બનાસ ડેરીએ હાઇડ્રોપોનિક મશીન વસાવ્યું, શું છે આ મશીનની ખાસિયત ? જુઓ આ વીડિયો

પશુઓ માટે પોષણક્ષમ ઘાસચારા માટેની પશુપાલકોની સમસ્યાનો ઉપાય બનાસકાંઠાની બનાસ ડેરીએ શોધ્યો છે. બનાસ ડેરીએ હાઈડ્રોપોનિક ઘાસનું મશીન વસાવ્યુ છે. જે સાત દિવસમાં જ દાણામાંથી ઘાસચારો તૈયાર કરે છે. બનાસકાંઠામાં પાણીની સમસ્યા દિવસે દિવસે વિકરાળ બનતી જાય છે. અને તેના કારણે ઘાસચારાની તંગી પણ વર્તાય છે. ત્યારે જે પશુપાલકો પાસે ઘાસચારાની ખેતી કરવા જમીન નથી. તેમના માટે પણ હાઈડ્રોપોનિક ઘાસ ઉગાડતુ મશીન આશિર્વાદ સમાન છે.

મોટાભાગે ખેતરમાં ઘાસને તૈયાર થતાં 50 થી 60 દિવસનો સમય લાગે છે. પરંતુ હાઈડ્રોપોનિક મશીનમાં માત્ર સાત દિવસમાં ઘાસ તૈયાર થઇ જાય છે. હાઈડ્રોપોનિક મશીનમાં ઓછા પાણીએ ઘાસ તૈયાર થતુ હોવા છતા ખાસ વાત તો એ છે કે આ ઘાસમાં વધુ પોષક તત્વો છે અને પડતર ઓછી હોવાને કારણે પશુપાલકોને પણ આ ઘાસ પોસાય તેમ છે.