રેત માફિયાઓ સામે અમરેલી પોલીસ અને ખાણ ખનિજ વિભાગની લાલ આંખ, સ્ટોક રજિસ્ટ્રેશન ધારકોને ત્યાં કર્યા દરોડા

અમરેલી જિલ્લામાં બેફામ બનેલા રેતી માફિયાઓ સામે પોલીસે દરોડાની કામગીરી હાથ ધરી છે. પોલીસની હાજરીમાં ચેકીંગ અને સર્વે માપણી શરૂ કરવામાં આવી છે કેટલો સ્ટોક રજિસ્ટ્રેશન છે? કેટલી રેતી રાખે છે રોયલ્ટીનો ઉપયોગ કરે છે કે કેમ? ગેરકાયદેસર રેતીની હેરાફેરી કરવામા આવી રહી છે કે કેમ? સ્ટોક ધારકોને કોઈ ગેરકાયદેસર ગોલમાલ કરી રહ્યા છે કે કેમ.? આ સહિતની બાબતે ખાણ ખનીજ વિભાગના રોયલ્ટી ઇન્સ્પેકટર સર્વેની ટીમે વિવિધ કર્મચારીઓ સાથે તમામ સ્ટોક રજિસ્ટ્રેશન ધારકોને ત્યાં હાલ દરોડા પાડવામાં આવ્યા છે અને સર્વે ચેકીંગની કામગીરી શરૂ કરવામાં આવી છે. જેના કારણે રેતી માફિયાઓમાં ફફડાટ ફેલાયો છે.

શેત્રુંજી નદીના પટમાં રાત્રીના ચેકીંગ શરૂ કર્યું

અમરેલી જિલ્લામાં સૌથી મોટી શેત્રુંજી નદીના પટ વિસ્તારમાં રાત્રીના સમયે ખાનગી રાહે વધુ રેતી ચોરી કરતા તત્વો વધુ સક્રિય હોય છે તેવા સમયે પોલીસ રાત્રીના સમયે અને વહેલી સવારે ખાનગી વોચ રાખી દરોડા પાડી રહી છે. ઉપરાંત ચેકીંગ સતત કરવામાં આવી રહ્યું છે. 4 દિવસ પહેલા 5 જેટલા ગેરકાયદેસર વાહનો રેતી ચોરીમાં ઝડપી પાડી કાર્યવાહી હાથ ધરી હતી. તેવા સમયે વધુ રેતી માફિયાઓ સામે ઝૂંબેશ હાથ ધરવા કડક સૂચના મળતા પોલીસે હવે રેતી ધારકો સામે તવાઈ શરૂ કરી છે.

રાજુલા જાફરાબાદમાં 6 ગેરકાયદેસર કનેક્શન કટ કર્યા

રાજુલામાં ગુન્હા ધરાવતા ઈસમોના રહેણાંક મકાન ઉપર પોલીસની પીજીવીસીએલ ટીમ સાથે રાખી દરોડા પાડતા 5 ગેરકાયદેસસર કનેશન સામે આવતા કાયદેસરની કાર્યવાહી હાથ ધરી. ઉપરાંત જાફરાબાદ તાલૂકાના લુણસાપુર ગામના 1 શખ્સના ઘરે ગેરકાયદેસર કનેશન સામે આવ્યું કુલ 6 કનેશન કટ કરી ગુન્હો નોંધવા કાર્યવાહી હાથ ધરી છે.

Input Credit- Jaydev Kathi- Amreli

 ગુજરાતના તમામ જિલ્લાના સમાચાર વાંચવા માટે અહીં ક્લિક કરો