17 ડિસેમ્બરના મહત્વના સમાચાર : સુરેન્દ્રનગરમાં 4 પોલીસ કર્મીઓને કરાયા સસ્પેન્ડ, જેલ પર ગાર્ડ તરીકે ફરજ પર હાજર ન હતા

સુરેન્દ્રનગર: ડુક્કર પકડવા મુદ્દે બે જૂથો વચ્ચે અથડામણ થઇ છે. અથડામણમાં 9 લોકોને ગંભીર ઇજાઓ પહોંચી છે. બે જૂથો વચ્ચે અથડામણનો લાઈવ વીડિયો પણ આવ્યો સામે આવ્યો છે. બે જૂથો તલવાર, ધારીયા, ધોકા સહિતના સાધનો સાથે મારામારી કરી. શહેરના હેલિપેડ નજીક ફિલ્મી દ્રશ્યો સર્જાયા હતા. સુરેન્દ્રનગર શહેરમાં જાહેરમાં કાયદો અને વ્યવસ્થાના લીરા ઉડ્યા.

સુરેન્દ્રનગરમાં 4 પોલીસ કર્મીઓને સસ્પેન્ડ કરાયા છે. સુરેન્દ્રનગર જિલ્લા પોલીસવડાએ 4 પોલીસ કર્મીઓને સસ્પેન્ડ કર્યા છે. લીંબડી સબજેલમાં સરપ્રાઈઝ ચેકીંગ દરમિયાન જેલ પર ગાર્ડ તરીકે મુકેલા 4 પોલીસ કર્મીઓ હાજર હતા નહીં. લીંબડી સબજેલમાં ખુંખાર કેદીઓ માટે ગાર્ડ મુકવામાં છે. પોલીસ ગાર્ડ ચેકીંગ દરમ્યાન હાજર ન મળતા તેમને સસ્પેન્ડ કરાયા.

વન નેશન વન ઇલેક્શન (ONOE) બિલને સ્વીકારવા માટે મતદાન કરવામાં આવી રહ્યું છે. આ બિલના વિરોધમાં 198 વોટ પડ્યા છે. તો બિલના તરફેણમાં 269 વોટ પડ્યા છે.

ઉંઝા APMCની ચૂંટણીમાં ખેડૂત પેનલમાં દિનેશ પટેલની જીત થઇ છે. પાંચ મેન્ડેટ વાળા અને પાંચ મેન્ડેટ વગરના ઉમેદવારો જીત્યા છે. મત ગણતરીમાં દિનેશ પટેલ જૂથના તમામ 10 ઉમેદવારો વિજયી થયા છે.  ખેડૂત વિભાગમાં કુલ 261 પૈકી 258 મતદારોએ મતદાન કર્યું હતું. જેમાં મત ગણતરી દરમિયાન કુલ 16 મત રદ થયા છે.તો કુલ 258માંથી 242 મતો માન્ય રખાયા છે.

લોકસભામાં ‘એક રાષ્ટ્ર, એક ચૂંટણી’ અંગે બિલ રજૂ કરવામાં આવ્યુ છે. કાયદા પ્રધાન અર્જુન મેઘવાલે બિલ રજૂ કર્યું. ‘એક રાષ્ટ્ર, એક ચૂંટણી’ માટે વિપક્ષનો વિરોધ નોંધાવ્યો છે. બિલને પાસ કરાવવા માટે સરકાર મક્કમ છે. બિલ મુદ્દે ભાજપને NDAના સભ્યોનો સાથ મળી ચૂક્યો છે.

ભરૂચ દહેજ રોડ પર અટાલી ગામ નજીક ક્રેનમાં આગની ઘટના બની છે. મુખ્ય માર્ગ પર ક્રેનમાં આગ ફાટી નિકળતા દોડધામ થઇ છે. ફાયર વિભાગે ઘટના સ્થળે પહોંચી આગ બુઝાવી. ક્રેનના ચાલકનો આબાદ બચાવ થયો છે.

લોકસભામાં આજે ‘વન નેશન, વન ઈલેક્શન’ બિલ રજૂ થશે. કાયદા પ્રધાન અર્જુન મેઘવાલ બપોરે 12:00 કલાકે બિલ રજૂ કરશે. બિલ મુદ્દે સંસદમાં હોબાળો થવાની શક્યતા છે. ‘વન નેશન, વન ઈલેક્શન’ બિલનો વિપક્ષ વિરોધ કરી શકે છે. બિલ મુદ્દે ભાજપને NDAના સભ્યોનો સાથ મળી ચૂક્યો છે. ભાજપની તેના તમામ સાંસદોને ગૃહમાં અચૂક હાજર રહેવા સૂચના છે.બિલને પાસ કરાવવા માટે સરકાર મક્કમ છે.

ભરૂચઃ અંકલેશ્વરના એક ગામમાં બાળકી પર દુષ્કર્મ થયુ છે. શ્રમિક પરિવારની બાળકી દુષ્કર્મનો ભોગ બની. પ્રાથમિક તપાસમાં બાળકી પર દુષ્કર્મ થયાનો ખુલાસો થયો છે. પોલીસે ગુનો નોંધી આરોપીની શોધખોળ હાથ ધરી. શ્રમિકોના પડાવમાં બાળકી પર દુષ્કર્મ થયું હતું. પીડિતા હાલ હોસ્પિટલમાં સારવાર હેઠળ છે.

બનાસકાંઠાઃ પાણીની પાઇપલાઇનમાં ભંગાણ થયુ છે. કાંકરેજના માનપુરા ગામની સીમમાં પાણીનો વેડફાટ થઇ રહ્યો છે. પાઇપલાઇનમાં ભંગાણ થતા ખેતરોમાં પાણી ફરી વળ્યા. ઘઉંના પાક પર પાણી ફરી વળતા નુક્સાન પહોંચ્યુ છે. પાણીની લાઇનનું સમારકામ કરવા માગણી કરવામાં આવી છે. બે દિવસ બાદ પણ સમારકામ ન થયાનો આરોપ છે.

મહેસાણા: ઊંઝા APMCમાં મતગણતરી થશે. ગઈકાલે ઊંઝા APMCની ચૂંટણી યોજાઈ હતી. 14 ડિરેક્ટરોની ચૂંટણી માટે 97 ટકા મતદાન થયું. મતદાન બાદ ભાજપના બંને જૂથોએ જીતના દાવા કર્યા, ખેડૂતે વિભાગની 10 બેઠકો માટે 261માંથી 258 મતદારોએ મતદાન કર્યું. વેપારી વિભાગની 4 બેઠકો માટે 805માંથી 782 મતદારોએ મતદાન કર્યું. બંને વિભાગમાં 61 મહિલા મતદારોએ મતદાન કર્યું.

ભાવનગરઃ ખાનગી બસ ડમ્પર પાછળ ઘુસી જતા 6ના મોત થયા છે. એપલ ટ્રાવેલ્સની બસ સુરતથી રાજુલા જઈ રહી હતી. વહેલી સવારે ત્રાપજ બાય પાસ પર બસ ડમ્પર પાછળ ઘુસી જતા 6 ના મોત થયા છે. બાકીના ઇજાગ્રસ્તોને ભાવનગર સર.ટી. હોસ્પિટલ સારવાર માટે ખસેડાયા છે. મોતનો આંકડો વધવાની શક્યતાઓ છે.