10 જાન્યુઆરીના મહત્વના સમાચાર : ગુજરાતભરમાં ઉત્તરાયણ નિમિત્તે કાચ પાયેલી દોરી, ચાઈનીઝ દોરી, નાઈલોન દોરી પર પ્રતિબંધ

ઉત્તરાયણ પર્વ નિમિત્તે કેન્દ્રીય ગૃહપ્રધાન અમિત શાહ, ગુજરાત અમદાવાદ આવશે. તેઓ તેમના મતવિસ્તારમાં અનેક કાર્યક્રમોમાં હાજર રહેવા ઉપરાંત પતંગ પણ ચગાવશે. તો વાસી ઉત્તરાયણના દિવસે માણસા અને કલોલમાં અનેક વિક્સાકાર્યોનું લોકાર્પણ અને ખાતમૂહર્ત કરશે.

ABVPના અધિવેશનમાં ગુજરાત યુનિ.ના કુલપતિ ઉપસ્થિત રહેતા વિવાદ સર્જાયો છે. NSUI ના કાર્યકરોએ, ગુજરાત યુનિવર્સિટીના કુલપતિ નીરજા ગુપ્તાની ઉપસ્થિતિ પર સવાલ ઉઠાવ્યા છે. NSUI ના કાર્યકરોએ કુલપતિની ચેમ્બરમાં ABVPનો ખેસ મૂકીને વિરોધ વ્યક્ત કર્યો હતો. કુલપતિનુ પદ, બંધારણીય હોદ્દો હોવાથી આ પ્રકારના કોઈ જ કાર્યક્રમમા હાજર ના રહી શકે. શુ આવતીકાલે NSUI પ્રેરિત કોઈ કાર્યક્રમ યોજાય તો કુલપતિ હાજરી આપશે ખરા ? તેવો પ્રશ્ન પણ એનએસયુઆઈએ પુછ્યો છે.

ઉત્તરાયણને લઈને મોટા સમાચાર ગુજરાત હાઈકોર્ટમાં સામે આવ્યા છે. ગુજરાત હાઈકોર્ટે રાજ્યભરમાં કાચ પાયેલા દોરાના ઉપયોગ પર પ્રતિબંધ લગાવ્યો છે. ચાઈનીઝ દોરી, નાઈલોન દોરી અને કાચ પાયેલ કોટન થ્રેડ ઉપર પણ પ્રતિબંધ લાદવામાં આવ્યો છે. રાજ્ય સરકારે હુકમ પાલનની પ્રતિબધ્ધતા દર્શાવીને, આગામી 13 જાન્યુઆરી સુધીમા ઠોસ અને અસરકારક પગલા લેવા કોર્ટમાં ખાતરી આપી છે. આ કેસની વધુ સુનવણી આગામી 13 જાન્યુઆરીએ થશે.

પંચમહાલઃ ગોધરામાં આતંકી કપિરાજને પાંજરે પૂરવા કામગીરી હાથ ધરાઇ છે. વન વિભાગ અને પશુપાલન વિભાગે કાર્યવાહી હાથ ધરી છે. ઇન્જેક્શન દ્વારા કપિરાજને બેભાન કરી ઝડપી લેવાશે. છેલ્લા 3 દિવસથી DEO કચેરી અને ગોધરાના વિવિધ વિસ્તારોમાં કપિરાજે આતંક મચાવ્યો છે. કપિરાજે 17 લોકોને ઇજા પહોંચાડી હતી.

અમદાવાદ: થલતેજની ઝેબર શાળામાં વિદ્યાર્થિનીનું મોત થયુ છે. ધોરણ-3માં અભ્યાસ કરતી વિદ્યાર્થિનીનું  મોત થયુ છે. શાળામાં અચાનક બાળકીને છાતીમાં દુખાવો થયો હતો. દુખાવો થયા બાદ બાળકી ખુરશી પર ઢળી પડી હતી. વિદ્યાર્થિનીને હોસ્પિટલમાં ખસેડી સારવાર અપાઇ હતી. હોસ્પિટલના તબીબે વિદ્યાર્થિનીને મૃત જાહેર કરી છે. પોલીસે શાળાએ પહોંચી CCTV મેળવી તપાસ હાથ ધરી છે.

અમદાવાદઃ ફ્લાવર શો જોવા જનારા સાવધાન થઈ જાય. અમદાવાદમાંથી ફ્લાવર શોની નકલી ટિકિટ મળી આવી. રુ. 70ના દરની 27 અને રુ. 100ના દરની 25 ટિકિટ મળી આવી છે. અસલી ટિકિટ જેવી પ્રિન્ટ કરેલી ટિકિટ મળી આવી. ફ્લાવર શો જોવા આવેલા લોકો પાસે પ્રિન્ટ કરેલી 52 ટિકિટ મળી.

રાજકોટ: ધોરાજી નગરપાલિકા દ્વારા દબાણ હટાવ કામગીરી હાથ ધરાઇ. ધોરાજીના ગેલેક્સી ચોકથી સ્ટેશન રોડ સુધી દબાણ હટાવાયા છે. બાવલા ચોકમાં ફૂટપાથ પર થયેલા દબાણ પણ હટાવાયા છે. 100 જેટલા ગેરકાયદે કેબિન, લારી અને હોર્ડિંગ દૂર કરાયા છે. ડેપ્યુટી કલેક્ટર, પોલીસ, મામલતદાર અને ચીફ ઓફિસરની હાજરીમાં કામગીરી કરવામાં આવી છે.

સુરત: નવી સિવિલમાં ઇન્ટર્ન તબીબે આપઘાત કર્યો છે. 24 વર્ષીય જાનવી નામની યુવતીએ ઘરે પંખા પર દુપટ્ટો બાંધી ફાંસો ખાધો છે. મૃતક MBBSનો અભ્યાસ પૂરો કરી સિવિલમાં ઇન્ટર્ન તરીકે જોડાઇ હતી. ઘટનાની જાણ થતા વરાછા પોલીસે તપાસ હાથ ધરી છે. મૃતક યુવતી અભ્યાસ મુદ્દે 2 વર્ષથી માનસિક તણાવમાં હતી. યુવતીની ચિંતાની જાણ થતા દવાઓ ચાલુ કરાઇ હતી. યુવતીના મોતને લઇ પરિજનોમાં શોકનો માહોલ છે.

મહેસાણા: દેવું ચૂકવવા ગાડીની લૂંટ કરી ચાલકની હત્યા મામલામાં પોલીસે બાતમીના આધારે 2 આરોપીની ધરપકડ કરી છે. બંને આરોપીઓએ ઇકો ગાડીની લૂંટ કરી ચાલકની હત્યા કરી હતી. ઠાકોર વિપુલ અને નિલેશ નામના બંને આરોપીઓની ધરપકડ કરવામાં આવી છે. શખ્સોએ સિદ્ધપુરના દેથલીથી ગાડી ભાડે લીધી હતી. ઊંઝાના ટુંડાવથી અમૂઢ રોડ પર ચાલકને છરી મારી દીધી હતી.

મેરઠમાં સામૂહિક હત્યાકાંડથી હાહાકાર મચ્યો છે. એક જ પરિવારનાં 5 સભ્યોની હત્યાથી ચકચાર મચ્યો છે. લિસાડીગેટના સોહેલ ગાર્ડનમાં ઘટના બની છે. પરિવારના પાંચેય સભ્યોની ગળું કાપેલી હાલતમાં લાશ મળી છે. પરિવારનાં ત્રણ બાળકોની કરપીણ હત્યા થઇ છે. પ્રાથમિક તપાસમાં જૂની અદાવતમાં હત્યા થઈ હોવાનો ખુલાસો થયો છે.

અમદાવાદમાં HMPV વાયરસનો કેસ નોંધાયો છે. વસ્ત્રાપુરમાં 80 વર્ષીય વૃદ્ધનો HMPV રિપોર્ટ પોઝિટિવ આવ્યો છે. વૃદ્ધને સારવાર માટે ગુરુકુળ રોડની સ્ટર્લિંગ હોસ્પિટલમાં રખાયા છે. વૃદ્ધને લાંબા સમયથી અસ્થમાની બીમારી હોવાનું સામે આવ્યું છે. દર્દીની વિદેશ પ્રવાસની કોઈ હિસ્ટ્રી નથી. હાલ તબિયત સુધારા પર હોવાનો આરોગ્ય વિભાગનો દાવો છે.

અદાણી ગ્રુપ ઇસ્કોન સાથે મળીને ‘કુંભ’માં મહાપ્રસાદ સેવા શરૂ કરશે. કુંભમાં 40 સ્થળોએ શરૂ કરવામાં મહાપ્રસાદ સેવા આવશે. મહાપ્રસાદમાં 50 લાખ જેટલા ભક્તોને મફત ભોજન મળશે. મહાપ્રસાદ સેવા 13 જાન્યુઆરીથી 26 ફેબ્રુઆરી સુધી ચાલશે. ભોજન માટે મેળા વિસ્તારમાં 2 વિશાળ રસોડા તૈયાર કરાયા. કુંભના મેળામાં 40 સ્થળો પર ભક્તો માટે ભોજન સુવિધા ઉભી કરાશે.

વડોદરા: રેલવે સ્ટેશન પર ડિજિટલ લોન્જ બનશે. યાત્રીઓને એરપોર્ટ જેવી સુવિધા રેલવે સ્ટેશન પર જ મળશે. લોન્જમાં એક સાથે 25થી વધુ યાત્રિકો બેસી શકે તેવી વ્યવસ્થા કરાશે. મુંબઇની સાથે વડોદરામાં પાઇલટ પ્રોજેક્ટ શરૂ કરાશે. ભારતીય રેલવેમાં લોન્જનો પ્રથમ કોન્સેપ્ટ પ્રસ્તાવ બોર્ડમાં મોકલાશે.

અમદાવાદ મહાનગર પાલિકા આયોજીત ફ્લાવર શોની અવધી લંબાવવાનો નિર્ણય કરવામાં આવ્યો છે. 22 જાન્યુઆરી ફ્લાવર શોની અંતિમ તારીખ હતી જેમાં હવે બે દિવસનો વધારો કરવામાં આવ્યો છે. એટલે કે હવે 24 જાન્યુઆરી સુધી ફ્લાવર શોની રંગત જામશે. ફ્લાવર શોને જબરો પ્રતિસાદ મળતા હવે ફ્લાવર શોમાં પ્રિ-વેન્ડિંગ અને ફિલ્મ પણ શૂટ કરી શકાશે. પ્રિ-વેન્ડિંગ શૂટ માટે 25 હજાર રૂપિયા ફી નક્કી કરવામાં આવી છે. જ્યારે ફિલ્મ શૂટિંગ માટે એક લાખ રૂપિયા ફી નક્કી કરાઈ છે. ફી ભર્યા બાદ પ્રિ-વેન્ડિંગ શૂટ અને ફિલ્મ શૂટિંગ માટે સમય સ્લોટ ફાળવવામાં આવશે.

રાજકોટ: સૌરાષ્ટ્ર યુનિવર્સિટીને મળ્યા કાયમી કુલપતિ મળ્યા છે. ઉત્પલ જોષી બન્યા સૌરાષ્ટ્ર યુનિવર્સિટીના કુલપતિ બન્યા છે. ઉત્પલ જોષીગુજરાત યુનિવર્સિટીમાં ફરજ બજાવે છે. ફિઝીક્સ વિભાગના પ્રોફેસર તરીકે ઉત્પલ જોષી ફરજ બજાવે છે.