રાજ્યમાં પહેલી વખત સુરતમાં અમલી બનશે પાર્કિંગ પોલિસી, ત્રણ રસ્તાઓ પર પાર્કિંગની જગ્યામાં 30 મિનિટ સુધી કોઈ ચાર્જ નહીં

સુરતમાં ટ્રાફિકની સમસ્યા દિનપ્રતિદિન વધી રહી છે. આ જ કારણ છે કે હવે વાહનો ખરીદવું તો સરળ થઈ ગયું છે પણ એ ગાડી લઈને ફરવું અને પાર્ક ક્યાં કરવું તે મોટો પ્રશ્ન થઈ ગયો છે.

દિવસે ને દિવસે વિકરાળ બની રહેલી ટ્રાફિક સમસ્યાને પગલે સુરત મહાનગરપાલિકા ગુજરાતમાં પાર્કિંગ પોલિસી લાવનાર પહેલું કોર્પોરેશન બન્યું છે. આજથી એટલે કે 21 ફેબ્રુઆરીથી સુરતમાં આ પાર્કિંગ પોલિસી અમલી બની રહી છે. સુરત મહાનગરપાલિકાએ સુરતની પાર્કિંગ સમસ્યાના નિરાકરણની દિશામાં આગેકૂચ ભરી છે. સુરતના ત્રણ રસ્તા પર પ્રાયોગિક ધોરણે પાર્કિંગ વ્યવસ્થા ઉભી કરી કરવાની દિશામાં પાલિકાએ પાર્કિંગ પોલિસી અમલમાં લાવી છે. સુરત મહાનગરપાલિકાએ ત્રણ રસ્તા પર પાર્કિંગ માટેની જગ્યાઓ ઉભી કરવાનું નક્કી કર્યું છે. સુરતના તમામ ઝોનમાં જ્યાં પણ ત્રણ રસ્તા છે ત્યાં પ્રાયોગિક ધોરણે પાર્કિંગ વ્યવસ્થા ઉભી કરવામાં આવશે. જેમ-જેમ પ્રશ્નો આવશે તેમ-તેમ તેમાંથી ઉકેલ શોધીને આગળ ધપાવવામાં આવશે.

 જાહેર રસ્તા પર ગમે ત્યાં પાર્ક થતાં વાહનોના બદલે એક જ જગ્યાએ વાહનો પાર્ક થાય તેના માટે આ નીતિ ઘડવામાં આવી છે અને કોઈપણ નીતિ અંતિમ હોતી નથી. રસ્તા પર નાનકડા સમયગાળા એટલે કે 30 મિનીટ સુધી વાહન પાર્ક કરવામાં આવ્યા હોય તો તેમને પાર્કિંગ ચાર્જમાંથી મુક્તિ આપવામાં આવશે. દવા લેવા કે ખરીદી કરવા આવતા હોય અને તેમને લાંબા સમય સુધી રોકાવું પડતું ન હોય તો તેવા કિસ્સાઓમાં નક્કી કરેલા પાર્કિંગ ચાર્જની વસૂલાત કવામાં આવશે નહીં.

ઓનલાઈન કે ઓફલાઈન પાર્કિંગ માટે નવા સ્થળો શોધીને પાર્કિંગ ઉપલબ્ઘ કરીને રસ્તા પર વાહન પાર્ક કરવાના બદલે લોકો એક જ જગ્યાએ વાહન મૂકે તેવી વ્યવસ્થા ગોઠવવાની દિશામાં કામ કરવામાં આવી રહ્યું છે. આ નીતિ અંતર્ગત લોકો શિસ્તબદ્વ રીતે પાર્કિંગ કરે તે હેતુ મુખ્ય છે. પાર્કિંગ વ્યવસ્થા અંગે પ્રતિભાવો, સૂચનો અને પ્રાયોગિક અમલ અંગે નીતિમાં ફેરફારને અવકાશ રહેલો છે. અલગ અલગ સમયમર્યાદા માટે પાર્કિંગ માટેના દર નક્કી કરવામાં આવ્યા છે જેમાં ટૂ-વ્હીલર્સ અને ફોર-વ્હીલર્સ માટે દર જુદા જુદા છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]