પેટાચૂંટણીની 8 બેઠકો પર 81 ઉમેદવારોની કિસ્મત દાવ પર, 18.75 લાખ મતદારો કરશે મતદાન

ગુજરાત વિધાનસભાની 8 બેઠકો પર પેટાચૂંટણીને લઇ તમામ તૈયારીઓ થઇ ચૂકી છે. આ 8 બેઠકો પર 3 નવેમ્બરે કુલ 18.75 લાખ મતદારો મતદાન કરશે. પેટાચૂંટણીની 8 બેઠકો પર 81 ઉમેદવારોની કિસ્મત દાવ પર લાગેલી છે. તમામ 8 બેઠક પરના 1807 મતદાન મથકો પર કુલ 3024 મતદાન કેન્દ્રો ઉભા કરવામાં આવ્યા છે. કોવિડ-19ની પરિસ્થિતીને ધ્યાને રાખીને કોરોનાની ગાઇડલાઇન્સ અનુરુપ પોલીસના ચુસ્ત બંદોબસ્ત વચ્ચે 3 નવેમ્બરે સવારે 7:00 થી સાંજના 6:00 વાગ્યા સુધી મતદાન પ્રકિયા ચાલશે.