ફી નહિં તો ઓનલાઈન શિક્ષણ પણ નહીં,વેસુની એલપી સવાણી સ્કૂલ સંચાલકોની મનમાની યથાવત, વાલીઓ પહોચ્યા જિલ્લા શિક્ષણાધિકારી કચેરી

વેસુની એલપી સવાણી સ્કૂલ દ્વારા ઓનલાઇન શિક્ષણ અચાનક બંધ કરી દેવામાં આવતા વાલીઓ જિલ્લા શિક્ષણાધિકારી કચેરી પર પહોંચ્યા હતા. નવેમ્બર સુધી ફી ભરવા કોઈ દબાણ નહીં કરવા સરકારનો આદેશ હોવા છતાં સુરતમાં શાળા સંચાલકોની મનમાની યથાવત રહેવા પામી છે.

પેરેન્ટ્સ એસોસિયેશન દ્વારા સ્કૂલ ફી માફી અંગે હાઇકોર્ટમાં પીઆઈએલ કરવામાં આવી છે. હાઇકોર્ટનો ઓર્ડર હોવા છતાં વાલીઓ પાસે પુરી ફીની માંગણી કરવામાં આવી રહી છે અને ફી નહીં ભરે તો બાળકને સ્કૂલમાંથી એલસી આપી દેવા આપવામાં આવી રહી છે.

વાલીઓએ ફી ભરવા અસમર્થતા બતાવતા શાળા દ્વારા ઓનલાઇન શિક્ષણ બંધ કરવામાં આવ્યું છે. જેના કારણે અકળાયેલા વાલીઓએ આજે જિલ્લા શિક્ષણાધિકારીની કચેરી પર ધરણા કરી રજુઆત કરી હતી.વાલીઓની રજુઆત હતી કે કોરોનાના કારણે ઘણા વાલીઓના નોકરી ધંધા પર અસર પડી છે એવામાં શાળા સંચાલકોની ફી બાબતે ઉઘરાણીથી અને ઓનલાઈન શિક્ષણ બંધ કરવાથી બાળકોના શિક્ષણ પર પણ અસર પડી રહી છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો