24 નવેમ્બરના મહત્વના સમાચાર : ગુજરાતમાં વધુ એક પરીક્ષાનું ફુટ્યુ પેપર, અમદાવાદ મ્યુ. કો.ની જુનિયર ક્લાર્કની પરીક્ષામાં ગેરરીતિ થઈ હોવાના વિદ્યાર્થી નેતા યુવરાજસિંહ જાડેજાએ લગાવ્યા આરોપ

2 દિવસ પહેલા જ TV9એ ભાવનગરમાં  e-KYCની કામગીરીને કારણે અરજદારોની થતી હાલાકીને લઈને અહેવાલ રજૂ કર્યો હતો અને લાઈનમાં ઉભેલા અરજદારોની વ્યથા તંત્ર સુધી પહોંચાડી હતી. અહેવાલનો પડઘો પડ્યો છે અને આજે રવિવારની જાહેર રજા હોવા છતાં e-KYCની કામગીરી હાથ ધરવામાં આવી છે. જેથી અરજદારોએ પણ TV9નો આભાર માન્યો છે.

અમદાવાદમાં સરકારી અધિકારીની ઓળખ આપીને લાખોની છેતરપિંડી કરનારો આરોપી ફરિયાદને આધારે ઝડપાયો. મોરબીના વાંકાનેરમાં રહેતા મેહુલ શાહે પોતે મહેસૂલ વિભાગમાં ઊંચા હોદ્દા પર હોવાની ઓળખ આપી ઠગાઈ કરી. આરોપીએ શાળામાં ક્લાર્કની નોકરી અપાવવાના નામે 3 લાખ રૂપિયા પડાવ્યા. છેતરપિંડી કરવા જિલ્લા શિક્ષણાધિકારીની સહી કરેલો બોગસ લેટર આપ્યો. આરોપી વાંકાનેરમાં 2 શાળાઓ ચલાવતો હોવાનું પણ સામે આવ્યું. સ્કૂલમાં કલર કામ કરાવી મજૂરીના 2.40 લાખ ન આપ્યા હોવાની આરોપી સામે ફરિયાદ છે.

વડોદરામાં ભાજપના પૂર્વ કાઉન્સિલરના પુત્રની હત્યા કેસમાં વડોદરા શહેર પોલીસ કમિશનરની કાર્યવાહી. 10 પોલીસકર્મીને સસ્પેન્ડ કરવામાં આવ્યા છે. કારેલીબાગ પોલીસ સ્ટેશનના PI, PSI સહિત 10 પોલીસકર્મીને વડોદરા શહેર પોલીસ કમિશનરે સસ્પેન્ડ કર્યા છે.

હોસ્પિટલનું નામ ખ્યાતિ પરંતુ રાજ્યભરમાં હવે આ હોસ્પિટલ કુખ્યાત બની ગઈ છે. ખ્યાતિ હોસ્પિટલ કાંડમાં અનેક ખુલાસા થઈ રહ્યા છે.. અને એવામાં હવે વધુ એક મોતથી ખળભળાટ મચી ગયો છે. કેમ્પમાં લોકોને ડર બતાવીને ઓપરેશન કરી નાખ્યા. સ્ટેન્ડ મુકી દીધા અને હવે એ તમામ દર્દીઓના જીવ ખતરામાં છે. વધુ એક દર્દી વેન્ટિલેટર પર આવી ગયા છે અને જે દર્દીઓએ સારવાર લીધી, તેઓ પણ ત્રાહિમામ પોકારી ઉઠ્યા છે.

ખ્યાતિ હોસ્પિટલમાં એન્જિયોગ્રાફી કરાવ્યા બાદથી જ  કાંતિ પટેલ નામના વૃદ્ધની તબિયત લથડી છે. બોરીસણાના કાંતિ પટેલ હવે વેન્ટિલેટર પર જીવી રહ્યા છે. તબિયતમાં સુધારાની આશા સાથે ખ્યાતિ હોસ્પિટલમાં ઘરના મોભીને લઈ જનારા, હવે વૃદ્ધની સ્થિતિ જોઈને ભારોભાર પશ્ચાઈ રહ્યા છે.

સુરતના સૈદપુરા વિસ્તારમાં પોલીસે દરોડા પાડીને કલખાને મોકલતા પશુઓને બચાવી લીધા છે. ડીસીપી ઝોન-3ની અલગ-અલગ ટીમોએ. સૈદપુરામાં તપાસ હાથ ધરી હતી. તપાસ દરમિયાન 10થી વધુ પશુઓ બાંધેલી હાલતમાં મળી આવ્યા હતા. પોલીસે 10થી વધુ પશુઓને મુક્ત કરાવીને પાંજરાપોળમાં મોકલ્યા અને કામિલ નામના શખ્સ સામે ગુનો નોંધી તપાસ હાથ ધરી છે.

• અમરેલીઃ સ્ટેટ મોનિટરિંગ સેલના દરોડા
• સાવરકુંડલાના ઝીંઝુડા ગામની સીમમાં તપાસ
• દેશી દારૂના અડ્ડા પર દરોડાની કાર્યવાહી
• દેશી દારૂ અને દારૂ બનાવાના સાધનો જપ્ત
• 5 આરોપી સામે સાવરકુંડલા પોલીસ સ્ટેશનમાં ગુનો દાખલ
• કુલ 2 લાખ 90 હજાર 955નો મુદ્દામાલ જપ્ત

• જુનિયર ક્લાર્ક પરીક્ષાનું પેપર ફૂટ્યું ના હોવાનો દાવો
• મનપાના એ પરીક્ષા યોગ્ય રીતે લેવાઈ હોવાનો કર્યો દાવો
• સરખેજના એક સેન્ટર પર શાળાની ભૂલના કારણે ક્રમાંક અલગ અલગ આવ્યા
• બાકીના તમામ સેન્ટર પર યોગ્ય રીતે લેવાઈ પરીક્ષા
• સરખેજની કુવૈસ શાળાના પરીક્ષાર્થીઓએ પરીક્ષાનો કર્યો બહિષ્કાર
• પેપર ક્રમાંક અને OMR શીટ ક્રમાંક એક ના હોવાથી કર્યો હતો હોબાળો

• AMC જુનિયર ક્લાર્ક પરીક્ષા વિવાદ બાદ બેઠકોનો દોર
• AMC સ્ટેન્ડિંગ કમિટી ચેરમેન DYMC અને ગુજરાત યુનિના અધિકારીઓની બેઠક
• બેઠકમાં જુનિયર ક્લાર્ક પરીક્ષા રદ્દ નહીં કરવા લેવાયો નિર્ણય
• કુવૈસ એક્ઝામ સેન્ટર પર થેયલા વિવાદ મામલે ગુજરાત યુનિવર્સીટીનું મોટું નિવેદન
• આજની લેવાયેલી પરીક્ષા રદ્દ નહીં થાય કે પુનઃ નહીં લેવાય
• ગુજરાત યુનિવર્સીટી પ્રોફેશનલ એક્ઝામિનેશન કમિટીના osd નું નિવેદન
• GUPEC ના નેજા હેઠળ લેવાઈ હતી પરીક્ષા
• ફક્ત ગણતરીના લોકોના વિરોધના કારણે અન્યોને અન્યાય નહીં થવા દઈએ
• એક્ઝામિનેશ કમિટી દ્વારા લેવાયો નિર્ણય – ડો ધર્મેન્દ્ર ચાવડા
• અન્ય એક સેન્ટરમાં જ્યાં omr શીટ બદલાઈ હતી ત્યાં પરીક્ષાર્થીઓએ પરીક્ષાઆપી
• ફક્ત આજ સેન્ટરમાં અમુક તત્વોની ઉશ્કેરણીના કારણે પરીક્ષાર્થીઓએ પરીક્ષા નથી આપી

• અમદાવાદ: સરકારી અધિકારીની ઓળખ આપીને લાખોની છેતરપિંડી
• મહેસૂલ વિભાગમાં ઊંચા હોદ્દા પર હોવાની ઓળખ આપી ઠગાઈ કરી
• અનેક લોકોને ઠગનાર મોરબીના વાંકાનેરના મેહુલ શાહ સામે ફરિયાદ
• ક્રાંઇમ બ્રાંચે નકલી અધિકારી મેહુલ શાહની કરી ધરપકડ
• આરોપીએ ટ્રાવેલ્સ એજન્સીના માલિક પાસેથી ભાડે ઈનોવા કાર લીધી
• ચેરમેન ઓફ ડિપાર્ટમેન્ટ સાયન્સ એન્ડ રિસર્ચ ડેવલોપમેન્ટના સહીવાળો લેટર આપ્યો
• કારમાં સાયરન અને સફેદ પડદા લગાવી ભારત સરકારનું બોર્ડ પણ લગાવ્યું
• પોતાની સાથે એક બાઉન્સર પણ નોકરીએ રાખ્યો હોવાનો ખુલાસો
• અસારવાની સ્કૂલમાં ટ્રસ્ટી હોવાનું કહીં પિકનિક માટે બસ પણ ભાડે લીધી
• સ્કૂલમાં ક્લાર્કની નોકરી આપવાના નામે પડાવ્યાં 3 લાખ રૂપિયા
• છેતરપિંડી કરવા જિલ્લા શિક્ષણાધિકારીની સહી કરેલો બોગસ લેટર આપ્યો
• સ્કૂલમાં કલર કામ કરાવી મજૂરીના 2.40 લાખ ન આપ્યા હોવાનું આવ્યું સામે

• જુનિયર ક્લાર્ક પરીક્ષાનું પેપર ફૂટ્યું ના હોવાનો દાવો
• મનપાના એ પરીક્ષા યોગ્ય રીતે લેવાઈ હોવાનો કર્યો દાવો
• સરખેજના એક સેન્ટર પર શાળાની ભૂલના કારણે ક્રમાંક અલગ અલગ આવ્યા
• બાકીના તમામ સેન્ટર પર યોગ્ય રીતે લેવાઈ પરીક્ષા
• સરખેજની કુવૈસ શાળાના પરીક્ષાર્થીઓએ પરીક્ષાનો કર્યો બહિષ્કાર
• પેપર ક્રમાંક અને OMR શીટ ક્રમાંક એક ના હોવાથી કર્યો હતો હોબાળો

દ્વારકા તાલુકામાંથી 24 કુંજ કરકરા પક્ષી મૃત અવસ્થામાં મળી આવતા જીવદયા પ્રેમી અને પક્ષી પ્રેમીઓમાં રોષ ફાટી નીકળ્યો છે. નાગેશ્વરના ભિમગજા તળાવ પાછળ શિકારીઓ દ્વારા 24 વન્ય જીવોના શિકાર કરાયા હોવાનું કહેવાઈ રહ્યું છે. ફોરેસ્ટ વિભાગની ટીમો દ્વારા પેટ્રોલિંગ દરમિયાન શિકારીઓ રિક્ષા અને પક્ષીઓના મૃતદેહો છોડી ફરાર થયા હતા. ફોરેસ્ટ વિભાગે મૃત પક્ષીઓનો કબજો લઈ અજાણ્યા ઈસમો વિરૂદ્ધ ફોરેસ્ટ વિભાગે ફરિયાદ નોંધી આગળની તપાસ હાથ ધરી છે.

પર્થ ટેસ્ટની બીજી ઇનિંગમાં વિરાટ કોહલી સદી ફટકારી છે. આ સાથે જ ભારતની કુલ લીડ પણ 533 રનને પાર કરી ગઈ છે. વિરાટ કોહલીએ, 143 બોલમાં 8 ચોગ્ગા અને 2 છગ્ગાની મદદથી 100 રન કર્યાં હતા.

AMCની જુનિયર ક્લાર્ક પરીક્ષાનું પેપર ફૂટ્યું હોવાના આક્ષેપ કરાયો છે. વિદ્યાર્થી નેતા યુવરાજસિંહ જાડેજાએ રીક્ષાનું પેપર ફૂટ્યું હોવાનો આક્ષેપ કર્યો છે. સરખેજની કુવૈસ શાળામાં સ્પર્ધાત્મક પરીક્ષાનું પેપર ફૂટ્યું હોવાના આક્ષેપ કરાયો છે. પેપર ક્રમાંક અને OMR ક્રમાંક અલગ અલગ આવતા ઉમેદવારોનો હોબાળો મચાવ્યો હતો. 12.30 પેપરનો સમય હતો અને સવા એક વાગ્યા સુધી પેપર શરૂ ના થઈ શક્યું. અન્ય કોઈ સેન્ટર પર વિવાદ સામે ના આવ્યો. પોલીસ અને મનપાએ, સમગ્ર  ઘટના અંગે તપાસ શરૂ કરી છે.

મહેસુલ વિભાગમાં ઉચ્ચ સરકારી હોદ્દા પર હોવાનું કહીને ઠગાઈ કરી હોવાનો કિસ્સો સામે આવ્યો છે. મોરબી વાંકાનેરના મેહુલ શાહ સામે પોલીસ ફરિયાદ થઈ છે. ટ્રાવેલ્સ એજન્સીના માલિકને ઠગવા માટે, આ શખ્સે, ચેરમેન ઓફ ડિપાર્ટમેન્ટ સાયન્સ એન્ડ રિસર્ચ ડેવલોપમેન્ટના સહી વાળો લેટર આપ્યો હતો. ઇનોવા ગાડીમાં સાયરન અને સફેદ પડદા લગાવી ભારત સરકારનું બોર્ડ લગાવ્યું. પોતાની સાથે એક બાઉન્સર પણ નોકરીએ રાખ્યો હતો. અસારવાની સ્કૂલમાં ટ્રસ્ટી હોવાનું કહી પિકનિક માટે ભાડે બસ લીધી હતી. સ્કૂલમાં ક્લાર્કની નોકરી આપવાના નામે 3 લાખ લીધા હતા. જિલ્લા શિક્ષણાધિકારીની સહી કરેલો બોગસ લેટર આપ્યો હતો. સ્કૂલમાં કરાવેલા કલર કામની મજૂરીના રૂપિયા 2.40 લાખ આપ્યા નહોંતા. અનેક લોકોને ઠગનાર મોરબી વાંકાનેરના મેહુલ પી.શાહ સામે ફરિયાદ થતા, ક્રાઈમ બ્રાંચ મેદાને આવીને આ નકલી ઉચ્ચ સરકારી અધિકારીને અસલી જેલની હવા ખવડાવવા તજવીજ હાથ ધરી છે.

અમરેલીના રાજુલાના ચારોડિયા નજીક મજૂર પરિવાર પર ઝેરી મધમાખીનો હુમલો, 4ને હોસ્પિટલ ખસેડાયા છે. મજૂરી કામ કરવા જતાં પરિવાર પર ઝેરી મધમાખીઓએ હુમલો કર્યો હતો. 4 લોકોને મધમાખીના ડંખની અસર થવા પામી છે. રાજુલા તેમજ નાગેશ્રીની 108 મારફત તમામને રાજુલા સરકારી હોસ્પિટલ ખાતે ખસેડવામાં આવ્યા હતા. જેમાંથી બે નાનો બાળકોને વધારે અસર થઈ હોવાથી વધુ સારવાર માટે અન્ય હોસ્પિટલમાં રિફર કરવામાં આવ્યા છે.

નવસારીના છાપરા રોડ વિસ્તારમાં આવેલ કેરની લે વેચ કરતી દુકાનમાં આગ લાગી હતી. છાપરા રોડના 60 પ્રીતમ ગાડી લે વેચની દુકાનમાં આગ લાગતા, દુકાનમાં મૂકેલી ગાડીઓ બળીને ખાક થઈ ગઈ હતી. નવસારી ફાયરના જવાનોએ આગ પર કાબૂ મેળવ્યો હતો.

યુપીના સંભલ ડીએમ રાજેન્દ્ર પેંસિયાએ કહ્યું કે, શાહી મસ્જિદનો સર્વે પૂર્ણ થઈ ગયો છે. સર્વે ટીમને સલામત રીતે બહાર કાઢવામાં આવી છે. પરિસ્થિતિને નિયંત્રણમાં લાવવામાં આવી રહી છે. તોફાની તત્વો સામે કડક કાર્યવાહી કરવામાં આવશે. કોઈને પણ છોડવામાં નહીં આવે.”

લીંબડી-અમદાવાદ હાઇવે પર બંધ ટ્રક પાછળ કાર ઘૂસી જતા 5 વ્યક્તિ ઈજાગ્રસ્ત થઈ છે. રળોલ ગામના પાટિયા પાસે બંધ ટ્રક પાછળ કાર ઘૂસી જતાં અકસ્માત સર્જાયો હતો. અકસ્માતમાં એક મહિલા સહિત 5 વ્યકિતને ઇજાગ્રસ્ત હાલતમાં સારવાર અર્થે હોસ્પિટલ ખસેડાયા હતા. બે વ્યક્તિઓને વધું ગંભીર હાલતમા સુરેન્દ્રનગર રીફર કરાયાં છે. અમદાવાદનો પરીવાર દ્વારકા દર્શનને જતાં હતાં ત્યારે અકસ્માત સર્જાયો હતો.

ખ્યાતિ હોસ્પિટલનો વધુ એક કેમ્પ કાંડ સામે આવ્યો છે. મહેસાણાના જોરણંગ ગામમાં પણ કર્યો હતો કેમ્પ. ઓપરેશન કર્યા બાદ 3 મહિનામાં એક વ્યક્તિનું મોત થયુ હતુ. આરોગ્યતંત્રે સમગ્ર મામલે તપાસ શરૂ કરી દીધી છે. કેમ્પ કરી 15 થી વધુ વ્યક્તિઓને અમદાવાદ લઈ જવાયા હતા. પૂર્વ સરપંચ દ્વારા આ સમગ્ર મામલે આક્ષેપો કર્યા છે. કેમ્પ બાદ 7 વ્યક્તિઓને સ્ટેન્ટ મુકાયાની પ્રાથમિક માહિતી સામે આવી છે. જેમાં ત્રણ માસ બાદ એક દર્દીનું મોત થયું હતું. જ્યારે 6 દર્દીઓને હાલમાં પણ તકલીફ હોવાનો આક્ષેપ કરાયો છે. સમગ્ર મામલે તપાસ થવી જોઈએ તેવી સ્થાનિકોની માંગ છે. ખ્યાતિ હોસ્પિટલે 18 ડિસેમ્બર 2022ના રોજ  કેમ્પ કર્યો હતો.

નારોલમાં આવેલ મહાલક્ષ્મી ફેબ્રિક કોટન મેન્યુફેક્ચરિંગ યુનિટમાં ભીષણ આગ લાગી છે. નારોલ બ્રિજ પાસે આવેલ ગોડાઉનના ભીષણ આગનો કોલ હતો. જેના કારણે સલાલી,જમાલપુર,મણીનગર ફાયર સ્ટેશનની આઠ વાહનોનો કાફલો ઘટના સ્થળે પહોચી ગયો હતો. હાલમાં આગ પર કાબુ મેળવવા માટે ફાયર બ્રિગેડની કાર્યવાહી ચાલુ છે.

વહેલી સવારે ધંધુકા ફેદરા રોડ પર દ્વારકાધીશ હોટલ પાસે કાર પલટી ગઈ હતી. મધ્ય પ્રદેશથી શ્રમિકો ભરી જુનાગઢ જતા કારનાં ડ્રાઈવરે સ્ટેરીંગ પર કાબૂ ગુમાવતા સર્જાયો અકસ્માત. કારમાં સવાર 12 જેટલા શ્રમિકો ઇજાગ્રસ્ત થયા છે. જેમાં એક બાળક સહિત ત્રણ જેટલી વ્યક્તિઓ ગંભીર રીતે ઇજાગ્રસ્ત થયા છે. તમામ ઈજાગ્રસ્તોને ધંધુકા રેફરલ હોસ્પિટલમાં સારવાર માટે ખસેડાયા છે.

યશસ્વી જયસ્વાલ અને કેએલ રાહુલે ઓસ્ટ્રેલિયામાં ઓપનિંગમાં સૌથી વધુ રનની ભાગીદારીનો રેકોર્ડ તોડ્યો છે. બંનેએ 201 રનની ભાગીદારી કરી હતી, જે રાહુલની વિકેટ પડવાની સાથે તૂટી ગઈ હતી. સ્ટાર્કે કેએલ રાહુલની વિકેટ ઝડપી હતી. ઓસ્ટ્રેલિયામાં ભારત તરફથી સૌથી વધુ ઓપનિંગ ભાગીદારી 191 રનની હતી. જે 1986માં રમાયેલી સિડની ટેસ્ટમાં ગાવસ્કર-શ્રીકાંતે બનાવી હતી. આ ઓપનિંગ રનની ભાગીદીરીને આજે યશસ્વી- રાહુલે તોડી નાખી હતી.

અંબાજી મંદિરમાં એક કરોડ એકવીસ લાખની કિંમતના સોનાની ભેટ મળી છે. મુંબઈના બે અલગ અલગ માઈભક્ત દ્વારા માતાજીના ચરણોમાં સોનાની ભેટ ધરી છે. બે ભકતોએ 1.520 ગ્રામ સોનું અર્પણ કર્યું છે. જે પૈકી 1 કિલો સોનાની લગડી માતાજીના ચરણોમાં મૂકાઈ છે, જેની  અંદાજે કિંમત 80 લાખ છે. તો મુંબઈના બીજા એક ભક્ત દ્વારા 520 ગ્રામ સોનાની લગડી અર્પણ કરાઈ છે. જેની અંદાજે કિંમત રૂ. 41,34,000 છે. મુંબઈના બે અલગ અલગ માઈભક્તો દ્વારા ભૈરવ જયંતિના દિવસે અંબાજી મંદિરમાં સોનાની ભેટ ચડાવાઈ છે.

અમદાવાદના હાઈકોર્ટ ઓવરબ્રિજ પર હીટ એન્ડ રનની ઘટના બની હતી. મહિલા સાયક્લિસ્ટને SUV કાર ચાલકે ટક્કર મારી હતી. ટક્કર મારીને કારચાલક ફરાર થયો છે. એસજી હાઈવે 1 ટ્રાફિક પોલીસે ગુનો નોંધી ફરાર કાર ચાલકને પકડવાની તજવીજ હાથ ધરી છે.

ગાંધીનગર કલોલ કોર્ટ રોડ ઉપર હિટ એન્ડ રનની ઘટના બની છે. જેમા 1નુ મોત થયુ છે તો 3 ઈજાગ્રસ્ત થયા છે. હિટ એન્ડ રનની ઘટનાને લઈને સ્થાનિકોમાં ભારે રોષની લાગણી છે.