પતિ પુત્રને મળી ન શકે એ માટે પત્નીને કર્યું આ કામ! મામલો હાઇકોર્ટ પહોંચતા કોર્ટે આપ્યો આ આદેશ
પુત્રને મળવા માટે એક પિતાએ હાઈકોર્ટના દરવાજા ખખડાવ્યા હતા. જેમાં અરજદાર પિતાએ કહ્યું કે તેની પત્ની તેના દીકરાને લઈને સિક્કિમ જતી રહી. જેથી કરીને તે તેને મળી ન શકે.
ગુજરાત હાઈકોર્ટમાં પતિ-પત્ની અને પુત્રની કસ્ટડીનો ગજબ કેસ આવ્યો હતો. જેમાં સંતાનની કસ્ટડી માટે પતિ-પત્નીનો ઝગડો અને પત્નીની ચાલાકીનું અલગ સ્વરૂપ જોવા મળ્યું. આ કિસ્સો હાઇકોર્ટમાં નોંધાયો છે. ખરેખરમાં વાત એમ છે કે દીકરાને મળવાના અધીકાર માટે પતિએ હાઈકોર્ટના દરવાજા ખખડાવ્યા હતા. દીકરાને લઈને પત્ની સિક્કિમ જતી રહેતા પતિએ હાઇકોર્ટમાં કરેલી અરજીમાં રજૂઆત કરી હતી.
આ અરજીમાં પતિએ કહ્યું હતું કે, તેની પત્ની નથી ઈચ્છતી કે તે તેના દીકરાને મળે. આ માટે તે તેને લઇને સિક્કિમ જતી રહી છે. જણાવી દઈએ કે અરજદારની અરજી અનુસાર મહિનામાં બે વખત દીકરાને મળવા દેવા ફેમિલી કોર્ટે પત્નીને આદેશ આપ્યો છે. પરંતુ બરોડાના આ પતિની વ્યથા એ છે કે પત્ની બાળકને લઈને સિક્કિમ જતી રહી છે. ત્યાં મળવા જવું અને મહિનામાં બે વાર મળવા જવા માટે સમય અને પૈસા બંને વધુ લાગે એમ છે. અરજદારનું કહેવું છે કે પત્ની તરકીબ કરીને દીકરાને દૂર લઇ ગઇ છે. જેથી વારંવાર પતિ સિક્કિમ જઇને તેને મળી શકે નહિ.
ત્યારે હાઈકોર્ટે આ મામલો સાંભળ્યો. જસ્ટિસ જે.બી.પારડીવાલાની ખંડપીઠે સમગ્ર મામલે કહ્યું કે, અમે તમારી પત્નીને કોઇ ચોક્કસ જગાએ જ રહેવા આદેશ ન કરી શકીએ. પરંતુ સાથે હાઈકોર્ટે એમ પણ કહ્યું કે ‘તમારા અધિકાર અકબંધ રહે તે માટે પત્નીને બે મહિને એકવાર દીકરાને બરોડા લાવવા આદેશ કરીશું.’ આ સાથે જ હાઈકોર્ટે જણાવ્યું કે ‘આ સાથે જ્યારે પિતા દીકરાને મળે ત્યારે તેની માતા તેની આસપાસ ન રહે.’ તેવું પત્નીને કહેવામાં આવશે. તેમજ દીકરા સાથે વિડીયો કોલથી વાત કરવા માટે પણ હાઇકોર્ટે મંજૂરી આપી છે.
આ પણ વાંચો: IRCTC : સરકારના નિર્ણયને રોકાણકારોનો આવકાર : 50% Convenience Fees વસૂલવાનો નિર્ણય પરત લેવાતા શેર રિકવર થયો
