મુલતાની માટી’ લગાવતા પહેલાં 100 વાર વિચારજો, આ લોકોની સ્કિનને થઈ શકે છે ‘મોટું નુકસાન’