Devbhoomi Dwarka : જિલ્લાના સલાયા ગામના જુના પોલીસ સ્ટેશન વિસ્તારમાં બે બાળકીનાં રહસ્યમય રીતે મોત થયા છે. કોઈ ઝેરી પ્રાણી કરડી જતા બે બાળકીનાં મોત થયાની આશંકા છે. એક બાળકીનું ઘટનાસ્થળે જ મોત નિપજ્યું છે. જ્યારે બીજી બાળકીને હોસ્પિટલમાં સારવાર અર્થે લઈ જતા સમયે મોત થયું હતું. જો કે બાળકીના મોતનું સાચું કારણ તો પોસ્ટમોર્ટમ રિપોર્ટ બાદ જ સામે આવશે. હાલ તો બાળકીના મોતને લઇને અનેક સવાલોએ જન્મ લીધો છે. અને, ગામમાં તરેહતરેહની ચર્ચાએ જોર પકડયું છે. ત્યારે હવે પોસ્ટમોર્ટમ રિપોર્ટમાં શું ખુલાસો થાય છે તે જોવું રહ્યું.