AAPમાં ટિકિટનો કકળાટ ! નાંદોદ બેઠક પરથી પાર્ટીએ ઉમેદવાર જાહેર કરતા કાર્યકરો રોષે ભરાયા,જુઓ VIDEO
રાજપીપળામાં આમ આદમી પાર્ટીના કાર્યાલય ખાતે આમ આદમી પાર્ટીના (Aam Admi Party) કાર્યકરોએ જ તેમના ઉમેદવારનો હાયકારો બોલાવ્યો.
આમ આદમી પાર્ટીએ મોટાઉપાડે વિધાનસભા ચૂંટણીના (Gujarat Election 2022) ઉમેદવારોની જાહેરાત તો કરી દીધી, પણ હવે શરૂ થઈ છે ટિકિટની ટકટક.. નાંદોદ (nandod) વિધાનસભા બેઠક પરથી ઉમેદવાર પ્રફુલ વસાવાનો વિરોધ થયો છે.રાજપીપળામાં આમ આદમી પાર્ટીના કાર્યાલય ખાતે આમ આદમી પાર્ટીના (Aam Admi Party) કાર્યકરોએ જ તેમના ઉમેદવારનો હાયકારો બોલાવ્યો. કાર્યકરોનો આક્ષેપ છે કે તેમને વિશ્વાસમાં લીધા વિના ઉમેદવાર જાહેર કરી દેવાયા છે.કાર્યકરોએ આમ આદમી પાર્ટીના પ્રદેશ પ્રમુખ ગોપાલ ઈટાલિયા (Gopal italia) અને ભાજપના (BJP) ઉમેદવાર વિરૂદ્ધ સૂત્રોચ્ચાર કરીને રોષ દર્શાવ્યો.
દિલ્હી બાદ AAP પાર્ટીનો ગુજરાતમાં મોટો વિવાદ
દિલ્હીનો લિકર વિવાદ (Delhi Controversy) શાંત નથી થયો ત્યાં ગુજરાતમાં આમ આદમી પાર્ટીના (AAP) ઉમેદવારનો મોટો વિવાદ સામે આવ્યો. બે દિવસ પહેલા ઉમેદવારોની ત્રીજી યાદી જાહેર થયાના એક દિવસ બાદ જ આમ આદમી પાર્ટી વિવાદોમાં સંપડાઈ.વેજલપુરના જાહેર કરાયેલ આમ આદમી પાર્ટીના ઉમેદવાર કલ્પેશ પટેલ (Kalpesh patel) ઉર્ફ ભોલા ભાઈને લઇ વિવાદ સર્જાય. કલ્પેશ પટેલના દારૂ પાર્ટી અને હુક્કા પાર્ટી કરતા વીડિયો અને ફોટો હાલ સોશિયલ મીડિયા પર વાયરલ થયા,જેને કારણે રાજકીય બેડામાં ખળભળાટ મચી ગયો હતો.
ગુજરાત વિધાનસભા ચૂંટણીને (gujarat election) હવે ગણતરીના મહિનાઓ બાકી છે,ત્યારે રાજકીય માહોલ પણ ગરમાયો છે.AAP ના ઉમેદવારના વ્યભિચારી ફોટો સામે આવતા અનેક સવાલો ઉભા થઈ રહ્યા છે.ચૂંટણી પહેલા સ્વચ્છ છબીની છાપ ધરાવતી આમ આદમી પાર્ટીના ઉમેદવારની પાર્ટીને કારણે વિવાદોમાં ગરકાવ થઈ છે.