હવે ગુજરાતમાં (Gujarat) જમીનમાં ખેડૂતો સાથે થતાં બ્લેકમેલિંગનો ધંધો થશે બંધ.ખેડૂતો, (Farmers) જમીન માલિકોને કોઇ પણ વ્યક્તિ તમારી જમીન તો લોચાવાળી છે એમ કહી બ્લેકમેલિંગ નહીં કરી શકે. સિવિલ કેસ સંદર્ભે 7/12ના ઉતારાની નોંધ પર સરકારે પ્રતિબંધ મુકી દીધો છે.રેવન્યૂ રેકર્ડમાં(Revenue Record) લીઝ પેન્ડન્સીની નોંધ મુદ્દે મહેસૂલ વિભાગે એક પરિપત્ર કર્યો છે અને સિવિલ કોર્ટમાં (Civil Court) દાવો ચાલુ હોય તે બાબતની નોંધ ન કરવા તમામ કલેક્ટરોને સૂચના આપવામાં આવી છે. સાથે જ પરિપત્રમાં કહેવાયું છે કે જ્યુડિશિયલ કોર્ટ આદેશ કરે તો જ નોંધ કરવામાં આવે.
7/12 એટલે કે રેકર્ડ માટે નકકી કરેલા કુલ 18 પત્રકો પૈકી પત્રક નં.7 અને પત્રક નં. 12 એમ બે પત્રકોને સંકલિત કરીને બનાવવામાં આવેલ એક પત્રકને 7/12 ઉતારો કહેવામાં આવે છે. પત્રક નં. 7 માં માલિકી ક્ષેત્રફળ વિસ્તારની માહિતીની સાથે- સાથે સદરહુ જમીનમાં ખેતી વિષયક માહિતીની પણ વારંવાર જરૂરીયાત રહેતી હોવાથી બંને પત્રકો ભેગા કરીને બનાવવામાં આવેલ છે. હવે સરકારના આ નિર્ણયથી સિવિલ કેસ સંદર્ભે 7/12ના ઉતારાની નોંધ પર સરકારે પ્રતિબંધ મુકી દીધો છે.
Published On - 10:03 am, Tue, 7 June 22