Ahmedabad: ‘હર હર મહાદેવ’ના નાદથી ગુંજી ઉઠ્યા શિવાલયો, પારમેશ્વર મહાદેવ મંદિરમાં ભક્તોની ભીડ જોવા મળી

See more

Parmeshwar Mahadev echoes with chants of ‘Har Har Mahadev’ in #Ahmedabad #Gujarat #TV9News pic.twitter.com/5uz3dxBz1R

— Tv9 Gujarati (@tv9gujarati) July 29, 2022

 

અમદાવાદમાં શિવાલયોને શણગારાયા

શ્રાવણ મહિનાના પગલે અમદાવાદમાં પારમેશ્વર મહાદેવ મંદિર સહિત વિવિધ મંદિરોમાં શિવલિંગને વિશેષ શણગાર કરવામાં આવ્યા છે. બીજા અન્ય શિવમંદિરોને પણ શણગારવામાં આવ્યા છે. આ દિવસે મંત્રજાપ, તપ અને વ્રત કરવાની પરંપરા છે. અમાસના દિવસે સવારે સ્નાન કર્યા પછી સૂર્યદેવને જળ ચઢાવી અને ઓમ સૂર્યાય નમઃ મંત્રનો જાપ કરવો ખૂબ શુભ માનવામાં આવે છે. સોમવારના દિવસે વ્રત અને રુદ્રાભિષેકનું પણ શિવજીને પ્રસન્ન કરવા વિશેષ મહત્વ માનવામાં આવે છે. આ વર્ષના શ્રાવણ માસમાં પ્રીતિ યોગનો પણ સંયોગ છે. ત્યારે પારાના શિવલિંગની પૂજા કરવાથી શિવજીના આશીર્વાદ મળે છે તેવુ માનવામાં આવે છે.

એવુ માનવામાં આવે છે કે, ભગવાન શિવને શ્રાવણ ખૂબ જ પ્રિય છે. એટલે આ મહિનામાં શિવપૂજાનું ખૂબ જ મહત્ત્વ છે. શ્રાવણનો દરેક દિવસ ખૂબ જ ખાસ હોય છે. સોમવારથી રવિવાર સુધી દરરોજ કરવામાં આવતી શિવપૂજાથી અલગ-અલગ શુભફળ મળે છે. આ મહિને દર બીજા-ત્રીજા દિવસે કોઈ શુભ તિથિ-તહેવાર અને ઉત્સવ હોય છે. એટલે ગ્રંથોમાં શ્રાવણ મહિનાને પર્વ પણ કહેવામાં આવે છે.