1 માર્ચના મહત્વના સમાચારઃ અનંત અંબાણીના પ્રીવેડિંગ ફંકશનમાં પહોંચી દુનિયાભરની હસ્તીઓ, શરૂ થઈ ઉજવણી

બેંગ્લોરમાં વિસ્ફોટ બાદ હવે તપાસ એજન્સીઓ પણ એક્શનમાં આવી ગઈ છે. નેશનલ ઈન્વેસ્ટિગેશન એજન્સી (NIA)ની એક ટીમ ઘટનાસ્થળે પહોંચીને તપાસ શરૂ કરી છે. ફોરેન્સિક ટીમના સભ્યો પણ પુરાવા એકત્રિત કરવાનો પ્રયાસ કરી રહ્યા છે. બોમ્બ બ્લાસ્ટની ઘટના બાદ કર્ણાટક સરકાર પણ ચોંકી ઉઠી હતી.

રાહુલ ગાંધીની ભારત જોડો ન્યાય યાત્રા શનિવારે મધ્યપ્રદેશમાં પ્રવેશ કરશે. મોરેનાથી બપોરે 1.30 કલાકે યાત્રા શરૂ થશે. 5 દિવસના વિરામ બાદ યાત્રા ફરી શરૂ થશે. રાહુલ ગાંધી પોતાની યાત્રા દ્વારા સમાજના દરેક વર્ગ સુધી પહોંચવાનો પ્રયાસ કરી રહ્યા છે. આ યાત્રા 2 માર્ચથી 6 માર્ચ સુધી એમપીના ગ્વાલિયર-ચંબલ અને માલવા વિભાગને આવરી લેશે.

પશ્ચિમ બંગાળની બે દિવસીય મુલાકાતે પહોંચેલા પીએમ નરેન્દ્ર મોદીએ પશ્ચિમ બંગાળની સીએમ મમતા બેનર્જી સાથે મુલાકાત કરી છે. લોકસભા ચૂંટણી પહેલા પીએમ સાથે સીએમ મમતાની બેઠક ઘણી મહત્વપૂર્ણ ગણાઈ રહી છે. જો કે મમતાએ મુલાકાતને માત્ર શુભેચ્છા મુલાકાત ગણાવતા કહ્યુ કે તેમની વચ્ચે રાજનીતિની વાતો બહુ ઓછી થઈ અને ઇત્તર વાતો વધુ થઈ હતી.

જુનાગઢમાં ભવનાથ તળેટીમાં વેપારીઓએ મહાશિવરાત્રીના મેળા સમયે જ પ્લાસ્ટિક પર પ્રતિબંધ મુકાઈ જતા બંધ પાળ્યો છે. વેપારીઓએ પ્લાસ્ટિક પર પ્રતિબંધના નિર્ણયના વિરોધમાં અચોક્કસ મુદ્દત સુધી બંધ રાખવાનુ એલાન કર્યુ છે.

અમદાવાદમાં નક્લી પોલીસ બની તોડ કરતા ત્રણ શખ્સોની પોલીસે ધરપકડ કરી છે. આ તોડબાજોએ શહેરના નરોડા, ઓઢવ સહિતના વિસ્તારોમાં પોલીસના સ્વાંગમાં તોડ કરતા હતા. ગેસ્ટ હાઉસની બહાર ઉભા રહીને ત્યાં આવતા પ્રેમી યુગલોને ટાર્ગેટ કરતા અને પોલીસ હોવાની ઓળખ આપી બદનામ કરવાની ધમકી આપી મોટી રકમનો તોડ કરતા હતા.

ગુજરાતના રાજકારણના સૌથી મોટા સમાચાર સામે આવ્યા છે. છોટુ વસાવાના પુત્ર, બીટીપીના રાષ્ટ્રીય અધ્યક્ષ અને ડેડિયાપાડાના પૂર્વ ધારાસભ્ય મહેશ વસાવાએ ભાજપ પ્રદેશ પ્રમુખ સી.આર. પાટીલ સાથે મુલાકાત કરી છે અને આધારભૂત સૂત્રો દ્વારા મળતી જાણકારી અનુસાર મહેશ વસાવા ભાજપમાં જોડાય તેવા સંકેત પણ જોવા મળી રહ્યા છે. ત્યારે ઈન્ડિયા ગઠબંધનને ભરૂચથી ચૈતર વસાવાને લોકસભા ચૂંટણી લડાવવાની જાહેરાત કરી છે ત્યારે શું ભાજપ ચૈતર વસાવાને તોડ તરીકે મહેશ વસાવાને જોઈ રહી છે તે પણ રાજકીય વર્તુળોમાં ચર્ચાઈ રહ્યુ છે.

બેંગ્લોરના રાજાજીનગરમાં રામેશ્વરમ કેફેમાં પ્રંચડ વિસ્ફોટ થયો હતો, જેમાં નવ લોકો ઈજાગ્રસ્ત થયા છે. કર્ણાટકના મુખ્યમંત્રી સિદ્ધારમૈયાએ કહ્યું છે કે બેંગલુરુના રામેશ્વરમ કેફેમાં IED બ્લાસ્ટ થયો હતો

ઉત્તર ગુજરાતમાં લોકસભાની ચૂંટણીને લઈ ભાજપ દ્વારા સેન્સ પ્રક્રિયા બાદ ચર્ચાઓ તેજ બની ગઈ છે. ભાજપમાં કોને ટિકિટ મળશે અને કોણ કપાશે તેને લઈ ચર્ચાઓ તેજ બની છે. આ દરમિયાન સુત્રો મારફતે સામે આવી રહેલી માહિતી મુજબ ઉત્તર ગુજરાતમાં ચારેય લોકસભાની બેઠકોમાંથી એક પણ વર્તમાન સાંસદ રિપીટ થાય એવી શક્યતાઓ નથી.

અમદાવાદ શહેરમાં ત્રણ વર્ષ પહેલા હત્યા કરનારા આરોપીને પોલીસે ઝડપી પાડ્યો છે. હત્યાના ગુનામાં ત્રણ વર્ષથી ફરાર આરોપીને પોલીસે શોધવા માટે જાણે કે આકાશ પાતાળ એક કરવા રુપ મહેનત કરી હતી. એ મહેનતને અંતે આખરે પોલીસની ટીમ આરોપી હત્યારા સુધી પહોંચવામાં સફળ રહી હતી. હત્યારાને શોધવા માટે 500 થી વધારે મોબાઈલ નંબરના ડેટાને સર્ચ કર્યો હતો અને 200 થી વધારે દુકાનોને ચેક કરી હતી.

કેન્દ્રીય તપાસ એજન્સીઓને તપાસ કરતા રોકવા માટે બંગાળ સરકારે પોતાની દરેક યુક્તિનો ઉપયોગ કર્યો છે. અહીંના મુખ્યમંત્રી ભ્રષ્ટાચાર બચાવવા હડતાળ પર બેઠા છે. મોદી તેમને તેમની ઈચ્છા મુજબ ચાલુ રાખવા દેતા નથી. એટલા માટે ટીએમસી મોદીને પોતાનો દુશ્મન નંબર વન માને છે. તમે મને કહો, શું હું તેને ટીએમસીની લૂંટને અનુસરવા દઉં? આ તમારી મહેનતના પૈસા છે. બંગાળને લૂંટનારાઓને પરત કરવા પડશે, મોદી છોડવાના નથી. જેણે ગરીબોને લૂંટ્યા છે તેણે તે પાછું આપવું પડશે.

વડાપ્રધાન નરેન્દ્ર મોદી આજે પશ્ચિમ બંગાળના આરામબાગમાં રેલીને સંબોધિત કરી રહ્યા છે. પીએમ મોદીએ કહ્યું કે 21મી સદીનું ભારત ઝડપી ગતિએ આગળ વધી રહ્યું છે. અમે સાથે મળીને 2047 સુધીમાં વિકસિત ભારત બનાવવાનું લક્ષ્ય નક્કી કર્યું છે. દેશના ગરીબો, ખેડૂતો, મહિલાઓ અને યુવાનો. આ અમારી પ્રાથમિકતા છે. આજે મારે ઘણી વાતો કહેવાની છે.

કર્ણાટકના બેંગલુરુના બ્રુકફિલ્ડ વિસ્તારમાં આવેલા લોકપ્રિય રામેશ્વરમ કેફેમાં શુક્રવારે રહસ્યમય વિસ્ફોટમાં પાંચ લોકો ઘાયલ થયા છે

EDએ ભોપાલમાં મહાદેવ સત્તા એપના મુખ્ય ઓપરેટર ગિરીશ તલરેજાની ધરપકડ કરી છે. રાયપુર ઇડીએ તપાસમાં તલરેજા અને રતનલાલ જૈન, શુભમ સોની સાથે કરોડો રૂપિયાના વ્યવહારો શોધી કાઢ્યા હતા. ભોપાલ ED આજે તલરેજાને રાયપુર EDને સોંપશે.

ઉત્તર પ્રદેશના કાનપુરમાં 15 કલાક બાદ પણ દરોડા ચાલુ છે. અહીં બંશીધર ટોબેકો કંપનીના અનેક સ્થળો પર આઇટીના દરોડા ચાલુ છે. મળતી માહિતી મુજબ, આવકવેરા વિભાગની 15 થી 20 ટીમ કાનપુર સહિત પાંચ રાજ્યોમાં દરોડા પાડી રહી છે. આ દરોડાને કંપનીના બિઝનેસ માટે મોટો ફટકો માનવામાં આવી રહ્યો છે.

હવામાન વિભાગની આગાહી વચ્ચે રાજ્યના કેટલાક વિસ્તારોમાં કમોસમી વરસાદ વરસ્યો છે. ત્યારે વલસાડ તાલુકામાં વહેલી સવારથી વાતાવરણમાં પલટો આવ્યો છે. વલસાડના કપરાડા તાલુકામાં કમોસમી વરસાદ પડ્યો છે. કમોસમી વરસાદના પગલે ખેડૂતોની ચિંતામાં વધારો જોવા મળ્યો છે. કમોસમી વરસાદ પડતા કેરીના પાકમાં મોટુ નુકસાન જવાની ખેડૂતોને ભીંતિ છે. બીજી તરફ આજે ભાવનગર અને ડાંગ જિલ્લામાં પણ પવન સાથે કમોસમી વરસાદ વરસ્યો છે.

ભાજપ ની લોકસભા ચૂંટણી માં ઉમેદવારો ને નામ ને લઈ મંથન પૂર્ણ થયું છે જેમાં ગુજરાત ની 26 બેઠકો પર રિપીટ અને – નો રિપીટ બનેં થિયરી જોવા મળશેની સૂત્રો પાસેથી માહિતી પ્રાપ્ત થઈ રહી છે. ઉત્તર ગુજરાત માં નો રિપીટ થિયરી, જ્યારે સૌરાષ્ટ્ર ના જામનગર સિવાય નો રિપીટ થિયરી અમલ માં મુકાશે, જયારે જૂનાગઢ 50 -50 માં છે, અમદાવાદ – સુરતમાં પણ નો રિપીટ થિયરી જોવા મળશે તેમજ વડોદરા ભાવનગર 50 – 50માં છે

ગીર સોમનાથના વેરાવળ બંદરમાં હોડીમાંથી ઝડપાયેલ 350 કરોડના ડ્રગ્સનો કેસ મામલે પોલીસને જામનગરથી મુખ્ય માસ્ટર માઈન્ડ આરોપીને ઝડપ્યો

સુપ્રીમ કોર્ટે સ્વ-ઘોષિત બળાત્કારી બાબા આસારામ બાપુની સજાને સ્થગિત કરવા અને વચગાળાના તબીબી જામીનની માંગ કરતી અરજી પર સુનાવણી કરવાનો ઇનકાર કર્યો છે.

પંજાબ વિધાનસભાનું બજેટ સત્ર શરૂ થતાની સાથે જ હંગામો શરૂ થયો હતો. ખેડૂતોના મુદ્દે કોંગ્રેસે સૂત્રોચ્ચાર કર્યા હતા. રાજ્યપાલના સંબોધન દરમિયાન ભારે સૂત્રોચ્ચાર થયા હતા. કોંગ્રેસે હરિયાણાના ગૃહમંત્રી અનિલ વિજ સામે કેસ નોંધવાની માંગ કરી છે.

• નવસારી નજીક આવેલા ગણેશ સિસોદ્રા ગામની ઘટના
• સિસોદ્રા કન્યા શાળાની વાન અચાનક પલટી
• વાનનું એક્સેલ તૂટી જવાના કારણે બની ઘટના
• વાનમાં 10 જેટલા વિદ્યાર્થીઓ સવાર હતા
• એક વિદ્યાર્થીનીને સામાન્ય ઇજા પહોંચતા નવસારીની ખાનગી હોસ્પિટલમાં ખસેડાઈ
• અન્ય તમામ વિદ્યાર્થીઓ સુરક્ષિત
• સ્થાનિકોના મતે માત્ર કારનું એક્સેલ તૂટવાના કારણે ઘટના બની હોવાનું પ્રાથમિક કારણ સામે આવ્યું.
• સદનસીબે મોટી હોનારત ટળી

જૂના અમદાવાદની ઓળખ સમાન એલિસબ્રીજનું AMC રી-ડેવલોપમેન્ટ કરાશે. અંગ્રેજોના જમાનામાં બનેલા એલિસબ્રિજને એન્જિનિયરિંગનો અદભૂત નમૂનો માનવામાં આવે છે. મહાનગરપાલિકા 25 કરોડના ખર્ચે એલિસબ્રીજનું રિડેવલોપમેન્ટ કરશે. આગામી 3 વર્ષની અંદર નવા હેરિટેજ લૂક સાથે એલિસબ્રીજ તૈયાર થશે.

અટલ બ્રીજની જેમ જ લોકો માટે એલિસબ્રિજ પર્યટન સ્થળ બનશે. જેમા લોકો માટે બેસવાની અને હરવા-ફરવાની વ્યવસ્થા કરાશે. તેના બાંધકામના 130 વર્ષ પછી અમદાવાદનો પ્રતિષ્ઠિત એલિસબ્રિજ પુનઃસંગ્રહમાંથી પસાર થવાનો છે, કારણ કે તેના કરારની ફાળવણી કાર્ડ પર છે. આ દરખાસ્તને 26 ફેબ્રુઆરીએ મળનારી અમદાવાદ મ્યુનિસિપલ કોર્પોરેશન (AMC)ની બેઠકમાં મંજૂરી આપવામાં આવે તેવી શક્યતા છે.

1. વલસાડ જિલ્લાના વાતાવરણમાં આવ્યો પલટો
2. જિલ્લાના કપરાડા તાલુકામાં કમોસમી વરસાદ
3. કપરાડા તાલુકાના અંતરિયાળ વિસ્તારમાં કમોસમી વરસાદ
4. હવામાન વિભાગે કરી હતી કમોસમી વરસાદની આગાહી
5. વરસાદના કારણે ખેડૂતોમાં ચિંતા વધી
6. કેરીના પાકમાં મોટું નુકસાન જવાની ખેડૂતોને ભીતિ

1. લોકસભાની ચૂંટણીને લઈને ભાજપના ધમધમાટ
2. ચૂંટણી સંયોજકો આજે જશે દિલ્હી
3. દિલ્હી કમલમ ખાતે તમામ રાજ્યના ચૂંટણી સંયોજકોની બેઠક
4. જે પી નડ્ડાની અધ્યક્ષતામાં બેઠક
5. ગુજરાતમાંથી આઈ કે જાડેજા તથા જયરાજ સિંહ ચૌહાણની ચૂંટણી સંયોજક તરીકે નિમણુંક
6. જ્યારે જગદીશ પટેલ ભરત આર્યા પ્રદીપ પરમારની સહ સંયોજક તરીકે નિમણુંક

માઈક્રોસોફ્ટના કો-ફાઉન્ડર બિલ ગેટ્સ ગુરુવારે પીએમ મોદીને મળ્યા હતા, તે પહેલા તેઓ ઈન્ડિયન ઈન્સ્ટિટ્યૂટ ઓફ ટેક્નોલોજી (IIT) દિલ્હી ગયા હતા અને ત્યાંના વિદ્યાર્થીઓ સાથે વાતચીત કરી હતી. બિલ ગેટ્સ ઈનોવેશન ફોર પબ્લિક ગુડ વિષય પર વિદ્યાર્થીઓ સાથે વાત કરવા આવ્યા હતા. તેમના સંબોધનમાં બિલ ગેટ્સે વિદ્યાર્થીઓને સામાજિક ભલાઈ માટે ટેકનોલોજીનો ઉપયોગ કરવા પ્રોત્સાહિત કર્યા હતા. કાર્યક્રમમાં બિલ ગેટ્સે કહ્યું કે આર્ટિફિશિયલ ઈન્ટેલિજન્સ (AI) એક પરિવર્તનશીલ ટેક્નોલોજી છે. બિલ ગેટ્સની ઈવેન્ટમાં 1,000 થી વધુ વિદ્યાર્થીઓએ હાજરી આપી હતી અને સમગ્ર IIT કેમ્પસના વિદ્યાર્થીઓ માટે આ ઈવેન્ટને YouTube પર લાઇવ સ્ટ્રીમ પણ કરવામાં આવી હતી.

1. ભાવનગર જિલ્લાના ઘોઘા ગ્રામ્ય પંથકમાં ધોધમાર વરસાદ
2. ભારે પવન સાથે ગ્રામ્ય વિસ્તારોમાં વરસાદ ખાબક્યો
3. મોરચંદ, છાયા, રતનપર, ગુંદી, કોળિયાક, બાડી, પડવા સહિતના પંથકમાં કમોસમી વરસાદ.
4. અચાનક વરસાદ વરસી પડતા અનેક પ્રકારના ખેતપાકો ને થઈ શકે વ્યાપક નુકશાન.
   વરસાદ વરસતા ખેડૂતો ને પડ્યા પર પાટું જેવી સ્થિતિ સર્જાઈ.

બાંગ્લાદેશના સ્વાસ્થ્ય મંત્રીના હવાલાથી એએફપીના અહેવાલ મુજબ બાંગ્લાદેશની રાજધાની ઢાકામાં લાગેલી આગમાં ઓછામાં ઓછા 43 લોકોના મોત થયા છે.