બિનસચિવાલય પરીક્ષામાં ગેરરીતિનો મુદ્દો: ગાંધીનગરમાં પોલીસ અને ઉમેદવારો આમને-સામને, 100થી વધુ ઉમેદવારોની અટકાયત

બિનસચિવાલય પરીક્ષામાં ગેરરીતી સામે ઉમેદવારો વિરોધ કરવા માટે ગાંધીનગર આવ્યા છે. ત્યારે ગાંધીનગર ખાતે દેખાવ કરવા આવી રહેલા ઉમેદવારોની અટકાયત કરવામાં આવી છે. 100થી વધુ ઉમેદવારોની અટકાયત કરવામાં આવી ચૂકી છે.

બનાસકાંઠા, મહેસાણા, પાટણ, ભરૂચ, વડોદરા, રાજકોટ સહિતના વિસ્તારોના ઉમેદવારોની અટકાયત કરવમાં આવી છે.અટકાયત કરેલા ઉમેદવારોની સામે જાહેરનામાના ભંગનો ગુનો દાખલ કરવામાં આવશે.

હાલમાં તમામ ઉમેદવારોને પોલીસ હેડ ક્વાર્ટર લઈ જવામાં આવ્યા છે. ગાંધીનગરમાં ઉમેદવારો અને પોલીસ આમને સામને આવી ગયા છે. ત્યારે ઉમેદવારો કહી રહ્યા છે કે પરીક્ષા રદ થવી જોઈએ, સરકાર ન્યાય આપવાના બદલે હેરાન કરી રહી છે. ઉમેદવારો ન્યાયની માગ કરી રહ્યા છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો