Gujarat Video: રથયાત્રાની પૂર્વ સંધ્યાએ જગન્નાથ મંદિરે પહોંચ્યો PM મોદીનો ખાસ પ્રસાદ, મુખ્યમંત્રી હતા ત્યારથી પ્રસાદ મોકલવાની પરંપરા PMએ દિલ્હી જઈને પણ જાળવી

આવતીકાલે ભગવાન જગન્નાથજીની નીકળનારી રથયાત્રાને લઈને તમામ તૈયારીઓને આખરી ઓપવામાં આવી રહ્યો છે. રથ, ખલાસીઓ, ખેલૈયાઓ અને ભાવિ ભક્તો વ્હાલાના વધામણા કરવા માટે તૈયાર છે. સવારે જગનતો નાથ નગરચર્યાએ નીકળશે અને તેમના ભોળા ભક્તોને દર્શન આપશે ત્યારે સહુ કોઈ વ્યક્તિ ઉત્સાહિત છે. રથયાત્રાની પૂર્વ સંધ્યાએ પીએમ મોદી દ્વારા પણ દર વર્ષની પરંપરા મુજબ ભગવાન માટે ખાસ દિલ્હીથી પ્રસાદ મોકલવામાં આવ્યો છે. ભગવાન જગન્નાથને બહુ પ્રિય એવા જાંબુ, મગ, કેરી, કાકડી અને સૂકામેવાનો પ્રસાદ આ વર્ષે પણ પીએમ મોદી દ્વારા રથયાત્રાની પૂર્વ સંધ્યાએ ખાસ મોકલવામાં આવ્યો છે.

આ પણ વાંચો : Rathyatra 2023 : ભગવાન જગન્નાથનો રથ ખેંચવાથી જન્મ મરણના ચક્રમાંથી મળે છે મુક્તિ, જાણો ભગવાનનો રથ ખેંચવા પાછળ શું રહેલી છે ધાર્મિક માન્યતાઓ

ગુજરાતના મુખ્યમંત્રી હતા ત્યારથી નરેન્દ્ર મોદી જગન્નાથ મંદિરે મોકલે છે પ્રસાદ

પીએમ મોદી જ્યારે ગુજરાતના મુખ્યમંત્રી ત્યારથી દર વર્ષે ભગવાન જગન્નાથના મંદિરે ખાસ પ્રસાદ મોકલે છે. વડાપ્રધાન નરેન્દ્ર મોદીએ દિલ્હી ગયા બાદ પણ આ પરંપરા અકબંધ જાળવી રાખી છે. કોરોનાના બે વર્ષ દરમિયાન પણ જ્યારે રથયાત્રાનું આયોજન નહોંતુ થઈ શક્યુ અને માત્ર મંદિર પરિસરમાં જ રથયાત્રા નીકળી હતી એ સમયે પણ પીએમ મોદી પ્રસાદ મોકલવાનુ ચૂક્યા ન હતા અને પીએમનો પ્રસાદ મંદિરે પહોંચી ગયો હતો. PM મોદીએ મોકલેલા પ્રસાદમાં કેસર કેરી, જાંબુ, મગ, ચોકલેટ, મીઠાઈઓ અને કાચુ સીધુ જેમા મિલેટ્સનો પણ સમાવેશ થાય છે.

અમદાવાદ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો