Kutch : વગદારને છાવર્યા, લોકગાયિકા Geeta Rabari ના ઘરે જઈને રસી આપનાર મહિલા કર્મચારીની કરાઈ બદલી

લોકગાયિકા ગીતા રબારીને ( Geeta Rabari ) ઘરે જઈને કોરોનાની રસી આપવાના વિવાદમાં, મહિલા કર્મચારીની બદલી કરી દેવાઈ છે. ગુજરાતમાં ચાલતા રસીકરણના કાર્યક્રમમાં લોકોએ  સરકારી તંત્રે નક્કી કરેલા રસી કેન્દ્ર ઉપર જઈને રસી લેવાની હોય છે. પરંતુ લોકગાઈકા ગીતા રબારીએ પોતાના ઘરે રસી લીધી હતી. કોરોનાની રસી લીધાનો ફોટા ગીતા રબારીએ સોશિયલ મીડિયામાં શેર કર્યો હતો. જેને લઈને ભારે વિવાદ થતા. આખરે જિલ્લા વિકાસ અધિકારીએ, કારણદર્શક નોટીસ પાઠવીને સમગ્ર મામલે તપાસના આદેશ કર્યા હતા.

ઘરે રસી લેવાના વિવાદમાં, કચ્છ જિલ્લાના મહિલા આરોગ્ય અધિકારી ચંદ્રીકાબહેન વાઘેલાની માધાપરથી દેશલપર વાંઢય ખાતે બદલી કરી દઈને સમગ્ર પ્રકરણ ઉપર હાલ તો પરદો પાડવાનો જિલ્લા વહીવટીતંત્ર દ્વારા પ્રયાસ કરવામા આવ્યો છે. જો કે હજુ આ પ્રકરણમાં જિલ્લા વહીવટીતંત્ર, મહિલા આરોગ્ય કર્મચારીની બદલીથી જ સંતોષ માને છે કે, વધુ કોઈ પગલા ભરે છે તે જોવુ રહેશે.

દેશ વિદેશમાં પ્રસિદ્ધ અને લોક ગાયિકા (folk singer) ને ઘરે જઈ રસી આપતા વિવાદ સર્જાયો હતો. જેને લઈ કચ્છના જિલ્લા વિકાસ અધિકારી ( DDO ) એ આરોગ્ય વિભાગના કર્મચારીને કારણ દર્શાવો નોટિસ પણ ફટકારી હતી. નોટીસમાં આરોગ્ય કર્મચારીએ, લોક ગાયિકા ગીતા રબારીના ઘરે જઈને, કોરોનાની રસી કેમ આપવામાં આવી તે અંગે જરૂરી ખુલાસો માગવામાં આવ્યોહતો.

હાલ ગુજરાતમાંલોકોને કોરોના સામે રક્ષણ આપતી રસી લેવા માટે ઓનલાઈન રજિસ્ટ્રેશન માટે હેરાન પરેશાન થઈ રહ્યા છે. વેક્સિન સેન્ટર પણ ઘક્કા પણ ખાય છે. તો બીજી બાજુ લોક ગાયિકાને ઘરે જઈ રસી (Vaccine)આપવામાં આવતા વિવાદ સર્જાયો હતો. કચ્છના DDOએ આરોગ્ય કર્મચારીને ખુલાસો માગતી નોટિસ પણ ફટકારી છે.