સુરત: અડાજણ વિસ્તારમાં આર્કિટેકટની ભાડાની ઓફિસમાં નળોની ચોરી કરવા આવેલા બે ઝડપાયા
સુરતના રાંદેર વિસ્તારમાં રહેતા આરજવ દેસાઈ આર્કિટેકટના વ્યવસાય સાથે જોડાયેલા છે અને તેઓ અડાજણ વિસ્તારમાં સૂર્યપુર સોસાયટીમાં ભાડાની ઓફિસ ધરાવે છે. ઋષભ ચાર રસ્તા પાસે આવેલી આ ઓફિસમાં ગઈકાલે પાણીના નળની ચોરી કરવા આવેલા એક બાળકિશોર સહિત બે વ્યક્તિઓની ધરપકડ થઈ છે. અડાજણ પોલીસે બેડરૂમના પલંગ નીચેથી એક બાળકિશોર સહિત બે જણાની ધરપકડ કરી તપાસ […]
સુરતના રાંદેર વિસ્તારમાં રહેતા આરજવ દેસાઈ આર્કિટેકટના વ્યવસાય સાથે જોડાયેલા છે અને તેઓ અડાજણ વિસ્તારમાં સૂર્યપુર સોસાયટીમાં ભાડાની ઓફિસ ધરાવે છે. ઋષભ ચાર રસ્તા પાસે આવેલી આ ઓફિસમાં ગઈકાલે પાણીના નળની ચોરી કરવા આવેલા એક બાળકિશોર સહિત બે વ્યક્તિઓની ધરપકડ થઈ છે. અડાજણ પોલીસે બેડરૂમના પલંગ નીચેથી એક બાળકિશોર સહિત બે જણાની ધરપકડ કરી તપાસ શરૂ કરી છે. તેઓએ ગઈકાલે આ ભાડાની ઓફિસમાં બીજુ કંઈ નહીં પણ નળચોરી કરવાની કોશિશ કરી હતી. ચોરી કરવા આવેલા બંને યુવકોની ઉંમર 17 વર્ષ અને 18 વર્ષની હતી.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
તેમણે આ ઓફિસમાં 100 રૂપિયાની કિંમતના 18 નળ એટલે કે કુલ 1,800 રૂપિયાના નળની ચોરી કરવાનો પ્રયત્ન કર્યો હતો. જો કે આ દરમ્યાન સ્થાનિકોને અવાજ આવી જતા તેમણે પણ તલાશી લીધી હતી. તે સમયે આ બંને ચોર પલંગ નીચે છુપાયેલા જોવા મળ્યા હતા. સ્થાનિકોએ તુરંત જ અડાજણ પોલીસનો સંપર્ક સાધ્યો હતો અને બંનેને પોલીસને હવાલે કર્યા હતા. આ બંને ચોરોએ ઓફિસની એકપણ વસ્તુને હાથ લગાવ્યો ન હતો પણ તેમણે ફક્ત નળ ચોરી કરવાના ઈરાદે જ ઓફિસમાં પ્રવેશ કર્યો હતો. જો કે આ બંનેનું નળ ચોરી કરવા પાછળનું શું કારણ છે અને કેટલા સમયથી તેઓ આ ચોરીના રવાડે ચડ્યા છે તે બાબતની તપાસ પોલીસ કરી રહી છે.
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો