VIDEO: અમદાવાદ-મુંબઈ રૂટ પર દોડશે તેજસ એક્સપ્રેસ ટ્રેન, જાણો આ ટ્રેનનું ટાઇમ ટેબલ

અમદાવાદ-મુંબઈ રૂટ પર દોડશે તેજસ એક્સપ્રેસ ટ્રેન અને હવે IRCTCએ આ ટ્રેનનો ટાઇમ ટેબલ પણ સત્તાવાર રીતે જાહેર કરી દીધો છે. 17 જાન્યુઆરીથી અમદાવાદ-મુંબઈ વચ્ચે ટ્રેન શરૂ થશે. આ ખાનગી ટ્રેન અઠવાડિયામાં 6 દિવસ દોડશે. ગુરુવારે આ ટ્રેન નહીં દોડે. મુંબઈ અને અમદાવાદની વચ્ચે આ ટ્રેન 6 સ્ટેશનો પર રોકાશે.

આ પણ વાંચો: અમદાવાદની APMC માં ટામેટાના મહત્તમ ભાવ રહ્યા રૂ.200, જાણો જુદા-જુદા પાકોના ભાવ

તેજસ ટ્રેન સવારે 6.40 વાગ્યે અમદાવાદ રેલવે સ્ટેશનથી રવાના થશે જે 2 મિનિટ માટે નડીયાદ સ્ટેશન પર રોકાઈને 7.21 વાગ્યે ઉપડશે. ત્યારબાદ વડોદરા રેલવે સ્ટેશન પર 5 મિનિટનો વિરામ લઈને 8.08 વાગ્યે વડોદરાથી ઉપડશે. આ ઉપરાંત ભરૂચમાં પણ તેજસ ટ્રેન 2 મિનિટ ઉભી રહેશે.

જ્યાંથી 8.58 વાગ્યે રવાના થશે. ત્યારબાદ સુરતમાં 9.35 વાગ્યે પહોંચીને ત્રણ મિનિટ રોકાશે. ત્યારબાદ 2 મિનિટનો વિરામ લઈને 10.57 વાગ્યે વાપીથી ઉપડશે. જે સીધી બોરીવલી રોકાશે. 2 મિનિટ રોકાયા બાદ બોરીવલીથી તેજસ ટ્રેન 12.33એ ઉપડશે. જે બપોરે 1.10 વાગ્યે મુંબઈ સેન્ટ્રલ પહોંચશે. આ ટ્રેન બપોરે 3.40 કલાકે ફરી સેન્ટ્રલથી ઉપડીને રાત્રે 9.55 વાગ્યે અમદાવાદ પહોંચશે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો