Breaking News : સુરતના સચિનમાં આવેલ હોજીવાલા રોડ પર કંપનીમાં ભીષણ આગ ફાટી નીકળી, જુઓ Video

સુરતના સચિન વિસ્તારમાં આવેલી હોજીવાલા કંપનીમાં ભીષણ આગ ફાટી નીકળી છે, જેના કારણે આખા વિસ્તારમાં અફરાતફરીનો માહોલ સર્જાયો છે. આગ લાગવાની જાણ થતાં જ ફાયર બ્રિગેડની ટીમો ઘટનાસ્થળે પહોંચી.

Breaking News : સુરતના સચિનમાં આવેલ હોજીવાલા રોડ પર કંપનીમાં ભીષણ આગ ફાટી નીકળી, જુઓ Video
| Updated on: Nov 19, 2026 | 12:49 AM

સુરતના સચિન ઔદ્યોગિક વિસ્તારમાં આવેલી હોજીવાલા કંપનીમાં ભીષણ આગ ફાટી નીકળવાની ઘટના પ્રકાશમાં આવી છે. આ આગ એટલી વિકરાળ છે કે કંપની ભડભડ સળગી રહી હોય તેવા દ્રશ્યો દૂરથી પણ સ્પષ્ટ દેખાઈ રહ્યા છે. આ ઘટનાને પગલે સમગ્ર સચિન વિસ્તારમાં અફરાતફરીનો અને ભયનો માહોલ સર્જાયો છે.

આ આગ અચાનક કોઈ કારણસર લાગી હતી. આગના ભીષણ દ્રશ્યો કેમેરામાં કેદ થયા છે, જેમાં આગની જ્વાળાઓ અને ધુમાડાના ગોટેગોટા આકાશમાં છવાતા જોવા મળે છે. આગ લાગવાની જાણ થતાં જ તાત્કાલિક સુરત ફાયર વિભાગની ટીમો અને સચિન ફાયર સ્ટેશનની તમામ ગાડીઓ ઘટનાસ્થળે પહોંચી હતી.

ફાયર બ્રિગેડના જવાનો દ્વારા આગ પર કાબૂ મેળવવા માટે ચારે બાજુથી પાણીનો મારો ચલાવવામાં આવી રહ્યો છે. જોકે, આગે એટલું મોટું વિકરાળ સ્વરૂપ ધારણ કર્યું છે કે તેને કાબૂમાં લેવામાં પડકારોનો સામનો કરવો પડી રહ્યો છે.

ઘટનાસ્થળે સ્થાનિક પોલીસ પણ પહોંચી છે અને પરિસ્થિતિને નિયંત્રણમાં લેવા તેમજ ભીડને દૂર રાખવા માટે કામ કરી રહી છે. સાવચેતીના ભાગરૂપે એમ્બ્યુલન્સો પણ તૈયાર રાખવામાં આવી છે. સારી વાત એ છે કે, અત્યાર સુધી કોઈ જાનહાનિના સમાચાર પ્રાપ્ત થયા નથી.

દિવાળી વેકેશનનો માહોલ હોવાથી અને રાત્રિના લગભગ 9 વાગ્યાના અરસામાં આ ઘટના બની હોવાથી કંપનીમાં કોઈ લોકો હાજર નહોતા, જેના કારણે કોઈના ફસાયા હોવાના કે ઈજા પહોંચ્યાના મેસેજ નથી.

સચિન જીઆઇડીસી વિસ્તારમાં મોટા પ્રમાણમાં રાસાયણિક અને કાપડ ઉદ્યોગની કંપનીઓ આવેલી છે. આ પ્રકારના ઔદ્યોગિક એકમોમાં આગ લાગતી હોય ત્યારે તે ઝડપથી પ્રસરીને વિકરાળ સ્વરૂપ ધારણ કરતી હોય છે. ભૂતકાળમાં પણ આ વિસ્તારમાં આગ લાગવાના અનેક બનાવો બન્યા છે. આવા મોટા ઔદ્યોગિક એકમોમાં ફાયર સેફ્ટીની પૂરતી વ્યવસ્થા અંગે પણ સવાલો ઊભા થતા રહે છે. ફાયર બ્રિગેડની ટીમો આગને કાબૂમાં લેવા સતત પ્રયાસરત છે. આગ પર કાબૂ મેળવ્યા બાદ જ નુકસાનનો અંદાજ અને આગ લાગવાનું ચોક્કસ કારણ જાણી શકાશે. હાલ, ફાયર વિભાગની કામગીરી પર સૌની નજર છે અને આગ વધુ ન ફેલાય તે માટેના સઘન પ્રયાસો ચાલી રહ્યા છે.

સાબર ડેરીના વહીવટ સામે ગંભીર સવાલો! કાચા માલની ખરીદીમાં ગેરરીતિ!

Published On - 12:43 am, Thu, 19 November 26

Follow Us
Loading...
Unable to load recommendations.