સુરતમાં કોરોનાની સ્થિતિ ગંભીર, ઘરમાં રહેનારા પણ સંક્રમીત થઈ રહ્યા છેઃ સાંસદ દર્શના જરદોષ

સુરત શહેર જિલ્લામાં કોરોનાના દર્દીઓની સંખ્યા વધીને 10 હજારથી વધુ થઈ છે. સુરત શહેરમાં કોરોનાની સ્થિતિ ગંભીર હોવાનુ સ્વીકારીને સાંસદ દર્શના જરદોષનું કહેવું છે કે ઘરમાં રહેનારા પણ સંક્રમીત થઈ રહ્યાં છે. સુરત મહાનગરપાલિકા રાજ્ય સરકારના આરોગ્ય વિભાગના સંપર્કમાં રહીને જરૂરીયાત મુજબના પગલા લઈ રહી છે. રોજબરોજ કોરોનાના વધી રહેલા દર્દીઓની સંખ્યાને ધ્યાને રાખીને સુરતની કિડની હોસ્પિટલમાં કોરોનાના દર્દીઓ માટે વધુ બેડ ઊભા કરાશે.