Breaking News : નિરમા યુનિવર્સિટીમાં ગર્લ્સ હોસ્ટેલ સામે અશ્લીલ હરકત મામલે પોલીસ તપાસ શરૂ, જુઓ Video

અમદાવાદની નિરમા યુનિવર્સિટીમાં ગર્લ્સ હોસ્ટેલની સામે એક અજાણ્યા શખ્સ દ્વારા કથિત રીતે અશ્લીલ હરકત કરવામાં આવી હોવાનો મામલો સામે આવ્યો છે. આ ઘટનાનો વીડિયો સોશિયલ મીડિયા પર વાયરલ થયા બાદ સમગ્ર મામલે પોલીસ ફરિયાદ નોંધાઈ છે. સોલા પોલીસે અજાણ્યા શખ્સ સામે ફરિયાદ નોંધીને તપાસ શરૂ કરી છે.

મળતી માહિતી મુજબ, 29 સપ્ટેમ્બરના રોજ નિરમા યુનિવર્સિટીની નવી બની રહેલી H-5 બિલ્ડિંગની સામે એક અજાણ્યો વ્યક્તિ જાહેરમાં અશ્લીલ હરકત કરતો જોવા મળ્યો હતો. આ ઘટનાનો વીડિયો સામે આવ્યા બાદ યુનિવર્સિટી તંત્ર દ્વારા પોલીસને જાણ કરવામાં આવી હતી.

નિરમા યુનિવર્સિટીના મુખ્ય સુરક્ષા અધિકારીએ સોલા પોલીસ સ્ટેશનમાં અજાણ્યા વ્યક્તિ વિરુદ્ધ ફરિયાદ નોંધાવી હતી. ફરિયાદના આધારે પોલીસે ગુજરાત પોલીસ અધિનિયમની કલમ 110 અને 117 હેઠળ કાર્યવાહી હાથ ધરી છે.

પોલીસે હવે ઘટનાની તપાસ તેજ કરી છે. ખાસ કરીને નવી H-5 બિલ્ડિંગના કન્સ્ટ્રક્શન સાઇટ પર કામ કરતા મજૂરોની પૂછપરછ શરૂ કરવામાં આવી છે. પોલીસે અલગ-અલગ મજૂરોની પૂછપરછ કરીને ઘટનાના દિવસે સ્થળ પર કોણ હાજર હતું અને વાયરલ વીડિયોમાં દેખાતો વ્યક્તિ કોણ છે તે અંગે માહિતી મેળવવાનો પ્રયાસ શરૂ કર્યો છે.

હાલમાં પોલીસે અજાણ્યા શખ્સની ઓળખ કરવા માટે વિવિધ દિશામાં તપાસ હાથ ધરી છે. વીડિયો તેમજ ઘટનાસ્થળને લગતી અન્ય વિગતોના આધારે પોલીસ આરોપી સુધી પહોંચવાના પ્રયાસ કરી રહી છે. તપાસ પૂર્ણ થયા બાદ સમગ્ર ઘટનાની વધુ વિગતો સામે આવે તેવી શક્યતા છે.

જામનગરના ખેડૂતોનો પાવર ટાવર સામે આક્રોશ, યોગ્ય વળતર અને જમીન અધિકારોની માંગ