Surat Crime : રાંદેર વિસ્તારમાં 13 વર્ષ પહેલા લૂંટ કરવાના ઈરાદે વોચમેનની હત્યા કરનાર આરોપીઓ ઝડપાયા

સુરતમાં પીસીબી પોલીસની ટીમે બાતમીના આધારે મધ્ય પ્રદેશના (Madhya Pradesh) જાંબુઆથી આરોપી કેશરીયા મંગલીયા બારિયા, બાબુભાઈ વેસ્તા બારિયા તથા રમુભાઇ વેસ્તા બારિયાને ગામમાં આવતા જ ધરપકડ કરી હતી. પોલીસ તપાસમાં સામે આવ્યું હતું કે પકડાયેલા આરોપી કેશરીયાએ તેમના ગામના બીજા લોકોની સાથે મળી પોતાની કેશરીયા ગેંગ બનાવી ગેંગના માણસો અલગ અલગ શહેરોમાં મજુરી કામે જઈ ત્યાં નવા બાંધકામ વાળી સોસાયટીઓની રેકી કરી એકલ દોકલ મકાનમાં રહેતા લોકોને ટાર્ગેટ કરી ધાડ પાડી લૂંટ ચલાવતા હતા.

ટાઉનશીપની રેકી કરી ધાડનો હતો પ્લાન

વર્ષ 2010માં તેમની ગેંગના સભ્યો કાજુ માંગલીયા બારિયા, બીજીયા શાકરીયા બારીયા તથા રેવાભાઈ તેજાભાઈ બારીયા સુરત ખાતે રહેતા હતા અને તેઓએ રાંદેર મોરાભાગળ સુભાષ ગાર્ડન પાસે નવી બંધાતી સોસાયટી વૈષ્ણવદેવી ટાઉનશીપની રેકી કરી તેમાં ધાડ પાડવાનો પ્લાન ઘડ્યો હતો.

વોચમેન ઉપર કર્યો હતો જીવલેણ હુમલો

રાત્રીના સમયે ગેંગના 6 સભ્યો ચડ્ડી બનીયાન પહેરી જીવલેણ હથીયાર સાથે સોસાયટીમાં લૂંટ કરવા જતા ગેટ ઉપર હાજર ગનમેન તેમને જોઈ જતા તેણે પડકારતા ગેંગના લોકોએ તે વોચમેન ઉપર જીવલેણ હુમલો કરી તેને મોતને ઘાટ ઉતારી દીધો હતો અને બાદમાં બંદુક તથા મોબાઈલ ફોન લૂંટી ત્યાંથી નાસી ગયા હતા.

જે ગુનામાં તેની ગેંગના સુરત ખાતે રહેતા ત્રણેય સભ્યો પકડાઈ ગયા હતા આ ઉપરાંત આરોપીઓને શોધવા પોલીસ તેમના ગામમાં જાય ત્યારે તેઓ ત્યાંથી નાસી જઈ ગુજરાતના અલગ અલગ શહેરોમાં રહી મજુરી કામ કરવા લાગ્યા હતા તેમજ પોલીસ તેમના સુધી પહોચી ન શકે તે માટે તેઓ કોઈ એક જગ્યાએ વધુ સમય રહેતા ન હતા.

આ પણ વાંચો  : Breaking News : સુરત મહાનગરપાલિકાના વોર્ડ નંબર-20ની પેટાચૂંટણીમાં સીઆર પાટીલે કર્યુ મતદાન, જુઓ Video

તેમજ તેમના ગામના મંદિરમાં પ્રાણ પ્રતિષ્ઠાનો કાર્યક્રમ હતો જેથી તે કાર્યક્રમમાં હાજરી આપવા ગામમાં પ્રવેશે તે પહેલા જ સુરત પીસીબી પોલીસે સ્થાનિક પોલીસની મદદથી આરોપીઓને ઝડપી પાડ્યા હતા.

સુરત સહિતગુજરાતના તમામ જિલ્લાના સમાચાર વાંચવા માટે અહીં ક્લિક કરો