સિંગર કિંજલ રબારીએ પ્રેમથી કરેલી અપીલને ધ્યાને ન લેતા કિંજલ રબારી તેના તેવર બદલ્યા છે અને વીડિયો વાયરલ કરી કહેવાતા સમાજના આગેવાનો સામે સવાલ ઉઠાવ્યા છે. કિંજલ રબારીએ કહ્યુ કે સમાજની દીકરીઓ સામે જ મતભેદ કેમ કરવામાં આવે છે? સમાજનું બંધારણ, નિયમો બધુ જ માત્ર દીકરીઓ પર જ કેમ થોપવામાં આવે છે. નિયમ તો દીકરી-દીકરા બંને માટે એકસમાન હોવા જોઈએ.
બીજી તરફ ધમકી આપનારા બની બેસેલા સમાજના ઠેકેદારો સામે કિંજલે કાયદાકીય લડત લડવાની કિંજલે જાહેરાત કરી છે. વિધાનસભા અધ્યક્ષ શંકર ચૌધરી અને ગૃહરાજ્યમંત્રી હર્ષ સંઘવી પાસે પણ કિંજલે મદદની માગ કરી છે.
ઉલ્લેખનિય છે કે સિંગર કિંજલ રબારી રાધનપુર તાલુકાના સીનાડ ગામની રહેવાસી છે અને જાણીતી ગાયિકા છે. ત્યારે સિંગર કિંજલ રબારીએ અન્ય સમાજના યુવક સાથે પ્રેમ લગ્ન કરતા પરિવાર અને સમાજ દ્વારા તેનો વિરોધ કરાઈ રહ્યો છે. ત્યારે કિંજલ રબારીને શોધવા માટે સોશિયલ મીડિયામાં પોસ્ટ પણ વાયરલ કરાઈ છે. ત્યારે કિંજલ રબારીએ પણ તેમના પ્રેમ લગ્ન મામલે સોશિયલ મીડિયાના માધ્યમથી ખુલાસો કર્યો છે.
