વડોદરા(Vadodara) ના ચકચારી સ્વીટી પટેલ(Sweety Patel) હત્યા કેસમાં પોલીસને બનાવ સ્થળેથી બળી ગયેલી હાલતમાં મળેલા હાડકાંમાંથી ડીએનએ આઈસોલેટ કરવાની તજવીજ એફએસએલ દ્વારા શરૂ કરવામાં આવી છે. આ આઈસોલેશન બાદ ડીએનએની ગુણવત્તા અને તેના જથ્થાને ચકાસવામાં આવશે. ઉલ્લેખનીય છે કે હાડકા વધુ પડતા બળી જવાને કારણે ડીએનએ શોધવામાં મુશ્કેલી આવી રહી છે. તેમ છતાં હાડકાંને પૃથક્કરણ અને ડીએનએ શોધવા એફએસએલ મથી રહ્યું છે. ત્યારે ડીએનએના આધારે હાડકા સ્વીટી પટેલના છે કે કેમ તે અંગે વધુ જાણકારી મળશે.
ઉલ્લેખનીય છે કે, ચકચારી સ્વીટી પટેલ(Sweety Patel) હત્યા કેસમાં ડીએનએ મેળવવા મુશ્કેલી આવી રહી હતી. જેમાં મળતી માહિતી પ્રમાણે ઘટનાસ્થળેથી મળેલા હાડકા વધુ પડતા બળી જવાને કારણે આ મુશ્કેલી આવી રહી છે. તેમ છતા અલગ અલગ 3 તબક્કામાં મળેલા હાડકાને વૈજ્ઞાનિક પૃથક્કરણ માટે મોકલી આપવામાં આવ્યા છે. તો બીજી તરફ મળેલા દાંત તેમજ મંગળસૂત્ર સહિતના અન્ય દાગીનાઓની પણ પોલીસ(Police) તપાસ કરી રહી છે.મળેલા પૂરાવાને આધારે સ્વીટી પટેલના પરિવાર તથ મિત્રોના નિવેદન લેવાની પ્રક્રીયા શરૂ કરી દેવામાં આવી છે.
વડોદરાની સ્વીટી પટેલ ચકચારી હત્યા કેસમાં ક્રાઇમ બ્રાન્ચને બુધવારે મહત્વના પુરાવા મળી આવ્યાં હતા. જેમાં સ્વીટીણી લાશ સળગાવી હતી ત્યાંની માટી ચાળી તો બળેલું મંગળસૂત્ર અને હાથની વીંટી સાથે જ સ્વીટી ના પાંચ દાંત મળી આવ્યાં હતા. જ્યારે હત્યારો અજય દેસાઈનો પોલિગ્રાફિક ટેસ્ટ અને SDS પોઝિટીવ આવ્યો છે.
આ પણ વાંચો : Viral Video : છ ફૂટના દરવાજા પર આરામથી ચડી ગયું દોઢ વર્ષનું બાળક, વીડિયો જોઇ આપને પણ થશે આશ્ચર્ય
આ પણ વાંચો : Mumbai : દુલ્હનની જેમ શણગારવામાં આવ્યુ અનિલ કપૂરનું ઘર, આજે પુત્રી રિયા લગ્નના તાંતણે બંધાશે