17 જુલાઈના મહત્વના સમાચાર : દિલ્હી-મુંબઈ એક્સપ્રેસ હાઈવે પર બાઈકની રેસ લગાવનાર 2 ની વાયરલ વીડિયોને આધારે અટકાયત

સુરત શહેરમાં 61 વર્ષીય વૃધ્ધ મહિલા સાથે દુષ્કર્મ કરનાર 38 વર્ષીય યુવકની ધરપકડ કરવામાં આવી છે. સલાબતપુરામાં રહેતી વૃધ્ધ મહિલા સાથે પડોશમાં રહેતા યુવકે દુષ્કર્મ આચર્યું હતું. માન દરવાજામાં રહેતી વૃધ્ધ મહિલા ઘરમાં હતી એકલી. આરોપી ઇરફાન કલીમ ચાંદ શેખ રાત્રી 11:00 વાગ્યાના અરસામાં જમવાનું આપવાના બહાને ઘરમાં ઘૂસ્યો હતો. આરોપીએ વૃધ્ધ મહિલા સાથે મરજી વિરુદ્ધ દુષ્કર્મ આચર્યું હતું. સલાબતપુરા પોલીસે આરોપી ઇરફાન કલીમ ચાંદ શેખની ધરપકડ કરી. પોલીસે આરોપી વિરુદ્ધ ગુનો નોંધી કાયદેસરની કાર્યવાહી હાથ ધરી છે.

વડોદરાના સાવલી તાલુકાના મંજુસર પોલીસ મથકની હદમાં આવેલ નિરમા કેનાલ પર પરપ્રાંતિય યુવકે રિવોલ્વરથી ગોળી મારીને આત્મહત્યાનો પ્રયાસ કર્યો છે. પોતાની જાતે ગોળી મારી રિવોલ્વર કેનાલમાં ફેંકી દીધી બાદ રોડ ઉપર કણસતો પોલીસને મળ્યો છે. ખાનગી હથિયારથી આત્મહત્યા કરવાની ઘટના સામે આવી છે. રણજીત ચૌધરી મૂળ ઉત્તર પ્રદેશ હાલ રહે મંજુસર તાલુકો સાવલી હોવાનું જાણવા મળ્યું છે. ગૃહકલેશને લઈને આત્મહત્યાનો પ્રયાસ કર્યો હોવાનું પ્રાથમિક તપાસમાં બહાર આવ્યું છે. હાલ ઇજાગ્રસ્ત યુવકને વડોદરા સયાજી હોસ્પિટલમાં ખસેડવામાં આવ્યો છે. બનાવના પગલે મંજુસર પોલીસ સહિત એલ સી બી, એસ ઓ જી સહિતના અધિકારીઓ ઘટનાસ્થળે દોડી આવ્યા. હાલ સમગ્ર મામલે પોલીસ તપાસ ચાલુ.

દિલ્હી-મુંબઈ એક્સપ્રેસ હાઈવે પર બાઈકર્સની રેસનો વીડિયો વાયરલ થયો છે. ગોધરા નજીક બાઈકર્સ ગેંગ દ્વારા રેસિંગ કરાતું સામે આવ્યું. હાઈવે પર બાઈક ચલાવવાની મનાઈ છતાં રેસ લગાવવામાં આવી. વીડિયો સોશિયલ મીડિયામાં વાયરલ થતાં પોલીસે કાર્યવાહી શરૂ કરી. બાઈકની રેસ કરનાર બે બાઈક ચાલકોની અટકાયત કરવામાં આવી છે. એક્સપ્રેસ હાઈવે પર બાઈક રેસિંગ બદલ કાયદેસરની કાર્યવાહી હાથ ધરાઈ.

ATS દ્વારા જૈશ એ મહોમ્મદના વધુ પાંચ આતંકીઓની ધરપકડ કરવામાં આવી છે. અગાઉ પકડેલા આતંકીઓની પૂછપરછમાં થયો ખુલાસો. ખુલાસાને આધારે ATSની કાર્યવાહી. પકડાયેલા આતંકીઓ જૈશ એ મહોમ્મદની વિચારધારા સાથે સંકળાયેલા છે. આરોપીઓ પાસેથી ધાર્મિક લખાણો અને અન્ય પુરાવાઓ પણ મળી આવ્યા છે. પકડાયેલા પાંચ આતંકીઓની પણ પૂછપરછ શરૂ કરાઈ છે.

કચ્છના સીરક્રિકમાં ફરી પાકિસ્તાની બોટ ઝડપાઈ. BSF પેટ્રોલિંગ દરમિયાન કાર્યવાહી. કચ્છના દરિયાઈ વિસ્તારમાં સુરક્ષા એજન્સીઓ સતર્ક બની. પાકિસ્તાની બોટ અંગે સુરક્ષા એજન્સીઓએ તપાસ શરૂ કરી છે. બોટનો ઉપયોગ કયા હેતુ માટે કરવામાં આવ્યો હતો. બોટમાં કોઈ શંકાસ્પદ સામગ્રી કે વ્યક્તિઓ સંકળાયેલા છે કે નહીં તે અંગે તપાસ ચાલી રહી છે.

સુરત શહેરમાં નાસિર નગર કથિત ડીમોલેશન મામલે હવે એસએમસીએ દોડધામ મચાવી દીધી છે. હાઈકોર્ટે આ ડિમોલીશન સામે આકરુ વલણ દાખવવાનો રૂખ અપનાવતા, સુરત મહાનગરપાલિકાએ ડિમોલીશનથી અસરગ્રસ્ત થયેલા પરિવારોને વૈકલ્પિક વ્યવસ્થા આપવાની તૈયારી શરૂ કરી છે. જેના ભાગરૂપે SMC દ્વારા ખાલી આવાસોનો સર્વે કરવામાં આવ્યો છે. ગોટાલાવાડીમાં 130 અલથાણ આવાસમાં 260 ઘર ખાલી હોવાનું સરવેમા સામે આવ્યું છે. હાઇકોર્ટના કડક વલણ બાદ કાર્યવાહી કરાઈ છે. આગામી 20મી જુલાઈએ હાઇકોર્ટમાં છે વધુ સુનાવણી.

દાહોદના અનવરપુરા ગામે મહિલા બે માસૂમ બાળકીઓ સાથે કૂવામાં કૂદી. 23 વર્ષીય સુનીતા કલારા પોતાની બે બાળકીઓ સાથે કૂવામાં ઝંપલાવ્યું. પ્રાચી (ઉંમર 3 વર્ષ) અને વંશી (ઉંમર દોઢ વર્ષ) સાથે કૂવામાં કુદી. ઘટનાની જાણ થતાં ઝાલોદ પોલીસ અને ફાયર બ્રિગેડની ઘટનાસ્થળે પહોંચી. શોધખોળ કરતાં સુનીતા અને પ્રાચીનો મૃતદેહ મળી આવ્યો. સમગ્ર મામલો પોલીસ અને ફાયરબ્રિગેડે વધુ તપાસ હાથ ધરી.

નવસારી સહિત જિલ્લામાં જામ્યો વરસાદી માહોલ. વહેલી સવારથી જ વરસાદની શરૂઆત થઈ છે. વરસાદ વરસતા ડાંગર પાકને મળ્યું જીવન દાન.

ભગવાન જગન્નાથજી આજે નિજ મંદિરમાં બિરાજમાન થશે. 149મી રથયાત્રા બાદ આજે પૂર્ણ થશે પવિત્ર પરંપરા. જગન્નાથજી, બલભદ્રજી અને સુભદ્રાજીનું થશે નિજ મંદિરમાં આગમન. વિશેષ આરતી અને નજર ઉતારવાની વિધિ બાદ થશે પ્રવેશ. જયઘોષ વચ્ચે ભગવાનને નિજ મંદિરમાં પધરાવાશે. મંદિર પરિસરમાં ભક્તોનું ઉમટશે ઘોડાપૂર. વર્ષો જૂની પરંપરાનું આજે થશે પાલન. નગરયાત્રા પૂર્ણ કરી ભગવાન પરત ફરશે પોતાના ધામે.
ધાર્મિક માહોલ વચ્ચે યોજાશે વિશેષ વિધિઓ. હરિભક્તોમાં જોવા મળી રહ્યો છે ભારે ઉત્સાહ. મંદિરમાં દર્શન માટે વહેલી સવારથી જ ભક્તોની ભીડ. જય રણછોડ… માખણચોરના ગગનભેદી નારાથી ગુંજશે મંદિર પરિસર.
ભગવાનના નિજ મંદિરમાં આગમનના દર્શનને લઈ ભક્તોમાં આતુરતા. 149મી રથયાત્રા મહોત્સવનો આજે થશે ધાર્મિક સમાપન પ્રસંગ. જગન્નાથ મંદિરમાં આજે ભક્તિમય વાતાવરણ વચ્ચે પૂર્ણ થશે પરંપરા.

વડોદરા શહેરને પાણી પૂરું પાડતા આજવા સરોવરમાં, હવે માત્ર 20 દિવસ જ ચાલે તેટલું જ પાણી રહ્યું છે. જો વરસાદ હજુ પણ ખેચાય તો ફરી પાલિકાએ નર્મદાનું પાણી ખરીદવું પડશે. અગાઉ લેવાયેલા નર્મદાના પાણીથી સપાટી 207.85 ફૂટ પર પહોંચી છે. આટલું પાણી 20 દિવસ સુધી જ ચાલી શકશે. અત્યાર સુધી વડોદરામાં 8 ઇચ જેટલો જ વરસાદ વરસ્યો છે.