સુરતના(Surat) લિંબાયત વિસ્તારમાં (Limbayat Area) રહેતી 23 વર્ષીય પરિણીતાને ગત 11 મી એપ્રિલે અજાણ્યા નંબર ઉપરથી કોલ આવ્યો હતો અને કોલ કરનારે સીધું જ પરિણીતાને જાનુ કહી સંબોધતાં તે ઉશ્કેરાઇ હતી. ઉપરાંત આ યુવક આ પરિણીતાનું નામ પણ જાણતો હોવાની માહિતી મળતા તે પણ ચોંકી ગઈ હતી. ઉપરાંત આ નરાધમે પરિણીતા હોવાનો ઉલ્લેખ કરી સીધી જ શરીરસુખની માંગણી કરી હતી .
તમને જણાવી દઈએ કે, આ યુવકે પરિણીતાને પતિ બહાર જાય ત્યારે ગુપચુપ ઘરે બોલાવવાનું કહી અશ્લીલ વાતો કરતા પરિણીતાએ આ નંબરને બ્લોક કરી દીધો હતો .જોકે વિકૃત યુવકે બીજા નંબરથી કોલ કરી હેરાનગતિ ચાલુ રાખી હતી. એટલુ જ નહીં પરિણીતાને સ્ત્રી – પુરુષોના અશ્લીલ ફોટો મોકલી સંબંધ નહિ રાખે તો પતિને તથા પરિવારને મારી નાંખવાની ધમકી આપતો હતો આખરે કંટાળીને પરિણીતાએ ફરિયાદ આપતા લિંબાયત પોલીસ સ્ટેશનમાં (Sutat Police) ફરિયાદ નોંધાવી હતી. પોલીસે આ યુવક સામે આઇ.ટી.એક્ટ તથા છેડતીનો ગુનો નોંધી તપાસ શરૂ કરી હતી.
જેમાં PSI મસાણી અને તેમની ટીમે ટેક્નિકલ સર્વેલન્સના આધારે આરોપી તન્વીર આલમ સમીરૂદ્દીન શેખની ધરપકડ કરી હતી. પુછપરછમાં આરોપીએ જણાવ્યું હતુ કે, ફંડ ઉઘરાવવા જતી વેળા પરિણીતાને જોઈ તે એકતરફી પ્રેમમાં પડી ગયો હતો. તેના ઘર પાસે આંટાફેરા મારી યેનકેન પ્રકારે તેણે તેનો મોબાઈલ નંબર મેળવ્યો હતો.
એટલુ જ નહીં આરોપીએ ગૂગલ પરથી અન્યનો વોટ્સએપ ઉપયોગ કઈ રીતે કરી શકાય તેની પણ માહિતી મેળવી હતી.તમને જણાવી દઈએ કે, આરોપી તન્વીર લિંબાયતની મદ્રેસાનાં બાળકો માટે ફંડ ઉઘરાવવાનું કામ કરે છે. તન્વીરને રિક્ષામાંથી એક મોબાઇલ મળ્યો હતો . જેણે મોબાઇલમાં પરિચિતના ઘરે જઇ તેના વોટ્સએપનો ઓટીપી મેળવી લીધો હતો . જે વોટ્સએપ નંબર પરથી પરિણીતાને રંજાડતો હતો અને અન્ય નંબર પરથી ધાકધમકી આપતો હતો.ગૂગલ પરથી તેને અન્યના વોટ્સએપ નંબરનો કેવી રીતે ઉપયોગ કરવો તે અંગેની ટેકનિક જાણી હતી. હાલ લીંબાયત પોલીસે આરોપીને ઝડપી પાડીને વધુ કાર્યવાહી શરૂ કરી છે.